انا بنت عندى 15 سنة بابا وماما على وشك ان ينفصلوا وانا تعبانة نفسيا اوى وماما حاليا عند جدى وجدتى علشان زعلانة من بابا وخلاص مش عايزين بعض وانا نفسيا مش عايزة اعيش مع والدى عايزة اعيش مع والدتى لانها روحى ومحدش يقدر يعيش من غير روحه بس والدى متمسك بينا ومش عاوزنا نمشى وقالنا لو مشيتوا مش هاديكوا فلوس ومش هاصرف عليكوا وانا والدى بيشتغل فى الضرائب يعنى مرتبوا ممتاز ومامتى مهندسة زراعية يعنى مرتبها يدوب يكفيها ومش هاتقدر تصرف علينا وبعدين احنا مالزومين اصلا من والدى بس انا مش قادرة اعيش معاه انا مش عاوزة اقول انى بكرهه علشان حرام بس انا لاسف كدة وبعمله كويس بس علشان ارضى ربنا بس انا مش هانساه اللى عمله فى امى لانى كل مرة كان بيزعلها كنت بتقطع من جوه انا مش عارفة اعمل ايه انا حالتى النفسية مدمرة خالص يعنى كانت مدمرة لما كانوا بيتخنقوا ودلوقتى مدمرة علشان امى بعيدة عنى انا مش عارفة اعمل ايه وكنت عاوزة احكيلها اللى جواياه بس انا مش عاوزة اضيقها زيادة وبقول كفاية اللى هى فيه ومش قادرة احكى لاصحابى حاجة لاننا فى نظر الناس ان احنا اسرة محترمة فاضطريت انى احكى مشكلتى ده يمكن تساعدونى وتقولى على حل مفيد بس ارجوكم قولولى الحل بسرعة يحسن انا حاسة انى هاموت من كتر القهر اللى انا فيه
حاولي تحكي لوالدك عن حالتك النفسيه وانك مش هتقدري تتحملي العيشه بدون ممتك في البيت وانو ده هيأثر علي دراستك ومزاجك وكمان تروحي للممتك تقولي لها انك نفس الكلام وتقولي لها انها تتحمل شويه عشانك . لما تحكي لوالدينك عن كل شعورك اللي حاسه بيه فأكيد هيفكروا انهم يرجعوا لبعض عشان الاولاد لان الزوجين اهم شيء عندهم اولادهم ومش هيرضوا لكي الضرر فبأذن الله هيرجعوا لبعض بس توكلي علي الله وادعي ربنا يصلح حالهم ويهدي سرهم وان شاء الله يكون فيه حد عاقل من الطرفين يهديهم