انا كنت عايزه اسأل سؤال .. الموضوع محيرني .. انا بنت اسمي **** عندي 13 سنةة في 1 اعدادي .. الحكايةة طويلةة وهحاول علي قد ما اقدر اختصرها .. امي وهي صغيره اتجوزت واحد اسمه مصطفي .. وعاشت معاه سنتين وخلفتني .. وحصلت مشاكل بينهم واطلقو .. وبعديها عاشت عند ستي سنتين .. وجه واحد عشان كان بيحبها .. وعايزها ووافقت بعد مناقشه مع ابوها .. واتجوزتو دا كان اسمه ال**** وعاش مع امي 8 سنين .. لحد مانا كبرت وحصلت مشاكل كتيره .. بينهم واطلقو .. وامي دلوقتي عايشه معايا انا واخويا .. نسيت اقول ان لما ماما اتجوزت السيد دا خلفت منه اخويا الي هو **** .. ودلوقتي عايشه مع امي واخويا والسيد دا .. عايش ف شقه لوحده ومصطفي ابويا الحقيقي عايش ف مطروح ف مصر ومتجوز ومخلف من مراته انا دلوقتي .. مصطفي كلمني ف الفون وقالي انا هقابلك وهنزل اسكندريه وهجبلك كل الي انتي عايزاه وانا مش بحبه انا بحب السيد الي هو ابويا الي رباني وهو السيد دا كل يوم بييجي يجبلي انا واخويا حاجات حلوه وبيحبني كأني بنته بالظبط ومصطفي عايز يقابلني وانا كارهاه وبحب ابويا السيد اوي .. كنت عايزه اسال لو ينفع اغير اسمي من س م الي س ال دا ينفع ولا لا ؟ وحرام ولا حلال ؟ وايه الي هيترتب عليه ؟ ارجو الرد ضروري 🙂
الأخت الفاضلة صاحبة المشكلة – هي مش مشكلة – سبقوني في الرد اخ فاضل واخت فاضلة – معنديش جديد الا اني اذكرك يا اختي الفاضلة انتي سنك صغير وبنتي سنها اد سنك مرتين لازم تعرفي ان ابوكي اللي خلفك هو سبب وجودك في هذه الدنيا بعد ربنا سبحانه وتعالي وربنا سبحانه وتعالي أوصي بني ادم ذكرا وانثي ببر الوالدين بعد توحيده سبحانه وتعالي وعقول الوالدين من اكبر الكبائر وعقوبتها مرة في الدنيا ومرة في الاخرة والايت التي توصي ببر الوالدين كثيرة وعددها تسعة أيات منها ايتين في سورة البقرة الأية 83 والأية 215 وسورة النساء الأية 36 وسورة الأنعام الأية 151 وأيتين في سورة الاسراء الأية 23 و24 وسورة العنكبوت الاية 8 وأيتين في سورة لقمان الاية 14 و15 – كنت أود أن اذكر ليكي الايات ومعناها ولكين يضيق المكان لاتاحة الفرصة لاخواني واخواتي في الادلاء بارائهم ولا أطيل عليكي في الرد وعلي اخواني واخواتي – ولعلك ترجعي الي المصحف الشريف لقراءة الايات الكريمة وترجعي لمعاني الكلمات وتسألي اهل الذكر – وعقوق الوالدين حرام – حرام – حرام – والرسول صلي الله عليه وسلم كان قد تبني غلام وكان يدعي زيد بن حارثة ولقبه الرسول صلي الله عليه وسلم بزيد بن محمد ونزل الله سبحانه وتعالي ايه في شأنه بتحريم التبني وقال سبحانه وتعالي ” وما كان محمد ابا أحد من رجالكم ولكن رسول الله ” – يا اختي الكريمة ابوكي هو ابوكي حتي لوغيرتي اسمه – واللي رباكي هو رجل كريم يمكن أن تناديه عمي يمكن هيزعل ولكن لاتخلطي الاوراق ولا تغيري اسمك وبري ابوكي – فعن رسول الله صلي الله عليه وسلم أنه قال بروا أباؤكم تبركم أبنائكم – هذه وصية الرسول صلي الله عليه وسلم – ربنا يوفقك ويحميكي وكل عام وانتم بخير
ربنا يهدى النفوس ،حبيبتى حبى الاتنين بابا مصطفى وبابا السيد انتى ربنا بيحبك أوى رزقك بأبين مش أب واحد ،أب أنجبك وأب رباكى!! بس لازم تبرى والدك الحقيقى طبعًا ايللى هوا مصطفى وماتنسيهوش أبدًا أبدًا وتسألى عليه وعلى صحته دايمًا عشان ربنا يرضى عنك لإنك لو هجرتيه وزعل منك ربنا هيغضب عليكى وهتزعلى كتير فى حياتك وهتندمى، وماينفعش إنك تغيرى اسم أبوكى الحقيقى طبعًا ومش معناته إن ماما حصل بينها وبين بابا خلاف إن بابا مش كويس،إطلاقًا بابا مصطفى كويس جدًا وبيحبك لإنك بنته مهما حصل وبيخاف عليكى أكتر من أى أب تانى وعايز يرضيكى بأى شكل فمتزعلهوش وبوسى ايده وايد مامتك دايمًاوبرضه ما تزعليش بابا السيد منك.
يابنتي العزيزة الله تعالي يقول – ادعوهم لابائهم هواقسط عندالله – ومهماكان ده ابوكي ولايجوزان تتبري منه اوتنكريه من حياتك والرجل الثاني هوايضا بمثابة الاب لك لانه رباكي وانت صغيرة لكن لايحق له ان ينسبك اليه اويكتب في البطاقة انه ابوكي الحقيقي ده حرام لايجوز ومخالف للدين والاعراف والتقاليد وفيه غش وخداع ويترتب عليه مشاكل كثيرة انت في غنى عنها الواجب يحتم عليك المبادرة بالسؤال عن ابوكي الحقيقى مصطفى والذهاب لرؤيته وقضاء ايام معه والتعرف على اخواتك من ابوك دول لحمك ودمك وتحسني الى ابوك وتتواصلي معه عمر الدم مايصير ميه وفي الاخر انت ومالك لابيك مهماطال الزمن هترجعي له وربي يحفظك ويبارك فيك ويجعلك من خيرة البنات الصالحات