عايز نصيحه من حد كبير او متزوج بيكون عنده تجارب او حكيم المهم عايز نصيحه استفيد منها انا شاب قريبا هتخرج من الكليه وعندي مشكلة انانا كنت بحب وحده كانت بتبصلي كثير تقابلنا اكثر من مره بس ما اعترفتلها بشيء
كنت بحبها لدرجه ان لما بتكلم معاها بتلعتم ف الكلام وجهي بيحمر خجلا وببقى مش مركز وافكاري متلخبطه والكلام الي مرتبه بيروح مني هههه
بعد فترة سمعت انها ارتبطت دخلت في حالة اكتئاب وكنت مش قادر اشيلها من دماغي بفكر فيها كل الوقت حتى لما بكون مع صحابي بيقولولي سارح ف ايه.. لما بسوق.. ف لحظات الفرح والحزن مش رايحه من بالي
وانا مؤمن بالله وربنا وكل شيء قسمه ونصيب وقلت لازم اشوف حياتي انا بقى ما ينفعش الي بعمله ده
المشكلة مش هنا المشكله ان انا بكلم البنات (زميلات) عادي وبهزر وبتكلم معاهم عادي زي اي حد بس انا الي مش فاهمه ليه حاله التلعتم ووو.. بتجيني بس مع البنت دي
مع ان في بنات معجبين وعايزين يرتبطو بيا وكدا بس انا بنفر منهم لاني ما بحبش اعشم حد بيا وانا ما بحبهوش
لانى مش حاسس ب أي شيء اتجاههم زي اللي حسيتها مع البنت الدي
انا عايز اسال الناس اللي متزوجه والي بتفهم الهباب المنيل ده هههه
هوا انا لازم احس الاحساس ده وبعدي بالحاله دي لحتى اعرف ان هي دي لبحبها وعايز اتزوجها
انا مش عايز اتزوج و اظلم بنات الناس بالاخر اطلقها عشان مش هيا دي الي برتاح معاها ومش هيا دي لبحبها؟؟؟
ولا هو اتزوج اي وحده تخترهالي امي وخلاص وبكون ده الاختيار الصح؟؟؟ 🙂
شوف ياحبيبي الحب الحقيقي يكون بعد الزواج وليس بالضرورة انك تكون عارف البنت ولك علاقة معها قبل الجواز دي اخطاء كبيرة يقع فيها الكثير من الشباب والبنات اي علاقة خارج اطار الرسمي كالخطوبة تكون فاشلة في النهاية وطالما ان الست والدتك موجودة فهي اكيد هتختار لك بنت الحلال الكويسة وهتكون اعرف منك في الامور دي توكل على الله وخليها تدور لك على بنت حلال اللي على دين وخلق وتربية واصل يشرف وربنا يكرمك ويؤفقك ان شاء الله