بدايت حكايتى انا فتاه ابلغ من العمر 21 سنه كان نفسى احب واتحب زى كل البنات بس ف الصح وبالفعل اتقدملى انسان وحبيته وحبينى واتعودت عليه وقربنا من بعض بس كان ف حاجات كتير نقصانى فيه وكنت بستحمل وقولت اكيد ده حبى ولازم اجى ع نفسى علشان المركب تمشى بس انا اتخطبت وانا سنى 18 سنه كان تفكير محدود اى حدا ورديت بنصيبى وكنت بعمل اللى عليا بس كنت بعمل الصراحه حاجات غلط كنت بكدب عليه لو خرجت ولا حاجه وكنت بكلم اصدقائى الولاد وفى نفس الوقت اتعرفت ع حد ف مجال عملى والله العظيم ماكنت متعمده ان اقرب منه والله كل حاجه كانت غصب عنى قربت منه وحيبيته اوى واتعلقت بيه وكمان انا غصب عنى انى بئول الكلام ده بس انا بجد تعبانه ونفسى ارتاح
انا وهو روحنا شقة مع بعض ولما عملنا كده قربنا اكتر واكتر ب.. س ندمت انى عملت كده لانه حرام وخوفت من ربنا وغير كده انى نسيت انى مخطوبة وذنب خطيبى ايه بس ربنا اللى كان عالم بحالى ونفسيتى وحالتىوالله كانت صعبه وماكنتش عارفه اعمل ايه استمر معاه ولا ابعد وخلينى مع خطيبى بس ياجماعه انا لما حبيت الشخص ده عرفت يعنى ايه معنى حب يختلف كتير عن حب التعود والعشره انا خايفه بجد ان ربنا يئذينى انا بجد محتاجه ردودكم ابعد ولا اقرب من الشخص ده انا سئلت وسمعت وكان الاراء مختلفه ف اللى قالى انتى ظلمتى خطيبك وهتظلميه اكتر لو كملتى معاه ابعدى وقربى من الانسان اللى اخترتيه وعملت معاه كل حاجه انا بجد محتاره وتعبانه اوى وخايفه اندم وخايفه من ربنا اوى بس نفسى ابدء حياه صح مفهاش كدب ولا خداع ولا اى شئ
شوفي يابنت ناس ماحدش منا معصوم من الغلط كلنا بنغلط ودام انك اعترفت بغلطتك في حق نفسكي اولا وفي حق خطيبك ثانيا ومارستى الحرام مع ذلك الشاب وتوبت الى الله واستعغرتيه فمن الافضل انك تستري نفسك فالله ستاريحب السترعلى عباده فلاتفضح ستره عليك والحمدلله ان غشاء بكارتك سليم لم يحصل له شي فاستمري مع خطيبك دام انه يحبك ومتمسك بك والله يتمم لكم على الخير ويجمعكم على الخير ويوفقك ويسعدك معه في حياتكم القادمة وافضلكم الاسراع بالزواج
الله تعالي يقول – ياعبادي الذين اسرفواعلى انفسهم لاتقنطوامن رحمةالله انه يغفرالذنوب جميعاانه هوالغفورالرحيم- عليك بالتوبةلله والاستغفارمن الذنوب والمعاصي والندم على مافات وعدم الرجوع له وعليك بالستر فلاتفضحي سترالله عليك ولاتخبري احدا بماحصل منك واهتمي بخطيبك وربنا يبارك لكما ويوفق بينكم على الخير ويسعدكمافي حياتكم القادمة
لالالالالالالاتعليق
الانسان اللى انتى غلطى معاه ده عمره ماهيتجوزك ولا يفكر اصلا انك ممكن تكونى مراته ولو انتى مش مقتنعه بهذا الكلام جربى وافتحى معاه موضوع انه يتقدملك وشوفى هيتحججلك باى حاجه ولا لا وانا متاكده انه هيطلعلك اى حجه وعمره ما هيتقدملك انتى توبى الى الله وتسيبى خطيبك واللى فيه خير ليكى هيقدمه ربنا ليكى واللى ربنا كتبهولك هتشوفيه فى الاخر
ابعدي عن الاتنين وبعد فترة هتنسي كل دة ان شاء الله وتوبي بقا توبي دة زمن ايه دة ياربي الى البنات تبيع في شرفها عشان شاب حتى لو كان حبيب عمرك كلة انتى كدة فضلتية عن كلام ربنا عز وجل استغفر الله العظيم عارفة انا عندي 15 سنة ويمكن كلامي ميعجبكيش بس صدقيني انتى لازم تنسي كل دة وتبدأي صفحة جديدة مع الله ومتقوليش مش هقدر انا بحبة .. حب اللله اقوى واقوى ادع الله ان يثبت قلبك
كلنا مش معصومين عن الغلط بس غلط عن غلط يفرق أوي و لكن أنا حابة أبدي ملاحظة على كلامك الله تعالى لا يؤذي عباده و لكن المهم أنك خفت من الله نصيحتي لكي أن تحافظي على خطيبك و ان تتوبي عن الذي فعلتيه لإنه لو تكرر سيكون عقابك عند الله عسيرا
والله انتى صعبانه عليا واكيد غصب عنك لان ده نصيبك
واكيد كان نفسك تحبى وتتحبى زى كل اصحابك
بس انتى اتسرعتى ف موضوع الخطوبه ده
انا من راي انك تعرفى التانى ده انك مخطوبه ده لو مكنش عارف
وخطيبك حاولى تلمحيله عشان مينفعش تبداى حياتك وفيها كدب م الاول
وال يحصل يحص ياحبيبتى وال ربنا عاوزه هيكون
وابقى صلى وقربى من ربنا وصلى صلاه استخاره وربنا يوفقك للخير والصح
ابتعدى عن خطيبك أولا وثانيا أطلبى من الذى ارتكبتى معه الخطأالزواج ان هو قبل بذلك
سلام عليكم
حرام تقسون عالبنت هي تقول انه غصب عنها لان الحب شي صعب
نتحكم فيه والي يحب او كان يحب هو بس الي كان راح يفهم عليها
بس
حبيبتي بقولك شي مهما كان حاولي تنسي الي فات وخليك مع خطيبك
وانسي الماضي هذا اذا كان لساتك بنت
اما في حالت فقدتي عذريتك اتركي خطيبك ولا تظلمينه انتي قلتي تبي تتوبي
اجل وشلون بتوبي اذا ناويه تكذبي
نصيحه اختي في الله
ابدي حياتك قريبه من الله هو وحده كفيل بمساعدتك لا انا ولا الي بالشات
وتذكري اذا استمريتي يعتبر زنا
اسالي الله قبل كل شي واستخيري
وربي ان شالله يكتب لك الي فيه الخير
اسال الله الكي الهدايه والمغفره
انا عايز اقولك حاجه انا كرجل اكره الخيانه ولا احبها لاى لم اخن واذا اكتشفت ان زوجتى خانتنى ولو بعد 40 سنه من زواجنا هاطلقها هده طبيعتى ومن حق الرجل الذى خنتيه ان يعرف وانا اعلم انه لو عرف هيتركك او يتكلم بما اخبرتيهبه مع احد فيكون فضحك ولو قال انه مسامحك وانه هيتزوجك لا تصدقيه سوف يبقى يتخيل العلاقه بينك وبين الشاب الاخر فتصير حياتك جحيم اذا الحل هو ان تتركيه افضل هدا راى
هما حلين ليكى برغم انى عايز اشرب من دمك وسامحينى
المهم
1- ما تصارحيش خطيبك باللى حصل لآنها مش سهله على اى شاب يعرف الكلام ده من خطيبته وتعيشى معاه وتنسى اللى حصل واى حد تانى تنسيه وتعيشى خدامه لخطيبك طول العمر…خداااااااامه .
2- من غير ما تصارحى خطيبك برضه باللى حصل علشان برضو بقولك للمره التانيه مش سهله على اى شاب يعرف كلام زى ده من خطيبته تفسخى خطوبتك معاه فهميه انك مش بتحبيه اى حاجه اى سبب وبكده تبقى تمام وسيبيه يشوف حياته مع واحده تستهله .
والله المستعان
للاسف انتي انايه زي كل البنات بتحبي نفسك اوي ومش مهم مشاعر غيرك زي كل البنات مع اني مش في مرحله حب ولا حبيت ولا حب فشل الحمد لله مش هحب غير اللي هخطبها
.. ياجامعه شكرا ع كل ردودكم مع اننا مش ملاك ومافيش حد مش بيغلط وشكرا ع اى حد رد عليا سواء باالافاده او بالغلط …عموما انا انهارده بس سبت اللى بحبه وعملت معاه كل حاجه بس كان كل شئ غصب عنى من انهارده انا هبدء حياه جديده مع خطيبى اينعم عملت معاه وظلمته بس هو عايزنى حاولت ابعد كتير بس هو مش عايز فمش هظلمه تانى وهرضى بنصيبى واحاول معملشى اى غلط يظلمه ويظلمنى علشان حرام بس ادعولى واقسم بالله انا تعبانه لان عمر ماحد هيحس باللى جوايا انا ظلمت وانهارده انا بجد توبت ومشهعمل اى حاجه تانى وهسيبها ع ربنا واللى ربنا عايزه يكون يارب سامحنى يارب ع كل حاجه عملتها بالله عليكم ادعولى ان ربنا يسمحنى ومايكتبليشاى حاجه وحشه وانا رضيه بكل شئ
ياريت يا جماعه اللي يرد يرد بنصيحه مش بطريقه وحشه مافيش حد مبيغلطش واللى بيقولك خطيبك الغلبان اشمعنه لما الراجل بيخون مبتقولوش خطيبتك الغلبانه بلاش تفرقه وخلينا نبقا حقنيين و الصح انك تسيبي خطيبك و تظبطى حياتك واوعى تقولى لحد وتفضحى نفسك ابعدى عنه عشان انتى ظلمتيه و لو بتحبيه مش هتحبي غيره وعشان ماتغلطييش و شوفى حياتك من جديد و حياه صحيحه من غير غلط …للاسف لو كان ولد اللى كتب مشكلته و كان هو اللى خان كنته هتقولو ابعد عن صحبتك وكمل مع خطيبتك من جديد و سعتها هيبقا انسان وغلط زى اى بشر احنا مش ملايكه للأسف هما دول العرب…………اذا حكمتم احكموا بالعدل
ياجماعه الكل طبعا نظرلى نظرهوحشه بس عندكم حق بسوالله اى شئالشيطان اتغلب علياوغصبعنى ومحدش مش بيغلطاناعارفهانىغلطى كبير وانا اتعلمت منه والله وانشاء الله ربنا يقدملى اللى فيه الخير بس اناكنت عايزه اوضحلوكم حاجه الشخص اللى انا عملت معاه كده اناغشاء البكاره لم يحصل شئ فيه وبالنسبه للعملتمعاهكده هو نفسه اساسا انه يتجوزنى ومشبيلعب فياالمشكله هنا ان اناحاولت ابعد عن خطيبى واحلل الحاجات الوحشه اللى انا عملتهاعلشان ربنا يسامحنىوحاولت ابعد والله وفهمتخطيبى وقولتله انانااوقاتكتير كنت بكدب عليك وفهمت ع حاجات كتير بسهومصمم ان هو يبئىمعاياواناتعبانه اوى ومشعارفه اعمل ايه
اختي العزيزه
كويس انك عرفتي غلطك وندمتي عليه مش هلومك كويس انك اتعلمتي ويارب يعديلك المشكله دي علي خير
اول حاجه استري علي نفسك متقليش لحد خالص ولا حتي خطيبك وخليكي زي ما انتي وكملي مع خطيبك
بس خليكي وفيه ليه لاخر العمر واستغفري ربنا ولو حدث حاجه في غشاء البكاره عندك ابقي قولي لخطيبك اي حاجه بينك وبينه زي متلا انك زي اي بنت وبلعب كده اوحصل اي حاجه جرحتك
انما متقليش ليه عن حاجه لا ممكن ميفهمش الموضوع ويحصل مشاكل وفضايح ربنا يستر علينا وعليكي
انا بس عاوزه اسألك سؤال:تفتكرى الشخص اللى انتى غلطتى معاه ده هيفكر اصلا يرتبط بيكى؟
حطى نفسك مكانه واحده مخطوبه لواحد راحت كلمت غيره وارتبطت بيه لا وكمان وقعت فى الغلط معاه
بذمتك تفتكرى انه هيئامنلك تكونى مراته وام عياله؟
هيقول ماهى زى ماعملت كده معايا ممكن تعمل كده مع غيرى..وفرضنا قرض انه بيحبك بس انه يحبك حاجه وانه ياخدك مراته وام عياله دى حاجه تانيه
حرام عليكى نقسك وخطيبه انا بيتغرب من البنات اللى سورى زيك لو مش طايقه خاطيبك مكمله معاه ليه؟ وعلى فكره ده السؤال اللى اكيد التانى بيسئله لنفسه
بتخرجى من ورا خطيبك وبتكلمى شباب غيره وبتقعى فى غلط بحجة انك بتحبى؟ استغفر الله العظيم
انا اصغر منك ب 3 سنين وبشوف العجب ومش فاهمه ازاى بنت تكون مرتبطه بواحد وبسهوله اوى كده بتخونه لا وكمان بتبرر لنفسها الخيانه
بصى انتى بنت زى وخايفه عليكى بس اللى انتى معاه ده بيتسله بيكى وعمره ما هبخدك مراته وطول ما انتى مستمره فى الغلط والحرام اعرفى ان عقاب ربنا عسير
استغفرى ربنا وتوبى واتعلمى تحبى خطيبك قربى منه اهتمى بيه حسيسيه انه رقم واحد فى حياتك الرجل لما بيحس انه رقم واحد هيشيلك فى عينيه دايما استاشريه ماتخرجيش غير لما تقوليله لازم تحسيسيه برجولته غيرى رقم وهو اللى يبقى الراجل الوحيد اللى بتكلميه اطبعى على طبعه والوحش فى غيريه مش كا واحد فينا ليه عيوبه ومميزاته شوفيه احسن راجل فى الدنيا دى وربنا يهدى
انا هقولك على حاجة الوالد اللى انتى نمتى معاه ابعدى عنة خالص علشان مفيش واحد بيغلط مع واحدة وبيتجوزها مهما كان الغلط وحاولى بقدر المستطاع لو عرفتى تفضلى مع خطيبك ابقى معاة معرفتيش سبية وربنا هيرزئك بواحد تانى ربنا كاتبهولك انة يستر عليكى
كويس انك عارفة انة غلط على العموم خطيبك لازم يعرف هو مالوش ذنب فى احاسيسك ومشاعرك دة
والله العظيم انا مش عارف اقولك ايه(حسبي الله ونعم الوكيل)
اول حاجة هقولهالك انك كويس انك بتفكري في ربنا وده يدل ان في امل فيكي بس لما انتي عرفة ان ده حرام عملتيه ليه انا عرفة انك بتقولي حالتي كانت صعبة بس بردو معني كده انك ايمانك ضعيف صلي عشان ايمانك يقوي واصلا انك تتخطبي في سن 18 سنة ده لوحده غلط احسنلك انك تسيبي خطيبك وربنا هيسهلك الامور ان شاء الله ولما تقربي من ربنا وهتبدئي حيا سعيدة
تتتوبى الى الله انة غفور رحيم وسيبى خطيبك الغلبان
اتمنى ان يكون الشخص اللى اخطأتى معه جاد فى الارتباط بك حاولى تقولى له انك سوف تتركى خطيبك وانك تنتظرى رده فى موضوع الارتباط بك وان كان جاد فى الارتباط فعلى بركة الله وان كان يخدعك ولا يريد منك غير التمادى فى الخطأ والمتعة الحرام يبقى ظهر على حقيقته وعليك الابتعاد فورا عنه لانه غير جدير بك والله الموفق
بصي في الأول أنا بعتذر عن رأي دة بس في الحقيقة هو دة رأي مش بيتغير نهائي في كل المشاكل اللي زي دي وياريت تسامحيني ومتزعليش مني.
أولاً أنت ظلمتي خطيبك جدا جدا جدا ومينفعش اصلاً أنك تكملي معاة دة لو انت فعلاً عندك ضمير وحاولي تبدأي من الأول ومن جديد حياة جديدة ومحترمة ونضيفة مفيهاش كدب ولا ظلم ولا خداع ولا خيانة.
لأنة وهو دة ثانياً أن الشخص التاني اللي بتتكلمي عنة ورحتم مع بعض شقة وهو أكيد عارف انك مخطوبة عمرة ما راح يقربلك أو يبقي عايز يتجوزك او تكوني أم أولادة وبناتة لأنة مش راح يأمنك عليهم ولا على بيتة وشرفة وعرضة دة لو كان أنسان طبيعي هو كان شايف فيكي حاجة حلوة كان عايزها وخلاص هو أخدها الخلاصة أبعدي عن خطيبك وابدأي حياة جديدة ونضيفة واتعرفي على انسان تاني بس شريطة انك متكدبيش ولا تخدعية ولا تخونية أو توبي لربنا وكوني كويسة مع خطيبك ومتفكريش في الشاب التاني اللي روحتي معاة شقة لأنة هو مش بيفكر فيكي كزوجة وانة يرتبط بيكي ولو حصل هتكون حياتك كلها شك ومشاكل تتحول لأهانات وخناقات هو دة رأي بكل صراحة واتمني أنك متزعليش مني او تضايقي تقبلي تحياتي أخيكي في الله
شوفي في فرق كبير بين الحب وحب العشره احتمال ناس كتير تبصلك انك خاينه وغير امنيه علي خطيبك لالكن انا بقولك سيبي خطيبك يروح لحاله لانك مش حتكوني سعيده في حياتك ولا حتقدري تسعديه وحتغلطي تاني و١٠٠مره وحتعيش في عذب ضمير العمر كله وانتي كمالي طريقك مع القلبك اختره ~~واسل مجرب
يا اختى الفاضله
واسف على كلمه اختى
عندك حل من اتنين
الحل الاول اذا كان فقدتي غشاء البكارة خلاص اتركى خطيبك و خليكى مع اللى عمل هذه المصيبه
لسبب ان خطيبك ماله ذنب
ال وعلى فكره اللى عمل معاكى شئ حرام هذا ما يحبك هذا يبغا يتمتع بيكى و بس
الحل التانى انه
اذا انتى ما زلتى عذراء اتركى هذا الحيوان
وارجعى لخطيبك لانه واضح انه انسان محترم و ابن ناااس
والله يستر علينا و عليكى
ايه ده يابنتى اللى انتى بتقوليه ده واللى انتى عملتيه . ليه ترخصى نفسك كده وايه تظلمى نفسك وتظلمى خطيبك وتبقى وحشه كمان فى نظر الشاب اللى منه لله وعمل معاكى كده وازاى نسيتى ربنا ونسيتى خطيبك وليه تتعرفى اصلا على حد غير خطيبك وتسمحى لنفسك تروحى معاه وعلى فكره انتى كنتى عارفه انه حيحصل كده لان واخد شقه حتصلو هناك يعنى ؟
ربنا يهديكى ياااااااااااااااارب
ياريت تسيبى خطيبك ده علشان انتى ماتستهلهوش وخليكى مع الشاب التانى ده
عزيزتى السائله أشكرك على صراحتك وألومك أشد اللوم على الخطيئه الكبيره اللى عملتيه فى حق نفسك أولا وفى حق خطيبك المخدوع المغشوش . انتى قولتى عايزه تبدأى صح يبقى لازم تخلى صفحتك بيضاء نظيفه ويا رب تكونى محافظه على عذريتك. المهم خطيبك ما بقاش ينفع لكى لأنك خونتيه لازم تلاقى عذر وتنفصلى عنه أما هذا اللى حرام نقول عليه انسان وطبعا انتى مشتركه معاه فى المصيبه لازم تبعدى عنه وبأسرع وقت لان ده حيوصلك لفقد كل شىء غير الفضيحه. وانتى واضح انك عرفتى غلطك الكبير وندمتى فألحقى نفسك وارجعى عن الأثنين وقولى يا رب انت أعلم بيه اغفر لى وسامحنى وابكى بين يدى الله . فاذا توبتى بجد أنا واثق ان ربنا هيبعت لكى انسان محترم يصونك ويصون عرضك وحذارى أن تحكى المواضيع دى لأى أحد واعتبريها صفحه وقطعتيها من كتابك . ده ان كنتى صادقه والتوبه أسأل الله لكى ولكل بنات المسلمين أن يستر الله عليهم . كونى قويه ولا تضعفى فالشيطان يريد أن يوقعكى فى الحرام أكثر ثم بعد ذلك يتخلى عنكى ويترك لكى الفضيحه وتكون النهايه. أتمنى أسمع منكى ردا يطمنى انك فعلا قررتى ورجعتى لصوابك فلى بنات مثلك ( ناصح أمين )
اننتى رحتى معاة شقة وعملتى معاة كل حاجة هو عمروا مهيتجوزيك اصلا ومهما قليك من كلام استغفرى ربنا بقى وحافظى على خطيبيك عشان متندميش وساعتها ندميك مش هيفيد باى حاجة ربنا يهديكى يارب
بصى مهو تعرافك دة الا وداكى فى ستين داهية مش مرتاح مع خطيبك خلاص فى غيرة الشباب ملينة بالحلو والوحش انا مش هعتب ولا هلوم عليكى بس بجد اى بنت نفسها تحب وتتحب بضمير بجد بس مش عشان احب اسيب نفسى لاى حد ما انا مش رخيصة عشان ابيع شرف اهلى ومصنهوش انا مش عايزة انسان اية الا يغصبنى علية لو اتربقت السما على الارض مش هخدة ولا اوفق على الخطوبة فية غيرى وانا فى غيرو لية وابعدين النت دة والتعارف بلوووووة سودا ربنا يخلصنا منها المهم والاهم طبعا انتى فقدتى عذريتك صح طب خلاص سيبى الا مخطوبة لية حاليا الا مش مرتاحة معاة وخلى ابن الحرام الا علم كدة يجوزك ودة لو عايزك وهتشوفى وبكرة تندمى ندم عمرك متزعليش من كلامى بس والله دة خوفى عليكى وبعدين ازاى يعمل كدة وهوة عارف انك مخطوبة هوة مفيش دبلة على الاقل فى الايد انا زعلانة بجد عليكى وعلى زمنا الا المصايب مسكا خلية يجوزك فووورا وبالله عليكى تبقى تطمنى عليك
بصراحة انتي ظالماهـ جدا ازاي تكذبي عليه كل دا وازاي تزني وتقوليلي حب حب ايه دا بقي ان شاء الله بصي انتي لو كملتي مع خطيبك علي الوضع دا هتعيشي وزنبة في رقبتك وهتعيشي طول عمرك في عذاب الضمير فا انا اقولك شئ لو تقدري تصارحية باللي انتي عملتية من كذب وزنا وكل شئ وحش في حقة لو تقدري تصارحية صارحية وهو بقي يا يقبلك علي الوضع دا يا يسيبك دي حاجة الحاجة الثانية لو مش قادرة تصارحية بشئ يبقي افسخي الخطوبة من غير مبررات وقولي انه في واحد احسن متقدملك وثالث حاجة بقي لو فسختي الخطوبة وهترجعي للي زانيتي معاة يبقي اوكي ارجعيلة بس وانتي مراتة مش تقوليلي حب ولو مرضيش انك تكوني مراتة يبقي انتي عرفتي ساعتها هو بيحب ولا كان بس عايز مزاجة وتتحملي العواقب لانك غلطانة من ساسك لراسك معلشي اني قاسي بعض الشيء بس انا بزعل علي حال البنات اللي زيك وبستغرب فعلا لانه مش مفروض تكون دي جزاة تربية اهلك ليكي
مع السلامة
طيب ما انتى بدئتى وخلاص جايه تسألى بعد العمليه ماراحت فى داهيه ومشيتى خلف الشيطان طيب خلى اللى انتى روحتى معاه الشقه وحبيتيه وحبك يتجوزك بقا لكن حرام تكذبى على خطيبك وتغشيه ربنا مش بيسيب وانتى حره انا اسف قاسى عليكى فى ردى لكن هى دى الحقيقه
واديكى حبيتى واتحبيتى بالحلال والصح مش بالحرام والحاجات اللى كانت ناقصاكى دى لما حتتجوزى حتحسى بيها طبعا ومش حيبقا الحال على ماهو عليه انتى اللى كنتى غلط من البدايه لانط ماكنتيش صريحه معاه وكان الكدب اهم حاجه عندك ومشكلتك الاكبر انك تتعرفى على حد وانتى مخطوبه وازاى سمحتى لنفسك وانتى انسه ومخطوبه وتروحى مع واحد شقه انتى ظلمتى نفسك وظلمتى خطيبك معاكى
ربنا يهديكى ياااااااارب
ابعدى عن خطيبك الطيب المخلص
وخليكى مع الشاب ايياه