زى العنوان كده انا فعلا حاسه انى خايفه من بابا بدل ما يكون هو اللى يخلينى احس بالامان الموضوع من البدايه بابا طول عمره مسافر السعوديه وبينزل اجازات كل فتره بس اجازاته قليله ومكنتش بشوفه كتير لانه غالبا كان بينزل ايام دراسه وانا طول اليوم فى المدرسه والدروس وبنام بدرى فمش كنت بشوفه وقت كتير ومع كده كنت بحس دايما انه زى ما يكون ضيف مش متعوده عليه ومش مستريحه لما يبقا موجود وعارفه ان ده غلط بس مش عارفه اعمل ايه حياتنا بقت كده عادى من غيره المهم مكنش بياثر معايا لان اجازاته قليله ومش بشوفه كتير ولما كبرت ولبست الحجاب بقيت حاسه انى مكسوفه منه وعايزه البس الحجاب قدامه كمان زى اى حد غريب المهم من فتره بدا يظبط نفسه هيرجع مصر خلاص بشكل نهائى وانا كنت حامله هم الموضوع ده اوى ورجع فعلا من اسبوع وشويه المشكله كمان ماما بقالها يومين قاعده عند تيته علشان هى تعبانه وانا مقدرتش اروح معاها علشان الكليه هتبقا بعيده عن هناك فبقيت قعده معاه انا واخويا المهم النهارده حصل موقف كده مضايقنى اوى مش عارفه انتو هتشوفوه عادى ولا ايه بس انا متضايقه اللى حصل بالظبط بابا داخل يصحينى فى الاوضه بتاعتى دى اول مره يصحينى اصلا المهم انا اتفاجئت بس متكلمتش ومدياله ضهرى ووشى للحيطه جنب السرير وهو قعد جبنى وبيطبطب عليا وماسك ايدى يملس عليها فانا لابسه بدى نص كم راح هو شمر الكم وقعد يملس على كتفى ويبوسه انا حسيت الدم كله طلع فى وشى ومبقتش عارفه اعمل ايه واتكسفت جدا وخوفت وبعدها باسنى وقام مشى انا عايزه اعرف انا خوفى وقلقى ده طبيعى ولا انا مزوداها وكمان الموقف اللى حصل النهارده ده عادى ولا انتو شايفين ايه واتصرف ازاى معاه انا مش عارفه
يابنتي ده ابوكي ولايروح بالك لبعيد او تظني السوء بمافعل معك يمكن بعاده عنكم طوال تلك الفترة مؤثر عليك وعلى حياتك وعايزك تلغي تلك الافكار والاوهام من راسك نهايا وتبطل خوف وقلق من وجود ابوك معاكم احمدي الله انه عاد لكم بالسلامة وهيكون بجواركم ويستقر معاكم ويشرف على شوون حياتكم ويطمن عليكم وعلى مستقبلكم وربنا يخليه لكم ولايحرمكم منه ويبارك لكم فيه ويوفقكم ويسعدكم طوال حياتكم