بليز ساعدونى انا كنت فى 2 ثانوى جبت النتيجة 96.3 % و بعد تنسيق الثانوية العامة لعام 2012 قولت اكمل رياضة لأنى مش ضامنة العلوم هيدخلنى ايه و حضرت دروس خصوصية شهر رياضة مع ان من و انا صغيرة و انا حلمى ادخل كلية طب و بعد شهر الرياضة بقت صعبة و حاسة ان نفسى اتقفلت منها و فكرت احول احياء .. بس خايفة مدخلش حاجة بمجموعى دة و اندم ان كان ممكن ادخل هندسة و سبتها .. و فى نفس الوقت نفسى ادخل كلية طب … تفتكروا مجموعى دة هيدخلنى حاجة فى علمى علوم ؟؟ ولا اكمل رياضة ؟؟ تنصحونى بأية عشان انا بجد تعبت و مش عارفة اعمل اية و خايفة اوى ان التنسيق يبقى زى 2012 و مش عارفة اعمل اية !!
مشاكل الثانوية العامة
هل اكمل علمي علوم في الثانوية العامة
اضيف بتاريخ: Tuesday, August 21st, 2012 في 11:48
كلمات مشاكل وحلول: الثانوية العامة, تنسيق
بسى مفيش مستحيل قدام ربنا لازم تتوكلى على الله وتختارى اللى نتى نفسك فيه علشان تبقى فرحانة حتى وانتى بتذاكرى ولكل مجتهد نصيب واعرفى ان ربنا عز وجل هيديكى على اد مانتى اجتتدى وتوكلى على واختار علمى علوم وانشاء الله ربنا هينولك اللى فى بالك والسلام عليكم ورحمة الله وبركاته
انا بقى جايبة 98,5 ونفسى ادخل رياضة بس انا كملت من اول السنة احياء ومش مشيت فيها خالص وعاوزة ارجع رياضة بس حاسة ان الوقت فااااااااااااات
بصى انا من رأيى انك تخليكى علمى علوم لأنك لو كملتى فى الرياضة هتتعبى اوى وانتى نفسك تدخلى طب ثانيا مفيش حاجة مستحيلة على ربنا يعنى لما ربنا يلاقيكى عمالة تذاكرى بجد فى تالتة ثانوى وكمان بتصليله من كل قلبك انه يساعدك وبتطلبى منه بتواضع صدقينى هيستجيب وهيدخلك طب اذا كانت دى ارادته ثالثا 96% مش وحشة دى ممكن تدخلك طب اسنان او صيدلة او كلية العلوم دة كمان لما تتعبى فى تالتة ثانوى ممكن يكون المجموع الكلى للسنتين مش اقل من 99% ربنا معاكى وصدقينى مفيش حاجة صعبة او مستحيلة على ربنا خالص. وشكرا.
شيدى حيلك شويه وتقدري تجيبي مجموع الطب مفيش حاجة صعبه واعرفي ان لكل مجتهد نصيب وانصحك تصلي استخارة واللي فيه الخير يقدمة ربنا ليكى وللجميع
انا رايئ انك تخليكي رياضه عشان ماتخسريش كل حاجه وبردوا لازم تصلي استخاره عشان ربنا عارف الخير فين
بسم الله الرحمن الرحيم :
* توكلي على الله ، و كملي في علمي علوم .
– لو ما جيبتيش طب ، قدامك علوم و إعلام .
* أصعب حاجة إنك تدرسي حاجة مش بتحبيها ، أو تعيشي مع حد مش بتحبيه . النتيجة إيه ؟ : عايشة الواقع من غير بهجة و لا إحساس بالسعادة .
* استعيني بالله و كملي ، و ربنا يوفقك .
*** و الله أعلم ***
انا نفس المشكلة ومش عارفة اعمل اية انا خايفة اكمل علم علوم على تنسيق دة هو انا ممكن اكمل علمى علوم وازيد بس 2 فى المية انا جيبة 96 بس مش عارفة ادخل علم ريا ضة وتيجى هى اللى صعبة كمان ويترفع التنسيق حد يرد ويقول اعمل اية انا بقول ادخل علم رياضة مع انة صعب وانا عاوزة اشتغل مش اخذ الكلية واعود فى البيت انا هدخل علم رياضة عشان خاتر ماما وبابا بس عشان اريحهم استر يا رب يا رب نصيحة من حد حد يجاوب تودا ربا
انا من راى ادخلى الحاجة اللى انتى بتحبيها عشان ربنا يوفقك فيها بعد كدا وان شاء الله تنسيق السنة الجاية يكون احلى من السنة دى ومجموعك مش وحش كل الحكاية انك هتعوزى تشدى على نفسك اكتر من كدا فلو كنتى شيفة انك تقدرى خلاص يبقى حولى وخليك علمى علوم
بصي انا زيك بردو وجبت 96.6 وطول عمري وانا نفسي ادخل صيدلة وطبعا بعد التنسيق كلو اتغير وحولت رياضة لاني فعلا لو دخلت احياء مش هلحق حاجة وصعب جدا اننا نرفع ف تالتة وبيكون نادر اللي مجموعو بيزيد ومحدش ضامن ظروفو هتبئى عاملة ازاي ف ع الاقل لو ملحقتش هندسة هلحق حاسبات او تخطيط عمراني وخصوصا ان دماغي كويسة ف الرياضة والرياضة اصلا مش عايزة غير انك تحلي كتير وبس وبعدين التنسيق لو نزل السنة الجية مش هينزل غير لو الامتحانات جات صعبببببة ولو جات صعبة طبيعي جدا هننقص ف الموضوع يعني محتاج استخارة كدة م ربنا وتوكل عليه