أنا شكلي مش وحش بس جسمي مش رشيق بس مش تخينة أوي..وطول عمري مش بعرف ألبس أوي عشان مفيش حد كان بيوجهني عشان اخواتي كبار أوي وأمي متوفية..ووالدي الله يرحمه كان بيلبسنا واسع أوي عشان الدين..عمري ما كنت بخرج ولا أشوف صحاب خوفا عليا..عمري ما عشت لا طفولة ولا شباب و انطوائية جدا ومش بعرف أتعامل مع الناس..كل الناس بتنتقد لبسي أوي وبيتقالي في وشي كدة..بس بجد مش بعرف أعمل حاجة تخليني حلوة ومش بعرف أبقى بنوتة والناس بتقولي مشيتك دكر!!
مجروحة من جوايا ومش بعرف أختار لبسي ولا أخد أي قرار وبحس ان الناس أحسن مني وأنا ماليش حق أعيش..بتكسف أوي من الناس وبفضل الوحدة عشان نظرات الناس ليا جارحة أوي..بحس اني مش أستحق إن حد يبصلي فا ابتديت مش أهتم بنفسي أكتر عشان كده كده بايظةز
المشكلة ان شكلي حلو يعني بيضة وعنية خضرا..بس مظهري مش حلو خالص ومش عارفة أغير من نفسي..واخواتي زيي..وكمان مش بعرف أضحك عشان التربية كانت رسمي أوي والضحك قلة قيمة عشان والدي كان نفسه نكون مش تافهين ولينا هيبة..الناس بتقولي شكلك عجوز أويييييييييي وبيجرحوني في وشي!!
ساعدوني أنا كارهة نفسي أوي وتعبانة بجد!!
ربنا يحفظك يا بنتي – انت مثال للبنت المحترمة – واي امور اخرى فهي ذات اهمية – سياتي مع وقته وربنا يحفظك يا بنتي
شوفي يابنتي الحبيبة عاوزكي تسمعيني للاخر وتنفذي كل ماقوله لكي بالحرف الواحد لاجل صلاح حالك وسعادتك اانت الان فتاة شابة ومن عيلة كويسة ومحترمة على دين وخلق وتربية فاضلة وده هو الاساس للبنت في هذة الحياة لانو اللي عاوز يرتبط بك طبعا اكيد اول حاجة يسال عنها وعايزها في البنت الدين والاخلاق والتربية صدقينى هو الجوهر لاجل الزواج وباقي الحاجات مش مهمة ولاليها قيمة ولكن مايمنعش انك تهتم بروحك وتلبسي كويس زي البنات الاخريات لوعلى السمنة التي تعاني منها خففي وزنك وقللي من الاكل ومارسي الرياضة كالمشي يوميا وهذا يساعدك على التخلص من السمنة والوزن الزائد ولاتبص لكلام الناس عليك اعملي اللي تشوفيه هوالصح اعمليه وتاكدي ان رضا الناس غاية لاتدرك مهما عملت فللا تنال رضاءهم وابتعدي عن القلق والاكتئاب والحزن الحياة حلوةوجميلة عيش حياتك يابنتي وانبسطي وافرحي واخرجي من حالة الوحدة والعزلة ولانطواء التي انت فيها واوعي تهتم لكلام الناس عنك وانتقادهم لك طنشيهم تمام ولاتعبريهم وصدقينى باخلاقك وتربيتك وتمسكك بالدين والمحافظة عليهم هتخلي كل الناس تحبك وتحترمك وتقدرك وربي يسترعليك ويوفقك ويسعدك في حياتك ويجعلك من خيرة البنات الصالحات في هذة الدنيا ويكرمك بكل الخير ان شاء الله
انتي شكلك زي العسل علي كلامك ده بس الناس محسسنك انك مش حلوة علشان بيكون قلوبهم مش باضه بيكون فيه حقد وغل متحملش هم ركز في درستك واهدافك وحقيقه لا تجعلي شكلك يوثر علي تحقيق اهدافك وابدي بتقرب الي الله وصلي
صلي ع رسول الله اللي بيحاول يرضي الناس كلهم بيخسر نفسه الرسول صلي الله عليه وسلم وهو نبي ورسول ف ناس مدخلتش الاسلام اهم حاجة الثقة بالنفس خليكي واثقة انك جميلة وكويسة ممكن انتي لبسك مختلف شوية بس مش معني دا انك تلبسي زي البنات التانية اهم حاجة تهتمي بنظافتك وريجتك وممكن تلبسي لبس يليق بسنك وتحافظي بردو ع حيائك كانثي والدك رباكي تربية كويسة ربنا يرحمه ويسعدك
انا تقريبا كان عندي نفس المشاكل اللي عندك بالظبط والدي متوفي وامي ست مسنه واخواتي كلهم كبار اصغر اخ فيهم الفرق بيني وبينه 20 سنه وانا بطبيعتي شخص انطوائي ايامي كلها في اوضتي مش بخرج منها وباكل لوحدي كل حاجه لوحدي ومبحبش شريك في اي حاجه ومبعرفش اتعامل مع الناس وطولي 196 وكان وزني تقريبا 75 وكان ده بيسببلي احراج ومكنتش بلاقي هدوم مقاسي خالص وكنت بلبس هدوم قصيره ومكنش عندي ثقه في نفسي خالص الكلام ده اتغير ف اولي ثانوي لعبت رياضه ملاكمه وجيم واخدت بطولات وسافرت بطولات وفي 3 ثانوي قدمت حربيه لرغبه اخواتي ولما قبلت قعدت مع نفسي شويه وقررت اني مش رايح ومش هضيع عمري في حاجه مش حاببها وبالفعل مروحتش ودخلت كليه حاسبات وحاليا انا في سنه 3 وبشتغل من البيت وساعات شغلي مش بتعدي 5 ساعات ومرتبي 4 الاف والحمد لله متفوق في المجال ده عشان بحبه غير اني عندي بطوله كمال اجسام كمان شهرين ووزني 113 وطولي 196 وبعشق جسمي وشكلي وبحمد ربنا علي النعمه اللي ادهالي دي مش عند حد تاني وبقيت بلاقي مقاسي والهدوم مظبوطه عليا وشيك هههههههه وكنت زمان بكره جسمي وشكلي مع اني وسيم بشهاده كل الناس وحاليا بتبسط جدا لما حد في الشارع يقولي بسم الله ماشاء الله او ربنا يحميك او ايه الحلاوه دي مع ان الناس كانت بتنتقدني زمان وعرفت قيمه نفسي وثقتي زادت في نفسي وبقيت اتعامل مع الناس والناس بتحبني عكس ماكنت بفكر
فأهتمي بجسمك والعبي ياضه حتي لو في البيت من عن النت حتي واوعي تحسي ان حد احسن منك ابداااااااا اوعي لان الناس دي فيك ولا ليها اي لزمه واللي يحرجك احرجيه واللي يعلق علي لبسك احرجيه وعرفيه انه عاجبتك وميدخلش ف اللي ملهوش فيه وقربي من ربنا ونفسيتك هتبقي احسن ان شاء الله وحاولي تسعدي نفسك
انا اسف علي اللك الكتير ده تاثير السهر باين 🙂