انا متزوجة بقالى 4 سنين وزوجى مسافر الخليج بقاله 3 سنين و5 اشهر وانجبت منه بنت حتى رفض ينزل ايام ولادة بينتا وهو بعيد عنى وعن بنته
طول الفتره دى وبنته عندها دلوقتى 3 سنين ولا عايز ينزل ولا عايز يخدنا هناك الا بشروط لان اهله هناك وعايز يخدنى يعيشنى مع امه وابه وله اخين
رجاله لسه مرتبطوش لان امه عاوزه كده وهو سامع كلمها وهو مخيرنى ياما انا اعيش مهم كده ياما هيسبنا كده انا بنتى فى بيت اهلى وانا طبعا رفض
ان اسافر وقولتله ياما تجبلى غرفة ومطبخ وحمام فى شقة لوحدى ياما انا مش هاجى وهو مش راضى اعمل لان بسع كلام ولدته فى كل شئ فى حياتنا
حتى طلبت منه الطلاق مش عايز يطلقنى اعمل اريد حلا
اختي من حق الزوجة طلب السكن الخاص بهاوزوجك مطالب بتوفيره سواءفي مصر اوفي الخارج ومسالة انك تسكني مع اهله هذايرجع لك ان وافقت كان بهاواذالم توافقي مش من حقه يجبرك على العيش مع اهله اشركي احدمن اهلك في الموضوع دا واذالم يستجب فمن حقك طلب الطلاق منه لاخلاله بشرط من شروط الزواج وهو توفيرالسكن لك ولاولادك وفقك الله
عزيزتي سافري لجوزك وهناك لكل حادثه حديث,انتي لانك بعيده عنه مش بيسمع كلمتك لكن لما تسافريله وتكوني بحضنه هيتعلق بيكي وفي بنته مش كده عايشين اغراب,وبعدها هوا من نفسه هيغير عليكي من اخواته ومش هيقبل تعيشي عندهم وانتي الفتي نظره للحجات دي يعني قوليله نفسي اسعدك واعملك حجات كتيره بس مش واخده راحتي مش قادره البسلك حاجه مكشوفه قدام اخواتك وحجات زي كده ,المهم انك تروحيله لانه انتو كده زي اللي مش متجوزين ومصيره يتجوز عليكي او يعرف غيرك لو فضلتو كده وانتي يمكن توقعي في الغلط لا سمح الله ,فحاولي باسرع وقت وسافري لجوزك
لو طلبتي الطلاق يبقى حتعيشي في هم ونكد بقية حياتك وبنتك حتتشرد وحتكملي حياتك في المحاكم والأقسام!!!
استهدي بالله واسمعي كلام زوجك في الحق طبعا
وحاولي تهدي بيتك وماتدخليش حد بينكم لا من أهله ولا من أهلك
واحترمي فيه سماعه كلام أمه لأن ده واجبه شرعا فالأم لها الأولوية عالرجل والزوج له الأولوية على المرأة
انا مش عارف اية الرجالة دى طيب اتجوزوا لية من اساسة طالما امة مش قادرة تستغنى عنه وعايزاه قدامها طول الوقت الموضوع دة بقى منتشر جدا انا لية قريبة ليها نفس المشكلة بس فى مصر مش فى الخليج وانتهى موضوعها بالطلاق بعد محاولات عدة معاه لكن مفيش فايدة ضعيف الشخصية امام امة واهلة. نصيحتى ليكى انك تحاولى مع انى اخاف انك تسافرى وهاتكونى لوحدك هناك ومفيش حد من اهلك جنبك لكن حاولى معاه واقنعيه انة حرام انك تكونى فى مكان ممكن يحصل خلوة فية لو حد من اخوانة فى البيت وانتى فية لوحدكم وانك مش هاتكونى على راحتك ومش هاتعرف تقعدى بملابس البيت امامهم ومش عايز اصدمك واقولك انك ممكن تكون زى الخادمة ليهم هناك يعنى انتى اللى هاتتطبخى وتكنسى وتمسحى وتغسلى وانا عن نفسى رايى ان حد كبير من اهلك يكلم حد من اهلة ويتفاهموا ويحاولوا يوصلوا لحل ايجابى وانتى اللى بتطلبية شيىء من حق اى زوجة وبالذات لو زوجها مقتدر.
انا اعمل بالخليج ومعى زوجتى وبنتى لسة طفلة رضيعه وعلى الرغم من الصداع اللى عندى وعدم القدرة على النوم بسبب بكاءها طول الوقت لكن مفيش احلى من شعور انى اشوف بنتى بتكبر امام عينى.
ارغب فى ان اقولك معلومة عن الخليج لو زوجك يعمل بالسعودية فاغلب وقتك هايكون فى البيت لان هنا اغلب النساء المغتربات مش بينزلوا لوحدهم ولو هاتخرجوا هايبقى يوم فى الاسبوع غالبا. ربنا معاكى ويوفقك
سافريييله وهناك يحلها ربنا وتحاولي توصلي للي انتي عاوزاه من تحت لتحت وواحدة واحدة
اكرر تاني سافرييييله احسن من الغيوم اللي انت عايشة فيها ددلوقتي
السلام عليكم
حبيبتي قصتك نفس قصتي تمام
بس انا وفقت ورحت وعشت في البيت مع الاهل ولكن المشاكل مش بتخلص ابد ووجع قلب يوميه لكن الطلاق مش حل الاول اعملي اللي عليكي واتفهمي معاه مره واتنين مافيش ناتيجه روحي المحكمه واحكي اللي عندك كله او تروحي السفاره التابع ليها وقصي القصه عليهم واعرفي ان الدوله الخليج القوانين بتاعتهم غير خالص عن هنا بجد هيقفو جمبك
بس وانتي بتكلميه قليلو انا هروح السفاره وهشتكي عليك وجمتي قلبك والله ليخاف وبسرعه هيدورلك علي شقه
ده لو مكانشي اتجوز هناك
وربنا معاكي
وحسبي الله ونعمه الوكيل في كل راجل يظلم وحده
سافرى لزوجك فورا و بدون تفكير كفاكى 3 سنوات و اكثر بنتك بعيدةو لا تعرف لها اب و هناك عليك بالرحمة و المودة و كونى لة امة سيكون لك باذن الله عبد ينفذ طلباتك و رغباتك ابداى بالحب و لن تجنى الا الحب و اين عائلتك التى تركتكى بدون ان تشور عليكى بهذا اليس منهم رجل رشيد؟
احفظى بيتك وبنتك الى ان يقضى الله فى امرا كان مفعولا
أولا واضح إنه مش موضوع عدم القدره على إنه يجيبلك شقه مستقله لوحدك في الغربه سببه الفلوس لأن طالما أهله كلهم معاه في الغربه فأكيد الحمد لله مقتدرين
ففكرة عنده أخين في البيت مش متزوجين دا طبعا مش هينفع لأنك على طول هتكوني مش عارفه تجلسي في مكان ماهم جالسين وخصوصا لو كنتي محجبه وطبعا هما مش شغالين فعلى طول في البيت ودا أمر خطير جدا
يقول النبي صلى الله عليه وسلم عندما سُأل عن الخلوه وأن يكون أخ الزوج مع زوجته في مكان …
قال (( الحمو الموت)) أي أن يختلي الرجل بزوجة أخيه هذا هو الموت
وطبعا أكيد لو كنتي معاهم الوالد في العمل الزوج في العمل الأم مشغوله في مكان ما أكيد هيحصل خلوه في المطبخ في أي مكان طالما أنتو مع بعض أكيد هيحصل خلوه
فلازم تخلي أهلك يدخلو في الموضوع لأن النوع اللي بيسمع كلام أمه في الخطأ وأكرر اللي بيسمع كلام أمه وهي تكون مخطئة سيكون عليك وبال إذا لم تأمني نفسك بضوابط لأن ممكن تروحي عنده وتتفقوا على شقه وتروحي ماتلاقيش شقه فلازم رجاله تتفق مع أبوه ومعاه
ولازم تصبري عليه وتشوفي كل الوسائل الممكنه إنه يحابي على بيته واسرته وقوليله والدتك كانت عايشه إزاي لو عنده أخوات بنات عايشين إزاي شوف حواليك الناس عايشين إزاي كل واحد في بيت مستقل ودا الطبيعي إلا حالات إستثنائيه إما يكون عدم المقدرة الماديه أو الأم ليس لها إلا الإبن فدا طبعا يكون الزوج والزوجه مع الأم
وغير ذلك فكل أسرة في مكان مستقل
أسأل الله لك التوفيق وان يصلح لك زوجك وتدوم المحبة والألفه بينكم
شوفي يا اختي من حق الزوجه على زوجها سكنها وهذا حقك وكونه بيحاول يسلبك هذا الحق فمن حقك طلب الطلاق ولكن لتنظري الى بنتك اولا كيف ستعيش بين اب وام منفصلين حتى ولو كنتم في حك المفصولين بسفره بعيدا عنكم ، لذلك رأيي ان تحرميه من الكلام معكم وان تهدديه فقط ولكن لا تصعدي التهديد حتى لا يكون العناد نتيجته الطلاق اعوذ بالله فقط مجرد تهديد لا تتحدثي اليه كثيرا ، حاولي ان تعزليه عن حياتكم بالقصد وهكذا
على فكره انا اشم ريحة العناد منك ومن زوجك انتى عنيده وزوجك عنيد انتى قلتى فى كلامك عايش مع اهلو وخواتو وطبعا لما اتجوزك كان عايش مع اهلو واخواتو وانتو وافقتو انتى بتقولى مسافر من 3 سنوات لاكن فى كلامك بتقولى انو فيه مداولات بينكو ممكن تكون المداولات دى من اول سنه لاكن انتى رافضه المبدا وعايزه تستقلى مع زوجك لنفسك وبس 000 طبعا الاستقلال واجب لاكن لما يستقر فى بلدو وقتها اكيد هيكون كون نفسو وعملك بدل لشقه قصر ثم اهلو هم اهلك واخواتو هم اخواتك سواء كانو عزاب او متزوجين ثم انتى بتتدخلى فى امور الغيبيات ليه مش يمكن لما تروحى يتغير الحال لان اصلا كل راجل بيحب ينفرد بمراتو ولما هتروحيلو وهتكونى جنبو هيحبك ويتمنالك الرضا ولما قلتى انو رفض ينزلعند الولاده اكيد لانو مبيسمعش منك كلمه حله ودايمات فى عراك مستمر بسبب ان عايش مع اهلو وانتى رافضه تروحيلو بالوضع ده فيه مثل بيقول العند بيورث الكفر انتى لازم فى الاول تسافرى على نفس وضعو ومع اهلو وتشوفى الوضع هيكون ازاى يمكن يتغير الوضع لما تسافرى ويحس بحبك الو واهتمامك بيه وقتها يغير الله من حال الى حال ثم حتى لو اطلقتى ايه الى هتاخديه حفنه تراب لا تثمن ولا تغنى من جوع شويه فلوس عفش كل ده كلام هلس زائل زوجك هو سندك هو ساتر هو ونيسك والله العظيم تدخل الناس والاهل فى المواضيع دى يفسد لا يصلح جربى نصيحتى واتركى العناد وسافرى وهتعرفى انو انتى اخطاتى بحق زوجك لما رفضتى السفر له وال لو مرتحتيش بقى هناك وقتها يبقى يحلها الف حلال لاكن جربى لانو ما زال زوجك انتى مش هتروحى لواحد تمارسى معو الحرام ده زوجك وابو بنتك لما بس هيشوف ابتسامه بنتو والله انا متاكد لياخدلك قصر المشاكل والعناد لا يولدا غير الخراب وشكرا
صباح الخير دخلى اهلك فى الموضوع وابتدى بالتفاهم بالعقل لان المده دى كده اولا حرام شرعان وغلط انه يبعد عن بيته البعد ده انا مسافر فى الخليج واعرف ازاى الزوج يقدير يجيب زوجته والسكن سهل جدا بس واضح من زواجكك انه عنيد ومتتبع كلام اهله ودى حجج علشان ميخدكيش ادخلى اهلك يكلو اهله او يكلمو هوه بالتفاهم قبل خير وبركه مقبلش عليك وعلى المحكمه هتحكملك فى جلستين لان ده هجر للبيت شوفى وجربى طرق الصلح اولا بالفهم والاتفاق وردى علينا ونساعدك برئينا انشاء الله / المحامى