انا بحب واحد بس بحس ان انا مش اول اهتمامته زى ما هو اول اهتماماتى يعنى الشغل والدراسة وبعد كده انا ويمكن فى شويه حاجات قبلى كمان بس انا بحس انه بيحبنى بس عمل معالا كذا موقف مش حلوين كان بيبان فيهم ندل بس ده من فتره طويله
انا بحب واحد بس بحس ان انا مش اول اهتمامته زى ما هو اول اهتماماتى يعنى الشغل والدراسة وبعد كده انا ويمكن فى شويه حاجات قبلى كمان بس انا بحس انه بيحبنى بس عمل معالا كذا موقف مش حلوين كان بيبان فيهم ندل بس ده من فتره طويله
اضيف بتاريخ: Tuesday, October 26th, 2010 في 13:31
كلمات مشاكل وحلول: البنات, الدراسة, الشغل, حب, هموم, هموم البنات
انا بحب واحد وهو قالي انه بيحني فضلنا مه بعض 6شهور كويسين بعد كده اتغير معايا ارن عليه ميردتش ولو رد رد يكون بارد واسلوب وحش اوي لما كان بيزعلني مكنش بيهمه كان بيقول انا كده ومش هتغير ومش بعتذر لحد اللي عاجبه عاجبه وللي مش عاجبه يتفضل ف ستين سلامه انا معنديش عزيز ولا غالي
وبعدها بفتره قالي اني خلينا صحاب وانا وافقت اننا نبقي صحاب برغم اني بحبه جدا من ايام الجامعه واحنا دلوقتي كمنا 3سنين مع بعض انا قولت افضل جنبه حتي لو صحاب احتمال يقدر حبي ف الآخر بس علي مدار 3سنين دول عمري ما زعلته ابدا استحملت منه كتير ومفيش واحده تقدر تستحمل اللي بيقوله وقله اهتمامه وقله ذوقه في كلام واخر حاجه امبارح بقول بعتلك ع واتس مردتش ليه راح رد قالي بصي انا مخنوق دلوقتي ومش طايق نفسي وبدات اتخنق منك ومن اسلوبك انا قولتك انا كده وهفضل كده مش عاجبك اتفضلي بصراحه كلام كان يوجع اوي برغم ان مش جديد عليا ع طول بيقولو بس مره دي حسيت ان شويه كرامه صغيرين اللي فاضلين عندي وجعوني واول مره علي مدار 3سنين اقعد 3ايام مكالمهوش ولا ابعت حتي مسج
عايزه رأيكم
لو هو بيحبك كان اهتم بيك ده لو حتي مشغول ممكن يتصل بيكي دقيقة بس علشان يسمع صوتك انا جربت ده قبل كده واحساس صعب اوي وانا حاسه بيك بس انا عملت زي ما هو بيعمل فيه بظبط ودلوقتي هو الي بيجري علشان يسمع صوتي هي الرجاله كده مش بتحس بي النعمه غير لم تروح منهم ده راي انا ايه رايك انت
بصى يا حببتى مش بالكلام الكتير شوفيه اهم حاجه هو محترم معاكى ولا لا ؟؟ احكمى عليه من موقفه لاكن كل الولاد او اغلبهم بيبقى ضامن حببته بالتالى مش بيهتم اوى وربنا يوفقك
اللى بيحب حد بيبقى الحد ده اهم شىء فى حياته..اهمليه شوية شوفى هايعمل ايه …اذا انألم من اهمالك ليه وحاول يقرب منك يبقى بيحبك …لكن اذا كان وجودك فى حياته زى عدمه انصحك تنسيه وتدورى على حد تانى يحبك وتكونى اهم شىء فى حياته …خاصة ان الحب بيتكرر فى حياة الانسان مش زى ما بيقولوا مبييجيش الا مرة واحدة..