مبدأيا انا مش بكتب مشكلتى عشان اسمع كلام ان اد ايه دة غلط وحرام وميصحش , انا لو مكنتش عارفة دة مكنش زمانى بكتب مشكلتى دلوقتى وبدور على حل .انا بنت 19 سنة من عائلة الحمد لله مستواها الاجتماعى كويس جدا مظنش ان ربنا حرمنى من حاجة بس للاسف فعلا ربنا مش بيدى كل حاجة و ابتلانى باكتر حاجة صعبة وهى المثلية الجنسية.صدقونى صعب عليا اوى انى بكتب كدة واحب انى اوضح ان الفعل ذات نفسه محصلش لكن كل الحكاية سلسلة من المشاعر الغلط !انا اتربيت من صغرى ان الاختلاط من المحرمات فاتربيت فى مدارس بنات بس,تعرض وانا فى ابتدائى بتحرش من احدى صديقاتى بس انا كنت صغيرة جدا ومش فاهمة ايه دة لحد ما مر الوقت ونسيت اصلا ودخلتا مرحلة المراهقة فى اعدادى ,لقتنى غير كل البنات بتشدهم قصص الولاد لكنى وقعت فى حب مدرسة لمدة 3 سنين,كان تعلق مرضى مش مجرد اعجاب ,واظن انها كانت عارفة و كانت ساعات بتلاغينى لانها كانت مطلقة وحاسة بفراغ شديد ولكن الحمد لله محصلشاى حاجة بيننا واتخرجت من مرحلة الاعدادى وقلت فرصة ابعد وانساها وانها مرحلة مراهقة طايشة و هتنهتهى,اذ فى اول سنة ثانوى وقعت فى حب واحدة صاحبتى كانت بالنسبالى صدمة انا ليه حصل كدة تانى ؟حسيت فعلا ان الموضوع مبقاش طبيعى وانها مش مجرد مرحلة اون فيا حاجة غلط!المهم فضلت احاول اقرب من صديقتى دى و قربنا فعلا و بمجرد ان احنا قربنا تلاشت المشاعر اللى عندى و تحولت صديقة عادية و قولت انى ساعاتها خلاص تخلصت من الهواجس دى.بعد كدة كانت المرحلة اللى بجد شقلبت حياتى ولحد دلوقتى بدفع تمنها ندم و لغبطة.كان معايا بنت فى الفصل لفتت نظرى فغصب عنى كنت ببصلها كتير وللاسف لقيتها متجاوبة معايا وكنت كل ما الاقى منها قبول كنت بحاول اقرب اكتر و فى نفس الفترة دى عرفت طريق النت والافلام واكتشفت ان اللى انا فيه دة شئ منتشر اسمه المثلية الجنسية , بدأت اتفرج على الافلام اللى بتحكى قصص المثلييات وطبعا يشدونى فكنت اتشحن بطاقة تخلينى اكمل فى طريقى مع صاحبتى.بالفعل قربنا وبقينا مع بعض طول اليوم تقريبا مبفرقناش غير النوم,تعلقت بها و تعلقت بيا بشكل يخوف,فى الاول مكنش فيه مصارحة كنا نتظاهر ان احنا صديقتين عادين لكن مع الوقت الجرأة بدات تزيد و المصارحة بدأت تزيد من خلال مسك الايد او الاحضان(لا اكثر),بقينا نروح لبعض البيت وكنت بحس ان احنا على حافة فى اى وقت ممكن يقع المحظور ونغلط غلط هنندم عليه طول عمرنا.منكرش انى تمنيت دة فى خيالى معاها و مع غيرها كتير لكن دينى و المجتمع ميدونيش الجرأة انى اعمل كدة على الحقيقة ولكن للاسف معاها هى حسيت ان الموضوع هيبقى قريب اوى, فوقت من احلى ايام فى حياتى عشان اخد قرارى انى ابعد عنها قبل ما يحصل تتطور انا مش اده..وحصل فعلا و تلككت عشان ابعد من غير ما اوضح اى سبب ودلوقتى احنا داخلين فى 3 شهور وانا فعلا بتعذب من الوحدة من غيرها,احنا كنا متعودين نتكلم 24 ساعة و دلوقتى قطعنا خالص حتى مفيش سلام !انا فعلا مش قادرة انساها وحسة ان ربنا بيعاقبنى فى انى اتعذب كدة ما بين بعادها و انى خلاص مبقتش عارفة انا ايه؟بنت ولا ولد؟والله العظيم المثلية مش اختيار لكن فعلا شعور لا ارادى ,انا مش بقول كدة عشان ابرر وجودها هى فعلا حاجة غلط وانا بعترف بكدة بس انا بحكى امر واقع مش عارفة اهرب منه.دلوقتى اكتشفت انى خلاص مبقتش عايزة الاختلاط ومش عايزة اتعامل مع رجالة و فكرة الجواز بقت بالنسبالى كابوس بقيت غير كل البنات اللى بتبسط من كلمة” عقبالك بكرة تبقى عروسة” الجملة دى بتدخل جوايا تهزنى اكنى حد اهنى.فكرت اروح لدكتور بس خايفة اكشف عن نفسى وتلف الايام والموضوع يتعرف ساعتها هتبقى صدمة لاهلى.انا دلوقتى عايزة حل ارجع طبيعية لو فعلا المثلية مش مرض,ازاى اتشد للرجالة ؟انا الحمد لله محبوبة ومرغوبة من الرجالة و كذة مرة واحد يقولى انه معجب بس انا فعلا مش قادرة احس اى حاجةّ! هل لو دخلت فى علاقة مع واحد دلوقتى اعرف انسى كل اللى انا فيه دة؟بس كدة مبقاش اصلح غلط بغلط؟لوسمحتم انا عايزة حل ومبرر للى بيحصلى دة عشان ربنا شاهد انى فعلا تعبت!!
مشكلتك دى بتعانى بنات كتير منها و بييقى بسبب عدم الاختلات والرعب من التقرب لولد حتى لو صداقة بريءة والتحرش فى الصغر زى ماقلتى لان مفيش حاجة اسمها ان ربنا يخلق ناس مثلين بالفطرة لو كان فى كدة مكنش ربنا لعنهم وحلها طبعا دكتور ممكن تشوفى الدكتور النتى عايزا وانا ارشحلك دكتور هبة قطب او نبيل القط ولو خايفة ان حد يعرفق البسى النقاب وانتى رايحة العيادة انا معرفش معاكى ايمكانية انك تدفعى للدكتور لوحدك ولا لا لو معاكى تمام لو مش حتعرفى يبقى لازم ممتك تعرف عشان تقدر توديكى عند دكتور ومتخفيش الموضوع حيتهل انتى بس شخصية حساسة اوى واتقصرتى بكل الى حصلك
انت فعلا مريضة ولازم تروح لطبيب نفسي وهتجدي العلاج المناسب لحالتك وقبل كلهذا لازم تتوبي لربك توبة صادقة وتستغفريه من المحرمات والمعاصي اللي كنت عليها وتقلع عنها فورا دي اول حاجة في العلاج ومن خلال الجلسات التي مع الطبيب سوف تتخلصين من هذة الحالة وهي المثلية الجنسية وتشفي منها تماما وعايزكي تقطع علاقتك بالبنت صاحبتك دي نهايا وتحرصي على رفقة البنات الصالحات المحترمات ولاتخبري احد بالحالة اللي تعانين منها استري نفسك واشغلي اوقاتك بالتقرب من ربنا عزوجل اكثر من الاول بالحفاظ على صلاتك في اوقاتها وكثرة الصوم وقراءة القران الكريم وكثرة الاستغفار والابتعاد عن مشاهدة الافلام والمسلسلات الماجنة اوالتي تثير الغرائز والشهوات او سماع الاغاني فكلهذي من المحرمات ومن عمل الشيطان ورجسه استمعي للمحاضرات الدينية والدروس التي تحث على تقوي الله وعلى مكارم الاخلاق والفضيلة والقيم الاسلامية التي امرالله بها ورسوله وحث عليها الدين واستفيدي منها طوال حياتك واحرصي على لبس الحجاب فهو سترة وعفة للفتاة المسلمة في كل زمان ومكان وفكري في الارتباط والزواج فكل فتاة مصيرها للزواج ودي سنة الحياة وسوف تجدين فيه الراحة والطمانينة والسعادة لك مع ابن الحلال اللي يستاهلك وربي يعصمك من المحرمات والمعاصي ويتوب عليك منها ويطهر قلبك ويهديك ويصلح حالك ويسترعليك دنيا واخرة ويكفيك شر نفسك الامارة بالسوءوشر كل شياطين الانس والجن اللهم امين