انا كل ما اتعرف علي حد يرفض صداقتي و يتغير عليا و انا بتكلم علي اذا كانت بنت او ولد طوال فتره في المدرسه كنت احاول بناء صداقه مع البنات في المدرسه بس كنت دايما بترفض منهم حتي الاولاد مع اني مش وحشه و يعتبر اني من الشخصيات الودوده و المرحه مش بكره حد و بحب الخير لغيري كل فتره دراستي في المدرسه بدون اصدقاء رغم جهودي لغايه لما كنت في ٣ ثانوي اعجبت بولد في نفس سني كان بيلعب رياضه معينه في نادي معين كان نفسي اكلمه جدا او حتي نكون اصدقاء اشتركت في الرياضه دي و في نفس النادي حتي اني في مده تقل عن شهر كنت في مستوي الاشخاص المهارين في الرياضه دي و في اخر ايام امتحانات بدات مع الولد الكلام اننا في نفس النادي و الفرقه كنت متخيله ان ممكن كده نكون اصحاب بس للاسف كل اللي لقيته منه غير كده حتي لما كنت احتاج مساعده و هو الوحيد اللي ممكن يساعد كان بيتهرب من مساعدتي انا مش عارفه ليه بيعمل معايا كده تقريبا السيناريو بتاع الولد دا بيتكرر في حياتي كلها و للعلم اني مواظبه علي الصلاه و القران و وقتي كله مشغول لاني بدرس بالجامعه بس ساعات بحتاج يكون ليا شخص اكلمه لما احتاجه
ليه محدش راضي يكون صديقي انا تعبت من الموضوع دا مش فاهمه المشكله فين و في اللي هيقول ان الولد دا كان حب من طرف واحد بس كان كل هدفي من الولد دا يكون ليا صديق
هموم البنات
الوحده و عدم وجود صديق
اضيف بتاريخ: Sunday, December 24th, 2017 في 20:33
كلمات مشاكل وحلول: الصداقة, المدرسة, امتحانات, بنات, بنت, مشاكل
ليست كل الصداقات دائمة فأنا في الماضي كان لدي مجموعة من الأصدقاء على مر أيام ومازلنا اصدقاء ولكن لبعض الأسباب اضطررت لرحيل إلى دولة السويد وهنا بدأت نفس مشكلتكي أصبحت لا اتوفق بصداقاتي ولا أعلم لماذا ولكن أتأمل يومآ ما سأجد الصديق المناسب، يفصلنا مسافة طويلة لكنا أصبحنا اصدقاء ودودين ولكن اذا ليست لديك مانع يمكننا أن نكون اصدقاء .
السلام عليكم ورحمة الله وبركاته بصي ياحبيبتي تفكيرك ده انك عايزه تكوني صداقة مع اي حد ده تفكير ممكن يوديكي لطريق مش كويس المطلوب منك انك تحافظي علي علاقتك بربنا وخلي ربنا صديقك واتكلمي معاه هوه احسن وارحم بيكي من اي حد وادعيه دايما يرزقك بالزوج الصالح اللي يعوضك عن كل الظروف اللي مريتي بيها ووقتها هيكون صديقك وكل دنيتك خليكي صابره ومحافظه علي برائتك وعفافك زي مانتي علشان تفرحي فعلا بجد بزوجك حلالك وربنا يرزقك بالزوج الصالح ياحبيبتي انتي وجميع بنات المسلمين ويسترنا جميعا يارب العالمين