انا مشكلتي إني محدش فاهمني أو مش لاقية حد يفهمني، دايماً حاسة إن جوايا مش مترتب و محتاج إعادة ترتيب محتاجة حد يسمعني و يمسك إيدي و يقوللي ابدأ منين ارتب كل الكركبة اللي جوايا. وساعات كتير أوي بحس إني اقوى من كده و إني أقدر اعمل كل حاجة لوحدي و مش لازم يكون خد معايا و بحس إن كده احسنلي عشان ربنا عايزني قوية و كل ما اواجه لواحدي كل ماابقى اقوى و اتعود عدم الاعتماد على حد ، انا عندي 22 سنة في كلية طب اسنان دراستي لواحدها هم و حمل تقيييل اوي ساعات بحس إني اقوى واحدة في الدنيا و قد كل حاجة و ساعات بحس إني اصعف من اضعف حاجة ، الأهم من كل ده إني مش معترضة و الله على حكمة ربنا في إن الشخص الوحيد اللي كنت عايزاه و حسيت انه مالي عيني وانه فعلاً حبني مكملناش مع بعض من غير سبب و من غير حتى مايواجهني ولا يفهمني بعد فترة قليلة أوي و من ساعتها و انا مش عارفة انساه مع اننا عدى على علاقتنا وقت كبير جداً لا يُقارن اصلاً بالفترة البسيطة أوي اللي عرفنا فيها بعض.. ليه مش قادرة انساه مع ان ذكرياتنا محدودة اوي تتعد على الصوابع، مش عارفة اشوف ولا ادي فرصة لغيره مش بعرف أحاول اصلاً و مش هكدب على نفسي و أقول اني مستنياه لانه مش هيجي عشان لو كان جه كان جه من زمان و بردو جوايا إحساسرافضاه و بحاول اسكته بيقولي انه ممكن في الاخر يبقى نصيبي مع اننا داخلين في سنتين مانعرفش حاجة عن بعض ولا حتى في بيننا تعامل بدعي ربنا كل يوم انه يريح قلبي و اني انساه و يطلعه من قلبي و فكري .. مش لاقية سبب لتفكيري فيه لحد دلوقتي هو احنا اصلاً كان بينا ايه يعلقني بيه كده!!!!! .. ده ملخص بسيط أوي من جزء من مشكلة من مشاكلي.
عندي كمان مشكلة كبيرة اوي و هي إني مش بعرف اتفاهم مع ماما، انا بحبها اوي و هي احلى حاجة في حياتي و اغلى حاجة في عمري والله و دايماً بدعيلها ربنا يكرمها و يخليهاو يديها الصحة و يقويها بيني و بين نفسي لكن دايماً علاقتنا وحشة و بنتخانق و مش بنعرف نتناقش و دايماً فاهماني غلط و فاكرة إني مش بحبها او هي مش فارقة معايا مع إننا لما بنكون متصالحين بنبقى كويسن اوي و بتشوف قد ايه بحبها بس بردو احنا تقريباً يومياً بنتخانق و بنقفش و خناقات كبيرة اوي ممكن نفضل كام يوم مش بنتكلم بيبقى نفسي اصالحها بس مش عارفة ابدأ منين و خايفة اروح اكلمها نتخانق اكتر لان عادة ده اللي بيحصل، انا تعبت و زهقت و حتى دلوقتي و انا بحكي ماعنديش طاقة اني احكي او حتى أكمل او اشتكي اصلاً من الاول اسفة إني طولت بس ده جزء بسيط اوي اوي من مشاكلي و هكتفي بيه عشان فعلاً ماعنديش طاقة اكمل
هموم البنات
مش قادرة اكمل كده ومعنديش طاقة
اضيف بتاريخ: Monday, October 16th, 2017 في 12:19
كلمات مشاكل وحلول: الحب, بنات, بنت, حب, مشاكل
اولا- عاوزك تعتبرني زي اخوك الكبير وقولك ان شاء الله هاتبقى دكتورة اسنان في المستقبل واتي اليك لتعالجي اسناني ههههههههههه واكون سعيد وفخورا بك وبنجاحك وتحقيق طموحك ياعزيزتي ثانيا- حالة العاطفة اللي مررت بها في حياتك دي تاتي كل البنات في مثل عمرك وكل بنت ولها تجربة عاطفية مرت بها في حياتها واحتمالات الفشل والنجاح واردة يادكتورة ولازم نومن بالقضاءوالقدر ونرضا به نعم تلك الحقيقة ربنا اراد لك الخير في هذا فربما ذلك الشاب لم يكن جديرا بحبك او يستاهل مشاعرك فاحمدي الله انه ابتعد عنك وانسيه تماما ومش عاوزك تفكري فيه ابدا عندك اهتمامات اجل واعظم من هذا الاوهو مستقبلك يادكتورة ركزي في كليتك وطب الاسنان يحتاج منك التركيز والاهتمام والمثابرة والاجتهاد ارجوكي ماتشغل بالك باي حاجة غير دراستك والتفوق فيها وعندما تحصدين ثمار نجاحك تلاقي الحياة ابتسمت لك من ثاني وتفرح اعز الناس على قلبك وهي امك ست الحبايب ربنا يخليها لكم ولايحرمكم منها ويبارك لكم فيها فهي سراج البيت والبركة والخير اوصيك بها جيدا عشان ربنا يرضى عليك ويوفقك اياك ثم اياك تزعليها منك او تتخاصم معها بادري الى طاعتها ورضاءها وكليوم قبل راسها قبل ماتروح الجامعة واطلبي الدعاءمنها وصدقينى سوف تنالين الرضا والسعادة والتوفيق في كل حياتك واينما كنت وعقبال ماشوفك طبيبة اسنان ناجحة في هذا المجتمع تساهم في ادخال البهجة والابتسامة الجميلة على محيا كل المرضى وتحياتي لك