انا بنت عندي 17 سنة.. ماما و بابا منفصلين ومن انا عندي 7 سنين تقريباً
عمري ما حسيت ان حد خايف عليا و دايما كنت عارفه ان لا يمكن هلاقى حد يحبني و يهتم بيا و يفضل للأخر..
انا يمكن محدش بيعرف انى مضايقة لأنى مش بحب اضايق حد معى..بس الناس ال حبيتها كتير و قررت احكي لهم مع الوقت زهقوا.. و خصوصاً انى كنت بحب شاب و هو فى سنى تقريبا.. انا كنت مبسوطه جداً لما فهمت انه لا يمكن يسبني أبدا.. هو كمان كان كتير اوي بيكون متضايق بس انا مكنتش بتخلي عنه ابدا بالعكس كنت بفرحة و بيرجع زى الاول و احسن.. بس هو مش حابب يكون معايا تاني دلوقتى و شايف ان مستحيل حد يستحمل يكون معايا.. انا تعبت و الكل بيبعد عنى محدش حاول يكون جنبي خالص و حاسه فعلاً أنى لوحدي و بدعى ربنا كل يوم بس تعبت من كثر الزعل فعلا
هموم البنات
الإحساس بالوحدة وتأثير انفصال اهلي عليا
اضيف بتاريخ: Tuesday, February 23rd, 2016 في 05:51
كلمات مشاكل وحلول: بنت, حب, شاب
كلامك صحيح.. لكن انا اكيد كنت مبسوطه ان حد اهتم و كان قابل يسمعني و خصوصاً انى كنت وحيده جداً و معنديش حد اتكلم معه..انا فعلاً قطعت علاقتي..و الحمد لله اكيد كده احسن و اكيد ربنا معايا
انا ممكن افهمك نقطه انتى نسياها لو مش لاقيه حد يخاف عليكى او بمعنى مش مهتم بيكى فى حاجا اسمها استنى ابن الحلال انا بقالى اربع سنين مرتبط ولسه ناهى العلاقه من فتره لان تقريبا نفس المشكله اى حزن جوايا وافضفض معاها تزهق غير كده من اول 16 سنه لحد عشرين سنه اهو اكنهم راحو ف الهوى نهاية الكلام بلاش حزن وزعل وهيجيلك ابن الحلال صدقينى وارجو ردك لو قريتى الكلام واقتنعتى وشكرا
اختي العزيزة ليس معنى ان ابويك منفصلين عن بعض انك تروحي وتقيم علاقات وتعارف مع الشبان وتنسي انك فتاة على دين وخلق وتربية والبنت المحترمة ماتعملش كده مهماكانت الظروف لاعذرلك في كل مافعلتي من تصرفات خاطئة وغيراخلاقية اقطعي علاقتك بالشاب اوغيره وحافظي على اخلاقك وشرفك وكرامتك وتربيتك واشغلي وقت فراغك والوحدة بامور نافعة لك في دينك ودنياك اهتم بدراستك وتحقيق طموحك والسعى الى النجاح والتفوق في الدراسة والبربالوالدين والاحسان اليهما والسؤال عنهما حتى لوكانوا مقصرين معك اومايسالوش عنك انتي اعملي الواجب وادي الحق اللي عليك واللي امرك الله به وارضي ربناعزوجل تلاقي كل الخيروالسعادةوالرضاوالتوفيق في حياتك كلها وتلاقي كل الناس تحبك وتحترمك وتقدرك وتتمنى لوكنت بنت لهم وتلاقي ابن الحلال اللي يستاهلك ويصونك ويقدر يعوضك ويسعدك في حياتك القادمة