هموم البنات

امي دايما بتذلني وتعبت نفسيتي

انا عندى 20 سنة بابا مش عايش معانا وانا عايشة مع ماما
ماما دايما بتزلنى كل ما اطلب منها حاجة وتقولى روحى لابوكى ودايما شيفانى مش بحبها وكل حاجة تزعق معايا ومش بتتناقش معايا لحد لما بقيت عندى حالة نفسية وبقيت تعبانة وغصب عنى بقيت ببص لل فى ايد غيرى وبغير وبحقد عليه علشان نفسى ميكونش نفسى فى حاجة وانا مش ذنبى انى ابويا مش بيصرف علينا لدرجة انى بعدت عن كل صحابى ومبقتش عايزة حد معايا بقيت عايزة ابقى لوحدى
لدرجة بقيت ادور على شغل بس مش لاقيه علشان عندى جامعة وبقيت دايما تعبانة من الوحدة والتفكير حتى النهاردة كنت هعملها مفاجاة انا واخويا واجبلها تورتة علشان عيد ميلادها اتخنقت معايا علشان بقولها بلاش تتحكمى فى الناس لمجرد انك بتديهم فلوس وبلاش تبقى عدوانية علشان هى خلتنى ابقى زيها كارهة الناس لمجرد ان عندهم حاجة مش عندى وجيت اقولها هاتى فلوس الكورسات النهاردة علشان اروح مردتش عليا ومروحتش ونمت وقومت تعبانة من كتر التفكير
انا بقى عندى حالة نفسية
بقيت شايفة نفسى وحشة ومليش منفعة وحاسة انى مش هعرف احقق اى حاجة نفسى فيها
انا بقى حلم حياتى دلوقتى انى امشى ومعش معاها ولا مع حد ابقى لوحدى
ببقى تعبانة واروح اقولها تعمل ان الموضوع تافهة علشان متدنيش فلوس مع انها العكس مع اخويا ومكراهاه فيا دايما
مليش حظ فى صحاب خالص من وانا صغيرة
تعبت من كتر اللى بيحصلى والمشاكل دى كلها
محتاجة حاجات غصب عنى اعمل ايه
حتى لما بقول لماما كدا ودموعى تنزل منى غصب عنى هى بتعمل نفسها مش شيفاها والقسوة بتولد قسوة
بقت هى كمان لما نتخانق وتعيط مبقاش يفرق معايا
وابويا مش بيصرف علينا ومش هيصرف علشا كلمناه كذا مرة فى كدا وهو بيعمل نفسه مش سامع
اسفة انى طولت بس انا فعلا محتاجة حل علشان بجد تعبت ومش عارفة اعمل ايه

مشاكل وحلول ذات صلة

اضيف بتاريخ: Sunday, October 15th, 2017 في 09:14

كلمات مشاكل وحلول: , , ,

ردود to “امي دايما بتذلني وتعبت نفسيتي”

  1. ابوالبتول
    15/10/2017 at 18:07

    شوفي يابنتي انت عندك 20سنة يعنى فتاة ناضجة وفاهمة الحياة جيدا لازم تراعي ربنا في امك وتعرفي ان كل ماتعمله هو لخيركم واسعادكم في هذة الدنيا ولافي ام تكره اولادها او تقف في طريق سعادتهم ابدا هي عاوزتكم تكونوا احسن الناس وتعتمدوا عل انفسكم وتنجحوا في دراستكم وترفعون راسهاوتفخر بكم امام كل الناس واولهم ابوكم اللي ترككم وتخلى عنكم ولاسال فيكم ربنا سوف يحاسبه على كل مافعله بكم اوصيك بامك ثم امك ثم امك واعلمي ان الجنة تحت قدميها ورضاءها من رضا الخالق عزوجل وغضبها عليكم من غضب الخالق استمع لكلامها ونفذيه بالحرف الواحد وقومي بالبر لها والاحسان ليها ومساعدتها في مهام البيت وتدبير شوونه انت اليوم معها وبكره حتكون في بيت زوجك وربنا بيكرمك بابن الحلال اللي يستاهلك وتاكدي ان كل ماتعمليه مع امك سوف يعملوه ابناءك معك في المستقبل وكماتدين تدان ان عملت خيرا معها سوف تلاقيه مع اولادك وان عملت شرا برضو سوف تحصديه مع اولادك اعتبريها مثل صديقتك اواختك الكبيرة وتقربي منها وتبادلي معها الكلام وشاركيها هموم ومتاعب الحياة وكوني خير عونا لها على تربية اخواتك والقيام بهم وبشوونهم وصدقينى لوعملت كدا مك هتغيير من معاملتها لك وهتعرف انك بقيت كبيرة وعارفة المسووليات والواجبات عليك وسوف تثق فيك وتفخر بك وربنا يخليها لكم ولايحرمكم منها ولايحرمها منكم ويصلح لكم احوالكم ويبارك فيكم جميعا ويسترعليكم دنيا واخرة

اترك رداً أو حلاً لهذه المشكلة