هموم البنات

اهلى طردونى ومش بيحبونى وعاوزه ارتاح

السلام عليكم ورحمه الله وبركاته
بسم الله الرحمن الرحيم:

انا بنوته عندى19 سنه يئست من حياتها خلاص وكرهتها ومش عاوزه الحياه دى عندى اختين الاولى ف سنه التميز لكليه الطب والتانيه ف اداب فلسفه وانا ف تانيه حقوق بابا موجه بالتربية والتعليم وماما شغاله ف شركه تامين المهم انا اهلى بيكرهونى وع طول بيطرودونى بره البيت ويعاملوا اخواتى احسن منى انا الوحيده اللى انضربت فيهم ولحد دلوقتى كمان وديما بيستهزءوا بكلامى ويعاملونى كطفله ولاغيين شخصيتى جداا الكلام ده من وانا ف سن 7 سنين وبيحبوا اخواتى اكتر منى ناس قالولى اتاكدى انهم اهلك وكده بس معرفتش فكرت كتير ف الانتحار بس كنت بذكر ربنا واستغفر قربت من ربنا اكتر واكتر علشان يرحمنى منهم فكرت اهرب ف ستين دهيه فشلت مش عندنا قرايب خالص علشان اروحلاهم قعدت معاهم كتير اتكلم معاهم مفيش فايده ياما مريت بظروف ماديه وعاطفيه عمرى ماروحتلهم لان بابا وماما ديما بيفضحونى ويكسفونى قدام قرايبى وغيرهم وديما يقولولى احنا مش بنحبك احنا مش عاوزينك رغم ان اهلى دول تعليم عالى وديما زهقانين منى ويقولولى احنا كنا عاوزينك ولد جربت الانتحار كتير ولكنى فشلت وقررت الهروب كتير بس انا بنت هروح فين يعنى وسمعتى والمجتمع بقى مليان ذئاب وكمان اخواتى ديما يقولولى احنا مش بنحبك انتى طايقه ازاى تقعدى مع ناس مش طايقينك وخصوصا ان والدتى كرهتنى كره العمى لانى كتيره العيا بعيا كتير اوى من دكتور لدكتور انا نفسى احس باهتمام احس بخوف عليا بقلق عليا ووالدى مكبر دماغه من ناحيتى خالص وبيقولوا والله والمصحف ده لو جالك عريس دلوقتى لا اوافق عليه والدخله وكل حاجه ف يوم واحد واحنا كمان اللي هندفعله تمن الجوازه علشان نخلص بقى منك رغم انه قال مفيش كلام من ده غير بعد دراستكوا ماما واخواتى بيقولواى عاوزين نخلص منك بسرعه وقربت من ربنا كتير بجد تعبت خالص والنبى ياجماعه شوفيلى حل لا اهرب اروح اى حته لوحدى اتعلم شغلانه اصرف بيها ع نفسى لا اموت نفسى لانى بصراحه مش قادره اقعد معاهم اسفه لو كنت طولت عليكوا بس شووفولى حل بليز

مشاكل وحلول ذات صلة

اضيف بتاريخ: Wednesday, December 20th, 2017 في 23:02

كلمات مشاكل وحلول: , , , ,

5 رد to “اهلى طردونى ومش بيحبونى وعاوزه ارتاح”

  1. البرنس
    04/08/2019 at 23:15

    قصة غريبة جدا ولا عقلي يصدق انو في اهل بالشكل ده يعملوا مع بنتهم كلهذا شوفي يابنتي الحبيبة اعتبرني زي ابوكي اللي اتحرمت منه الحب والحنان والعاطفة تاكدي ان ربنا عزوجل مش راضي عن تصرفاتهم اللي يعملوها معك وحسابهم على الله عسير اهتمي بنفسك واقري قران باستمرار وحافظي على دينك وخلاقك وشرفك وبدراستك والتفوق فيها واكثري من قول لاحول ولاقوة الابالله وحسبناالله ونعم الوكيل وربنا معك وسوف ينصرك على من ظلمك وبيجعلك فرجا عماقريب ان شاء الله

  2. ناصر
    22/12/2017 at 09:38

    مشكله غريبه..ورائها..وحلها في رأيي أن تستعيني بشخص ثقة..يتقرب من الأسره والوالد بالذات ليعرف منه سبب تلك المعاملة..وبمعرفة السبب يبنى الحل.

  3. ابوالبتول
    21/12/2017 at 16:39

    يااختي الصغيرة عايزك تعرفي ان كل انسان في دي الدنيا معرض للابتلاء والامتحان من الله عزوجل ليختبر ايمانهم فانت في امتحان وابتلاء عاوزك تكون صابرة ومحتسبىة الاجر عندالله عزوجل وجزاء كلهذا الفوز بجنات عرضها كعرض السماء والارض اعدت لعبادالله المتقين اسال الله انك منهم واصبري وتحمل كل ماتلاقينه من اهلك من معاملة قاسية او ظلم اواضطهاد او كراهية وتاكدي ان ربنا بيجيب لك حقك منهم ويحاسبهم اشد الحساب والعقاب عللا كل مافعلوه بك وماربك بظلام للعبيد كل ظالم له نهاية والمظلوم جزاءؤه النصرة من رب العالمين اهتمي بنفسك وبدراستك وطموحك في الحياة وابتعدي عن المشاجرة معهم او الخصام اكثري من الحفاظ على صلاتك في اوقاتها واكثار من قراءة القران والصوم وكثرة الاستغفار وكثرة الصلاة على النبي والدعاء لك ولااهلك عقب كل صلاة بان يؤفقك ويسترغليك ويسعدك ويصلح حال اهلك ويهديهم ويحنن قلوبهم عليك ويرفقوا بك وان الله يجعللك مخرجا ويرزقك من حيث لاتحتسبي وربنا عظيم ورحمته واسعة وفضلة كبير بيكرمك بكل الخير وايش يمنع انك تفكري في الزواج لعل الله يؤفقمك بابن الحلال اللي يستاهلك ويصونك ويقدرمشاعرك ويسعدك طوال العمر

  4. الطيب00967
    21/12/2017 at 13:29

    اكثري من قول حسبنا الله ونعم الوكيل لاحول ولاقوة الا بالله كل يوم اقراي سورة البقرة بصوت مسموع بالبيت فلها نفع وفائدة ثم اذهبي لامام جامع مسجد يشوف لكي عريس يخاف ربنا فيكي واحكيلة قصتك باذن الله ياتيكي عريس تعيشي معة حياة حلوة ربنا يفرج كربك ويحميكي

  5. سعيد
    21/12/2017 at 02:01

    معقول اللي قرأته صحيح وحاصل !!!!! طيب حلك الوحيد انك تتزوجي شاب متدين وينقذك من اللي انتي فيه .لكن ما تهربي ولا تروحي اي مكان لوحدك لان الدنيا وحشه جدااا . لكن السؤال هل ترغبي بالزواج ؟؟؟

اترك رداً أو حلاً لهذه المشكلة