السلام عليكم ورحمة الله وبركاته
ًانا بنت مصرية عندي ١٦ سنة في أولى ثانوي
لي أخت في تالتة ثانوي وأخ في سادس ابتدائي
احنا التلاتة اتعلمنا في السعودية من الابتدائي للنهارده
أمنيتي إني أدخل الصيدلة .. بس ده حلم بعيد >
عايشين دلوقتي في السعودية وبننزل مصر في الأجازة بس
مشكلتي اني مش عرفة أعمل إيه … اسمعوني :
أختي السنة الجاية هتبقى في الجامعة .. وطبعا هتدرس الجامعة في مصر
وعلشان كده احنا قررنا ننزل مصر نهائي
بس ماما خايفه إني ما عرفش أمشي مع المناهج المصرية
وبتفكر إنها السنة الجاية تسيب أختي في مصر وترجع بيّ ًانا وأخويا للسعودية
بس لو رجعنا السعودية علشاني وجينا نرجع مصر تاني ، أخويا هيكون نازل مصر على تالتة إعدادي ، يعني هيكون محتاج مجهود كبير علشان لازم يجيب مجموع … وبصراحه أخويا متعود على الترفيه
بس احنا زهقنا من السفر
ودايما خالاتي بيقولوا لماما انها ترجع بي لان المناهج صعبة في مصر
وماما تايهه معايا لانها مش عرفه إذا كانت ترجع بي مصر ولا تقعد معايا في السعودية
وماما بتقول لي لو انا هكمل في مصر هدخل طبعا علمي وهروح علم رياضة
يعني حتى أمنيتي إني أروح الصيدلة ضااايعة >
وبصراحة ًانا عايزة أكمل تعليمي في بلدي
بس اتعقدت من الكلام إللي بسمعه وخايفه أنزل مصر وماقدرش أمشي فيها
وأنا بصراحة بنهار بسرعة يعني لو قابلتني حاجة صعبة في المنهج حاسه إني مش هعرف أكمل
وأنا مابحبش أكون مضغوطه ومجبوره إني أعمل حاجة
يعني لو مثلا قدامي مسألة وأنا مرغمة إني أفهمها مش هقدر أفهمها … مش بإيدي
بحب أعمل كل حاجة بحرية
بس ًانا مش عايزة أحكم على المنهج المصري إنه صعب إلا لما أجربه
فأنا مش عرفة إذا كنت أطنش الكلام إللي بسمعه وأنزل مصر وأكمل هناك ؟ ولا أسمع كلام خالاتي وأكمل دراستي هنا في السعودية لإني مش هقدر في مصر ؟
ًانا بالنسبة لي عايزة أطنش وأرجع بلدي …
إنتم رأيكم إيه ؟
(ً( انا عارفة إن كلامي ملخبط .. لإني مش عرفة أوضح إللي ًانا عايزاه ))
