ابن عمي كان بيحبني من وانا ف تالتة اعدادي وانا كمان كنت بحبه جداااا حصلت مشكلة بيننا فبعدنا عن بعض تماما بس انا كنت متاكدة انه بيحبني بس هو مكنش بيتقدم خطوة ولا بيحاول يكلمني المهم جيت ف تانية ثانوي صاحبتي قالتلي واحد معجب بيكي وكلميه فرفضت لاني عمري ماكلمت ولد قبل كده غريب عني فضلت تزن عليا لغاية ماوافقت المهم كلم اهلي وقال انه هيتقدم كلمته سنتين بس كنت بكلمه كل شهر او اكتر المهم محصلش نصيب بيننا وانا بعدت عنه حاول يقربلي بس انا رفضت ومحستش باي شوق اتجاهه تقريبا كنت عيلة وكان سن مراهقة وهبل وكده المهم ابن عمي ظهر ف حياتي تاني وانا ف 2 كليه قلتله مش هكلمك غير لما اهالينا تتكلم الاول فاتقرت فتحتنا وكل حاجة كانت تمام بس انا اصريت اني احكيله عن اللي كلمته قبله علشان منبدأش حياتنا من اولها كدب بس هو رفض يسامحني تماما وقالي انه كان قدامي والمفروض احبه هو وفسخنا الخطوبه وبعد عني ومش عطيلي فرصة اشرحله اني كنت عيلة ومراهقة وصاحبتي زنت عليا … انا عارفة ان سنتين كتير بس ده كان مكلم اهلي يعني كانت نيتي حلال مكنتش بتسلي ولا كده .. اعمل ايه مع ابن عمي ؟؟؟ انا اول مرة اعرف يعني ايه عشق نفسي يرجعلي بجد
ساعدوني انه يرجعلي
هموم البنات
سن المراهقة واضراره وعواقبه ع حياتنا بعدها
اضيف بتاريخ: Monday, December 18th, 2017 في 01:06
كلمات مشاكل وحلول: الخطوبة, المراهقة, بنت, حب, سن المراهقة, فسخ الخطوبة
انت مشيت وراء كلام صاحبتك وزنها عليك عشان تكلمي الشاب وماحصلش ارتياح بينكما والان رجعت لابن عمك فمن الاولى انك ماخبرتيه بعلاقتك مع الشاب نهايا ومعه حق يزعل ويتضايق من اللي فعلتيه لانك لم تحترم مشاعر خطيبك ابن عمك كان الصمت خيرا من افضاح الستر طالما ان الله سترك والان ابن عمك خطيبك انهى الخطوبة منك فلاتجري وراءه كل شي الا الكرامة لاترخصيها ابدا لوكان فعلا يحبك لسامحك لانو اللي يحب فعلا يسامح حبيبه وتمنى تنتظر لعل الايام تصلح ماافسده طيش مراهقتك وزنان صاحبتك عليك ويرجع لك ابن عمك من ثاني
ربنا يسعدك
حاولي تزني عليه زي ماصحبتك زنت عليكي وكلمي ابن عمك وفهميه حتى لو اطر الامر إنك توقفيه لوشفتيه مرة وقوليلوا انا كنت اقدر ماقلكش على الموضوع وماكنتش هتعرف بس انا كنت صريحة معاك ولو وحدة تاني في مكاني ماكنتش قالتلك وفهميه إنها كانت مراهقة وإنكوا ماكنتوش تكلموا بعض إلا كل فين وفين وقليلوا الي في قلبك كلوا ولو برضوا موصر ف سيبيه وقوليلوا براحتك بس انا قولتلك كل حاجة بصراحة ويمكن انت تتجوز وحدة تانية وماتعرفش عليها حاجة ولا هيا تقولك وانا المهم ريحت ضميري وانت براحتك وبس…ربنا يسعدك مافيش حل قدامي غير إني ادعيلك ربنا يهدي ابن عمك ويرجعلك ويجمعكم