هموم البنات

خايفة فى يوم يفقد الثقة فيا

حبيت اكتبلكم مشكلتى وانا عارفة حلها بس محتاجة انكوا تريحونى وتنصحونى زى اختكوا انا مخطوبة لانسان مهما وصفتلكوا هو قد ايه حنين وطيب مش هتصدقوا وفيه كل الصفات المميزة اللى تتمناها اى بنت فى الدنيا والحمد لله احنا مخطوبين عن قصة حب ودلوقتى فات سنة على خطوبتنا وفاضلنا سنة بس  حصل نوع من التجاوزات بينى وبينه ابتدت من لمسة ايد ثم حضن وقبلة ولم تتعدى ذلك رغم اننا مش بنقعد لوحدنا يعنى بنكون فى مكان مفتوح فى البيت بس فى دقايق بتيجى علينا بيبقى كله مشغول عننا وبيحصل كده خطف وزى السرقة ولكن بمجرد انه بينزل من البيت بحس بتانيب ضمير فظيع وادعى ربنا يجمعنى بيه فى اقرب فرصة لانى فعلا بحبه اوى ومقدرش اعيش من غيره وكلمته كذا مرة اننا نحاول نبطل كده بس كان رده انه مبيقدرش يكون قاعد جنبى وميلمسنيش وياخدنى فى حضنه وللاسف ده نفس احساسى برضو

رانا خايفة اوى رغم حبه ليا يفقد الثقة فيا او ان ربنا يعاقبنا ويفرقنا عن بعض يا رب سامحنى يا رب اجمعنى بيه قريبا عاجلا واغننا بحلالك عن حرامك انا مش عارفة ارتاح قولولى اعمل ايه كل ده بسبب حبنا بس فى الاخر حاجة بتغضب ربنا وبتحسنى انه ممكن يحتقرنى او يعايرنى بحاجة زى دى فى يوم من الايام

ارجوكم ادعولى

مشاكل وحلول ذات صلة

اضيف بتاريخ: Wednesday, September 22nd, 2010 في 09:32

كلمات مشاكل وحلول: , , , , , ,

17 رد to “خايفة فى يوم يفقد الثقة فيا”

  1. هدى
    18/12/2010 at 15:04

    احترمى اهلك على الاقل
    حرام تعملى فيهم كده
    مش ممكن الخطوبه تتفك
    ساعتها هتعملى ايه بقاااااااااااااااااااااااا

  2. moslema
    01/10/2010 at 23:19

    حرام طبعا الكلام
    ده افعال الشيطان بيوسوس بده
    وانتم بتنفزوا كلامه للاسف
    حاولى تحافظى على شكلك ادام ربنا مهما كان حبك لخطيبك ده
    وعلى فكره هتكبرى فى نظره وفى نظر نفسك عما تحافظى على نفسك وكرامتك
    الله يهدينا ويثبتنا على طاعته امين

  3. الباكية الي الله
    26/09/2010 at 21:58

    اخيتي في الله
    انتي انسانه جيده لانكي تؤنبي نفسك
    استغفري الله تحدثي معه في هذا الامر كثيرا
    ذكريه بالله وماذا سوف يقول له الله اذا لقدر الله لقدر الله حدث له امر ما
    اسئليه ايرضاها علي اخته فانت لست محلله له حتي الان
    واوجه هذا الي من يقول امر طبيعي
    اخي اخيتي :هذا خطاء كبيييييييييير حتي بين المكتوب كتابهم فقط
    ماذا ان وقعوا في الحرام معظم الرجال يتركون خطيبتهم بعدها
    هذا حرام شرعا وهذا يعتبر ذنب كبير
    (الا من تاب وامن وعمل عملا صالحا)

    فهذا اخيتي ليس بامر طبيعي اذا كان في استطاعتكم ان تعجلوا بالزواج كان هذا خيرا اذ لم تستطيعوا فذكريه ونفسك كثيرا بالله عز وجل

    وادعو الله لكي بالستر والغفران
    وان يجمعكم علي خير

    اختك في الله

  4. القلب الفرح
    23/09/2010 at 06:51

    اختى انصحك انك تكتبى الكتاب فىى اسرع وقت ممكن

  5. راحة القلوب
    23/09/2010 at 06:22

    بجد مش عارفة اشكركم ازاى جزاكم الله كل خير يا رب على نصايحكم ليا انتوا فعلا ريحتونى اوى اوى
    وربنا يسترنى انا وبنات المسلمين اجمعين يا رب
    اللهم امين

  6. bosy
    23/09/2010 at 01:09

    انا عايزه ارد علي الناس الى ردين بانه ده عادى
    اتقو الله يا جماعه ايه هو الى عادى ده امر مفيهوش نقاش وصاحبة المشكله نفسها كاتبه انه عارفه انه غلط
    وهى عايزه حل
    وهى عرفاه كمان بس عايزه تشجيع عارفاه انه اما بتحبي حداوى بيكون ده صعب اوى
    بس قمة التححى بقي وشوفى ربنا هيباركلك ازاى ف العلاقه خاصى انك حباه اوى
    وواصح انك ماشاء الله علي خلق فربنا يهديو ويسرلكو الخير وانا مع فكرة كتب الكتاب

  7. no
    22/09/2010 at 17:51

    لازم تعجلي بكتب الكتاب وخلي بالك من نفسك وربنا معاكي والف مبروك ياجميل والله فرحنالك بس ياريت تدعولي كلكم يا جماعة ان خطيبي يبقي زي خطيبك ربنا يسعدكم

  8. الحقيقه الغائبه
    22/09/2010 at 16:33

    اكتبوا كتابكم وريحي نفسك مش انتم بتحبوا بعض وضميرك بيانبك يبقي خليكي ف السليم حتي لو لمسك وانتم مكتوب كتابكم اديكي زوجته

  9. love angel
    22/09/2010 at 14:35

    انا شايفة انه الي بصير عادي بس لا تخليه يتطور اكثر من هيك وخليكم على هذا الحال خصوصا اذا كاتبة كتابك بهاي الحالة انت مرته بحقلو كل شي وبالتالي ما في داعي للقلق والخوف لانك مرته

  10. نادر سلوم
    22/09/2010 at 14:21

    الحمد لله اختي ما وقعتي بالمحظور وهذي الاشياء بتصير بين المخطوبين واتمني انك تمسكي نفسك وانتي معاه

  11. dodo
    22/09/2010 at 13:34

    الرجل بعد الزواج وقبل الزواج لما يقعد يفكر لوحده ويلاقيكى فرطى فى حاجه ولوصغيره يقول زى زى غيرى لو كان غيرى اللى خطبها كان حيكون نفس الموقف ومش حيرضى يخليكى تتكلمى مع حد او تروحى مشوار وتباتى عند اخواتك مثلا لكن اذ كنتى جامده معاه حيثق فى وحيحترمك اوى تفكرى انه زله المؤقت ده ادامك حيستمر لاه ده وسيله للضغط عليكى الرجاله مش بيزعلوا خلى بالك دى حركات ادامك بس اوعى تخليه يعمل معاكى حاجه سامعه الرجاله الايادم دى ميتوثقش فيهم اوع انتى حره انا نصحتك

  12. رجل امين
    22/09/2010 at 11:31

    قل تعالي (يا ايها الذين امنوا لا تتبعوا خطوات الشيطان) تأكدي يا اخت ان هذه هي خطوات الشيطان وكما شرحتي انها بدأت بلمسه يد ثم قبله ثم حضن ثم ماذا بعد ….والبقيه تأتي. لايجوز هذا مطلقا يا اختي لان مافيش اي علاقه شرعيه تربطكم غير وعد بالزواج فقط لو كان اللي بينكم كتب كتاب يبقي ممكن يكون حلال ومافيهوش مشاكل اما دي خطوبه .. لا يجوز هذا مطلقا يا اختي الفاضله قال تعالي (ومن يتق الله يجعل له مخرجا ويرزقه من حيث لا يحتسب) اتق الله يا اختي فقد يجعل الله لكم فرجا قريبا وتذكري قول الله تعالي (ان بطش ربك لشديد)// اما اذا اصررتم علي فلابد من كتب الكتاب -بالتوفيق ان شاء الله وربنا يهديكم

  13. DND
    22/09/2010 at 11:17

    عزيزتي هذا امر عادي بين المخطوبين
    هذا الان زوجك شرعي فالامر هذا جدا عادي
    وحيكون لها طعم خاص بعد الزواج وتتذكرينها طول العمر
    نتمنا لكم التوفق والزواج السعيد ان شاء الله

  14. سوسو
    22/09/2010 at 11:06

    كلامك وتفكيرك صحيح واكثري من الدعاء للزواج بسرعه ولكن هذه ليست مشكله وما تزيد عن حدك لطالما تحبو بعض وبينكم الثقه فيعني حاولي تفهميه شويه وو وربنا يحفظكم

  15. كلمة
    22/09/2010 at 11:05

    حاولي تستغفري ربنا وماقعديش لوحدك علشان الشيطان ولازم تعرفي ان الخطوبه تعارف للجواز وليس وعد والزام بالجواز .حاولي تسيطري على نفسك لان النفس اماره بالسوء وتسدي كل سغارات الشيطان لانه اذا ما خطيش موقف ازاي ربنا هيبارك ليكم بالجواز..انتي اجنبيه عنه……. حاولي تبعدي وتبعديه عمنالكلام المعسول الجميل وتتكلمه ازاي تبنوا مستقبلكم…لان دي غلطه وقع فيه ناس كتير حب وغرام قبل الجواز والنسبه اللي اتخطبوا واتجوزوا بقى فيه ركود ف المشاعر علشان مابنوش حياتهم ع اساس سليم..زنصيحه من اكثر منك خبره..فكري صح تلاقي حياتك احسن…..عند ناس كتير البوه والحضن حاجه بسيطه لكن عند ربنا كبيره جدا ودا لان ربنا عاوز يحافظ عليكي

  16. احمد المصري المصري
    22/09/2010 at 10:10

    تحبي تزعلي منك مين خطيبك ولا ربنا حاولي تفهمي انتي وخطيبك ان ده غلط وساعديه وعجلوا بالجواز عشان تبقي حياتكم حلوة متخلهاش تتعكر قبل الجواز وبعده ربنا يوفقكم ويجمع ما بينكم بالحلال

  17. الوجه الاخر
    22/09/2010 at 09:50

    ده بيحصل بين اغلب المخطوبين بس احذرى من ان يتطور الموضوع اكثر من بوسه وحضن الى اكثر من كده هو طبعا غلط جدا انك تتسهلى قبل الزواج حاولى بقدر الامكان التعفف علشان ممكن هو يفكر بعد كده انك متساهلة وده عادى ودايما افتكرى ان الممنوع مرغوب يعنى كلما حفطت نفسك كلما كنتى مطلوبة اكتر من ان تكونى سهلة ورخيصة

اترك رداً أو حلاً لهذه المشكلة