السلام عليكم ورحمة الله وبركاته
فتاة 16من عمري طبعا مشكلاتي بدات لمن نقلوني اهلي لبيت ثاني وبعيد وصغيير وبعيد عن كل المحلات الي لازم نروحها مثلا السوبرماركت محلات الملابس ودي الاشياء المهم انو مكان بعيد ومنقطع .
1-اولا انا من اولى ابتدائي لاولى ثنوي كل صحباتي الي في المدرسه هما نفسهم وما اتفرقوا عني عشننا كنا في مدرستين متقاربتين يعني المدرسه الي خلصو ابتدائي يسجلوهم على طول في المدرسه المتوسطه الي جنبهم يعني زي ما تقولوا مدرستين متحالفتيتن وبعد ما خلصنا المتوسط ما عرفو فين يودونا عشان كانت مدارس الثانوي مليانه شالونا لنا وحطونا في المرسه الابتدائي الي كنا اول ندرس فيها وسرنا نروحها عشان ندرس الثانوي بعد دوام بنات الابتدائي يعني سار دوام مسائي
ودا كله حبيت اقولكم ياه عشان اعرفكم قد ايش دوله البنات عزيزين عليه ومابا اتفرق عنهم خصوصا انهم كلهم مع بعض وفوق كده في وحده تعيش بعييد مره وتدرس و تقول انها حتكمل دراسه معاهم واهلها موافقين وكل شي .بس اهلي ماهم موافقين وبغوا ينقلوني السنه الجايه غصبن عني .
2-بالنسبه للمشكله الثانيه هي انوا بعد مانقلت ما ادري ايش حصل بس صارو اهلي يكرهوني ومايطيقوني فحسيت انو حيات ادمرت من بعد ماجيت البيت دا وانا طبعا اخر العنقود واخواني اتخرجوا من الجامعه يعني انا اصغر وحده وماما كانت تحبني وتسوي المستحيل عشاني بس فجاه مادري ايش حصلها سارت تكرهني مره.
3- البيت الي نقلت في بعد وصغيير ومضروب كل شويه حاجه تنخرب في والانوار تنقطع والمويه كمان والسوبر ماركت الي تحتنا العيش حقتو مو حلو ومنتجاتهم كانهم خزنوها مية سنه يعني مضروب باختصار خلافا عن البيت الي كنا في كان واسع وبرح والمحلات الي تحتوا مافي احلى منها .
4- هادي المشكله الكبيره والي من جد دمرت حياتي هي انو مامتي حبت لموزين وهو اصغر منها كثير وهو هندي وحالتوا بالهم ودايمن تكلموا بالجوال في اخر اليل كلام حب طبعا انا لاحضت دا الشي بس مااتنصت عليها . ملاحظه:امي ارمله
واخيرا الله يخليكم اقبلو مشكلتي عشان الاعضاء يحلوها واسفه على الاطاله وارجو من الاعظاء حل مشكلتي فرج الله همومكم
