اولا السلام عليكم و رحمة الله و بركاته
ثانيا انا بنت كدابه كدابه فكل حاجه فحياتى كدبت على اقرب حد ليا فحياتى
فالبدايه كده انا اتعرفت على واحد من 4 سنين على الانترنت و كانت مجرد دردشه او رغى عادى جدا وقتها كنت داخله فقصه حب و كنت بحكيله كل حاجه بس للاسف انا لما كلمته كنت بكدب فكل حاجه عنى اسمى و سنى و حتى شكلى كل حاجه عنى بس هو بقي يعتبر اخويا الكبير باخد رائيه فالصغيره قبل الكبيره انا و الى بحبه انفصلنا صديقي ده فضل واقف جنبي عمره ما اتخلى عنى فكرت بدل المره 1000 مره انى اقوله الحقيقه بس كنت بخاف نخسر بعض زى ما خسرت الى كنت بحبه و خفت تتحول العلاقه الى بنا من صداقه الى حب اوهمته انى اتجوز و خلفت و اطلقت عشان يكونن في فرق بنا فالحاله الاجتماعيه و ميفكرش يحبنى عشان ميربطش حياته ببنى ادمه كدابه بس انا تعبت من كدبي ده انا نفسي اكلمه بشخصيتى يمكن سبب كدبي هو انعددام ثقتى فنفسي بس هو ديما كان بيحاول يخلينى واثقه نفسي عملى حجات كتير اوى حلوه فحياتى و بيحللى كل مشاكل و ملقاش منى غير الغش و الكدب انا مكسوفه من نفسي و من ربنا بستغفر كل يوم كتير اوى و بدعى ربنا يسامحى ندمانه ندم عمرى خايفه اخسره و مش عايزه اكدب تانى تعبت من الكدب و مليش حد فالدنيا غيره هو اقرب حد فحياتى و ابعد حد بسبب كدبي بس والله انا ندمانه نفسي اصارحه بس حتكسف دول 4 سنين كدب مش حاجه بسيطه و مش حاجه سهله فكرت انى انتحر وصلت لحالة يأس فظيعه بسبب كدبى انا حتى لو قولتله الحقيقه و فرضا انه سامحنى هو عمره ما حيصدقنى تانى و معرفش اصلا حيقدر يسامح ولا لا حاسه انى حعرى نفسي قدامه بس انا مليش فالدنيا غيره هو كل حاجه فحياتى بالله عليكم ساعدونى انا ندمانه ندم عمرى كله و مش عايزه اخسره
هموم البنات
تعبت من كدبي
اضيف بتاريخ: Sunday, November 19th, 2017 في 07:33
كلمات مشاكل وحلول: الانترنت, بنات, بنت, حب, شاب
