بحبو لدرجة انى بخاف امنع الكلام معاة يزعل منى وفى نفس الوقت مش قادرة حاسة انى بعمل حاجة غلط هو بيحبنى وانا بحبة جدا بيقولى انو فاهمنى وفاهم انا اقصد اية وان كل كلامنا معداش الحدود يعنى مش اكتر انو نفسى اكون معاة او اكون فى حضنوا بيوصلى احساسة وبحس بدة من كلامو معايا بس مبعرفش اوصلو احساسى بخاف وحاسة انى بعمل حاجة غلط وفى نفس الوقت بحبة وخايفة اخسرة قولولى اعمل اية انا حاسة انى ضايعة دة كلة حصل بعد ما حضنى وبسنى بعد فترة انا اتعلقت بى اوى لدرجة انى مقدرش ابعد عنة طبعا كلكو هتقولو انى غلط ان خليت دة يحصل ما بنا بيقولى انو بيحبنى ومش هيبعد عنى وانا واثقة فى جدااا بس مش قادرة اتكلم معاة مش عارفة اوصلو احساسى بتخنق وبعيط وهو متمسك بيا قولولى اعمل اية ……….مش عاوزاة يفهمنى غلط ومش عاوزة اعمل حاجة وارجع اندم عليها ومش عاوزة اخسرة انا بحبة وحابة كل حاجة بيقولهالى بس برجع اغلط نفسى واحاول متكلمش معاة بس مبقدرش
هموم البنات
خايفة من الكلام مع حبيبى والتعبير عن مشاعرى
اضيف بتاريخ: Thursday, February 17th, 2011 في 16:32
كلمات مشاكل وحلول: مشاكل الحبيب, هموم البنات
كل اللى انتى قولتيه حصل معايا بس اكتر من مرة من غير ما افقد عزريتى هو بيحبنى جدا واختبرته بعد كدة كتير وكلم ماما وانشاء الله الخطوبة بعد الكلية انا لسة دخلة اولى وهيستنانى لانه بيحبنى وانا بموت فيه انتى اتاكدى بس انه هو بيحبك وخليها على الله
احب اقولك ان لو الحب وصلك للشهوة اللي علقتك بيه فلازم تسيب الحب ده وتعترفي له بكدا علي الاقل يشاركك احساسك وتشوفي بكدا رد فعله سواء كان شريكي او لا ولو هو بيحبك بجد هيقدر احساسك وهيعمل خطوة ايجابيه لصالحك ولصالحه اما لو ظهر عكس كدا فاءعرفي ان ده محبكيش اصلا وبيتسلي وانصحك ماتثقيش فيه ثقه عمياء وانتي غلطتي باءنك خلتيه يحضنك ويبوسك لان ده حرام ولا طاعة لمخلوق في معصية الخالق التزمي بدينك ولو هتخسري دنيتك وربنا يهديكي
طبعا مافيش حب زى الاول بس صدقينى فىالكويسوفى الوحشويارب يكون خظك معالكويس انابنت زيىزيك وبنصحك اوعى الامورتطورعن كده مهما قالو ومهما يئولو محدش هيقدر يحس بيكىغير نفسك طبعا غصب عنك ونفسك يقرب منك وحاجاتكتير بس اوعىالامور توص لاكتر بالله عليكى خلى بالك ع نفسك واقربىمنربنا ومدام غصبعنه انه يجيى اقفى معاه بس دهلومتاكده منحبه ليكىواستمرىمعاهواتقى ربنا فيه وانشاء الله ربنا يقدملك الخير يارب
شكرا على ردودكو كلو لا يا ايمى هو الموضوع استحالة يوصل اننا نتمادى عن كدة فى كلامنا حتى فى حدود انا قلتلو ان دة مينفعش وهو بيقولى عندك حق بس بيقول من كتر شوقو ليا هو بيتكلم كدة انا وهو متفقين على كل حاجة ومجرد ما تعدى السنة دى ان شاء الله هيتقدملى انا لما بقولو ننمع دة برضوا بيقولى استحالة ابعد عنك كل حاجة بيعملها بتدل على انو بيحبنى وانا برضوا هحاول احافظ على التعامل معاة انا متشكرة جداااااااا
انا مش هقولك متحبهوش او متكلمهوش بس كل حاجه وليها حدود حاولى تحفظى ع نفسك ومتعمليش حاجه ممكن تندمى عليها بعدين…وربنا يوفقك يارب انتى وكل بنات المسلمين
شوفى أنا حجيب لكى من الأخر
اسمعى كلامى كويس وركزى للأخر
انسى حاجه اسمها حب بين بنت وولد فى الظلام بعيد عن الأهل والناس
لما البنت تسلم نفسها لشاب يحضنها ويبوسها يبقى فقدت نصف شرفها ولما تفقد عذريتها تفقد شرفها كله مش هأقولك اسف على الكلام اللى قولته لأنى قاصد أقوله علشان يوجعك وتفوقى من وهم الحب ( الخيانه لربك ولأهلك ولنفسك )أنتى كنتى بعيده عن ربنا لما سمحتى للشاب يحضنك ويبوسك ولو ما رجعتيش وتوبتى أكيد هتندمى فى وقت لا ينفع فيه الندم. اللى تعجبه واحده وبيحبها بجد يتقدم ويطلبها بالحلال لكن للأسف الشيطان زين لكى الموضوع وكأنه شىء عادى. لو الشاب ده سابك لأى سبب هتكونى ساعتها ورده واتقطفت أوراقها ويا عينى على اللى ها يخدك بعده مخدوع مغشوش فاكر ان الورده ما حد لمسها. يا ترى ترضى ( حبيبك ) ولا ترضى ربك ( أخوكى وخايف عليكى )أسأل الله أن يهديكى الى الحق ويبعت لكى انسان محترم يصونك ويصون عرضك ويأخذ بيدك الى الجنه.
السلام عليكم يا سيدتى,
واضح انه عندك حتة تدين بس مش متاكدة من مبدائك ولكن انتى (اقصد حضرتك)صح جدا جدا ومنطقك سليم لان اللى حصل مكنش المفروض يحصل وانت عايزة علاقة حب هادية وفى الحدود الاجتماعية المحفاظة…طب هيحصل ايه لو قلتي له الكلام ده ولا مش عايزة تقوليه علشان خايف يقطع علاقته بيكى ؟؟؟
وعلى فكرة لو ده حصل وقلتي له انك مش عاجبك الوضع الحالى وهو سابك يبقى اعرفى انه كان عايز يتسلى بيكى(اسف ولكن هذا ما اظنه واتمنى لك الخير كله)واى حد لازم يقول الحق ويغار على بنات الناس لانك زى اختى يا انسة.
فذى ما قلت صارحيه بمبدائك السليم ولازم تكون علاقتكوا فى الحدود اللى نفسك ترضى بيها ونفسه هو كمان ولو كان بيحبك فعلا زى ما بتحبيه وتقدرى مشاعره يبقى اكيد هيتعرف بمبدئك وهيحاولى يرضكى.
اتشجعى واتقدمى وواجهيه واعملى انك على الجهة الصحيحة من العلاقة فحاولى ترشديه للحق (اعتبريها من باب النصيحة يا انسة علشان ينصح اصحابه برضه )
اهم حاجة حاذرى ان كان عايز يتسلى بيكى….واتمنى لكم كل الخير والصحة وراحة القلب والضمير والسلام عليكم ورحمه الله وبركاته
طبعا مهما بيحب والكلام دة متديش بردة الثقة اوى لان الحب دلوقتى معتش زى زمان كلة بيضحك على كلة انتى غلطتى بس لازم معنتيش تعملى كدة لانك واللة هتقعى فى غلط اكبر وهتقولى بردة غصب عنك
بصى حبيبتى انا مش عارف حبيبك من انهى نوع من الشباب فية شباب بيقولوا ان لو البنت سمع كلام حبيبها من ناحية حضن وبوس والى اخرة بس مش تفقد عذريتها طبعا ما يولع بيوق ان لما بتعمل كدة عشان بتحبك وعايزاك وفى شباب بيقولوا دى مش بتحبنى وزى ما عملت معايا هيجى اليوم الا هتعمل مع غيرى وطبعا دة غلط البنات يموت في حبة وهما ولا هنا بس مش كلو بصراحة وفية الا يستاهل وفية الا ميستهلش طب بيحبك يتقدم فى مشاكا استنية لو بتحبية بجد وهوة يستناكى ودايما لما تكلمية طبعا مش كل يوم عرفية قوليلوا انا مخنوقة هيقولك لية قوليلوا ابن خالتى اتقدملى وانا رافضة وبابا موافق او ماما وانا كلمتهم وهما اتغيرو من ناحيتى من بعد ما رفضتة هيقولك رفضتى لية قوليلو عشانك انت هيحس انك كبرتى فى نظرة اة بس اتقلى شوية انا عارفة ان ايدك بتكلك على رقمة والاتصال شغال وانا زيك بس فعلا مش قادرة ربنا يسترها علينا يارب ويسترنا ولو خير لينا قربوا مننا ولو شر ابعدوا يارب طمينينى عملتى اىا و هتعملى اى