الموضوع باختصار ان احد استطاع ان يصل لهاتفي دون علمي
وهو امر بسيط جدا لو كان احد من زملائي في العمل فهواتفنا جميعا نضعها بالقرب من بعض وكانت هناك ثقة متبادلة
المهم وصل لهاتفي وفتح الواتس اب الخاص بي وعمل منه محادثات جنسية بذيئة وسافلة باسمي لحد معرفوش خالص وباعت فيها صور ليا من موبايلي وبيحكي معاه كانه انا بالظبط انا شاكة انه حد من الشغل لان كل كلامه باسمي غير في الجنس عن اللناس في الشغل والمشاكل معاهم وشتيمة فيهم
دلوقت الكلام ده مش بتاعي بس مبعوت برقمي واللي مبعوتله بيبتذني اني اتكلم معاه او هينشر الكلام
انا مش فاهمة اعمل ومش فاهمة حد يعمل فيا كده ليه ويبقا عاوز يفضحني
ومش فاهمة كمان ازاي الواتس اب بيتسرق بسهولة كده
ازاي يجيلوه قلب حد واكلة معاه عيش وملح
انا بموت
هموم البنات
تهديد بفضيحة لم اعملها
اضيف بتاريخ: Saturday, August 26th, 2017 في 17:36
كلمات مشاكل وحلول: بنت, شاب, صور
ف البداية صعب يحصل كل دا وانتي متعرفيش غير ف الاخر ولنفترض حد مسك موبايلك وعمل كل دا انتي بقي الصور اللي ع تليفونك اكيد عادية لكن لو صور عارية وفيها كل جسمك باين افتكر انك بتحاولي تكذبي كذبة علشان تطلعي من الموقف دا مش هظلمك بس صعب تحلي مشكلة بكذب وربنا يهدينا ويهديكي
اختي العزيزة الظاهر انك مقصودة بالفعل ده والشخص اللي عمل الحركة دي قريب منك خالص في العمل قديكون كارهك او عايز ينتقم منك ويشوه سمعتك ويعمل لك فضيحة في العمل ولابد تعرفيه وماتسكتيش على الوضع ده اوتستاهلي فيه لانو ممكن يكررها مرة ثانية واتسال ليه حضرتك ماتعمليش رقم سري لجهازك -الموبايل – ولافي احد يقدر يفتحه او يحاول الدخول على الواتساب او الفيس بوك دام فيه الرقم السري وتقدري تعرفيه من خلال طريقته في الكتابة في الوتساب واختياره لمفرادت الكلمة وهل احد من زملائك في العمل عندو نفس طريقة الكلام اللي قريتها في واتساب والاسلوب واحد فهو اذا الشخص اللي استعمل جهازك وبعث منه الصور والرسائل عبر الواتساب وربنا يسترعليكي ويظهر لكي الحقيقة وينتقم الله من هذا الشخص اللي اذاكي ويرد كيده في نحره اللهم امين