السلام عليكم .. انا بنت عندي 15 سنة .. هاحكيلكم حكايتي كلها من اول ما اتولدت لحد دلوقتي وانتم قولولي اعمل ايه !!
انا ليا اخ واحد 19 سنة .. والدي من اول ما اخويا اتولد اول من قبل ما يتولد وهو بيعامل والدتي بطريقة غير بشرية تماما..كان بيضربها دايما كتير اوووووووي لدرجة انها عملت كذا عمليه بسبب كترة ضربه ليها ..وكان بيخونها..وعندنا في البيت..وكان هايتجوز عليها من وراها بس الامر انكشف وفشكل قبل الدخلة بحوالي اسبوع .. موش قادرة انسي يوم ما كنت ف المستشفي وماما بتعمل عملية وانا كنت في اولي حضانة وكلمنا في التلفون وانا اخدت التلفون من خالتي غصب عنها وانا بعيط ومنهارة وبقولوا ” انت هاتسيب ماما يابابا وتعيش مع ست تانية وتسيبنا كلنا ” ولسه بكمل كلامي لقيته طاح فيا وقالي”ايوة هاسيبكم وموش عاوز اشوفك لا انتي ولا امك” المكاالمة دي انا لسه لحد دلوقتي فاكراها كأنها امبارح فاكرة اليوم كله من اوله لأخره كل كلمة اتقالت فيه وكل دمعة عيطها بعيطها تاني لما افتكر .. حتي لما ماما كانت حامل فيا .. كان عايز يخليها تنزلني .. وكان بيضربها عشان الحمل ينزل ..المهم اني اتولدت واديني عايشة .. واهل والدي موش قريبين منهم .. وموش اعرفهم اصلا .. يعني ممكن لوشوفتهم موش اعرفهم .. كانوا بيكرهوا باابا في ماما وبيطلعوها كدابة .. وبابا كان علي طول بيكدب ماما .. وبيهينها قدام كل الناس .. وكان بيعمل نفسه ملاك وبيمثل ع الناس كلها لحد ماكله انخدع فيه ..
وف رمضان .. علي طول كل يوم خناق من اول اليوم لحد المغرب وبالذات وقت المغرب علي طول نفطر واحنا بنعيط .. وكتير بنطرد من الشقة وبنروح نبات عند جدتي والدة مامتي .. والاعياد نادرا اما نقضيها سوا دايما برضه كانت بتبقي عند جدتي .. علي طول خناق وزعيق وضرب وشتيمة واهانة وطرد .. والناس كلها تسمع الزعيق .. كنا كل يوم علي الحال دا .. وكل يوم نروح عند جدتي .. بنقعد بالشهور وهو موش يسأل فينا ..
وبيكلم السكرتيرة بتاعه بالليل وبيهزروا سوا وماما بتسمعه وبتعيط وانا بزعل عشانها وماما موش بتنام معاه ف الاوضه عشان هو بيقولها كده وموش بيحبها تدخل الاوضة اصلا وبتنام معايا في اوضتي من زماااااااااااااان .
لدرجة اني بقيت بحس ان اخويا اما يكبر هايعمل فيا انا ووالدتي كده بخاف منه خصوصا انه متمرد وكل مايكبر بقي بيشبه بابا أكتر وهو موش حاسس بدا وموش بعرف اتكلم معاه .. اما بتكلم معاه موش بيركز وبيستهتر ويقول اني غبية ويهيني كتير وبيضربني كتير وبيقول اني عيلة واكبر اهتماماتي المفروض تكون اني اخلص اللعبة .. واما اعمل اي حاجة مناسبة لسني يقولي انتي خلاص كبرتي موش تعملي كده ويقول عليا تافهه وسخيفة والمفروض افكر بطريقة اكبر من كده شوية واركز في حاجات اكبر .. وأما احكيله عن مشاكلي يقولي العكس واني المفروض ماشلش مشاكل .. وموش بيسمع ليا .. وبيعاملني كأني ولد .. يعني موش بيراعي مشاعري أصلا كأني ماعنديش قلب وأنا حساسة جدا .. وبيتريق عليا اما اعيط لدرجة اني بقيت بكتم في نفسي لابعيط ولا بتكلم مع حد واتخنقت..وأخويا كمان كرهني اني بنت .. يعني مافيش خروجات في اي حته رغم اني والدي ووالدتي بيكونوا موافقين بس بحرتم رأيه علي اساس انه خايف عليا وانه يعرف اكتر مني وعلي طول انا اللي بعمله كل حاجة اعمله ياكل واجيبله يشرب واشتريله حاجته واعمله واعمله واعمله كأني شغالة عنده وأنا ولا ماما نفتح معاه بقنا في طل واحد بس ..يزعق ويقول ماترحموني بقي هو كل شوية أعمل اعمل اعمل .. مع انه موش بيعمل حاجة وأما اقوله كده يقولي اني بنت ودا واجبي ..انا صحيح بنت بس المفروض اسمع كلام والدي ووالدتي بس واخويا برضه اسمع كلامه بس موش للدرجة دي .. وزي ما انا ليا واجبات في البيت هو كمان ععليه واجبات .. وزي ما انا اساعد ف البيت هو يساعد ..انا دا اللي اعرفه واللي اتعلمته من مامتي وف المدارس ..
وبصراحة احنا المشاكل قلت عن الاول كتير اوي بس بابا كان طلق ماما مرتين .. وكذا مرة كان هاينطق التالته بس بيمسك نفسه..بس برضه في خناقات كتير وشتيمة واهانة وصوت عالي ..
لدرجة اني تعبت نفسيا بقيت بعيط من غير سبب .. بصرخ من غير سبب .. بقطع في جسمي..بنسي بسرعة .. كوابيس كل يوم .. نوم بال15ساعه واكتر لو سابوني نايمة .. بتهته في الكلام .. بتحصلي حركات عصبية زي تشنجات .. موش بعرف اتكلم .. بخاف من كل الناس .. موش بثق في حد .. بسمع أصوات موش موجودة كأن حد بيكلمني .. وبرد عليهم وبشوف حاجات كده كأنها ناس .. وبلاقي نفسي بكلم نفسي بصوت عالي واهزر مع نفسي بصوت عالي زي الهبلة .. وبحس ساعات ان في ناس بتضربني يعني ساعات كنت قاعدة حسيت حد هز الكرسي جامد ووقعت من عليه وساعات تانية حد ضربني علي خدي والخ الخ
مشكلتي مع اصحابي اني وانا في ابتدائي آمنتهم علي اسرار ولاقيت بعدها سيرتي علي كل لسان .. بيستفزوني بالاسرار دي .. ولاقيت ناس ماعرفهاش اوي عارفين الاسرار دي .. وبيتريقوا عليا كتير .. وبيطلعوا عليا كلام.. ولما كبرنا قولت هايعقلوا لاقيتهم نفس الحكاية بس من غير الاسرار لاني موش بقيت بتكلم مع اي حد بسببهم لانهم كلهم كشفوا سري .. بس بيتكلموا عليا وحش اوي وبيطلعوا عليا كلام اني ماشية مع صبيان وانا موش كده واني غشاشة بس انا اللي بغششهم واني بطلع من الاوائل مش بمجهودي وبالغش مع ان كل الاستاذة بيقولولي اني في الشفوي اللي هو قدام المدرسين وكله واثق اني موش غاشة بيكون مستوايا اعلي من التحريري وبيقولوا اني بكسل اكتب كل الاجابات وبتكتبي ع الاد وانا فعلا كده يعني المدرسين كلهم عارفين اني اشطر واحدة .. وناس بتقولي ان هم بيعملوا كده غيرة .. بس أنا بقيت بكرههم أووووي وبعدت عنهم كلهم وكرهتهم اووي بجد كرههتهم ومنافقين جدا وعاملين نفسهم ملايكة وكدابين .. وبيعرفوني عشان مصلحتهم وبيبعدوني عن اللي فيه مصلحتي .. وبيقولوا عليا كلام موش فيا بيقولوا عليا ندلة وانا كتير بعملهم اللي يريحهم حتي ولو حسابي وهم موش حاسين ب دا وكارهنيني
مشكلتي كمان اني وانا في سنة رابعة ابتدائي باين حصلي “ت*رش” وكان ممكن يوصل اكتر من كده بس انا قدرت الحق نفسي وموش قولت لحد علي كده
مشكله كمان اني موش بكلم صبيان وكتير قالولي انهم معجبين بيا وعاوزين يكلموني وانا رفضتهم كلهم .. بس للأسف حصل مرة ان واحد كلمني ع النت وهو يعرفني شخصيا وقالي انه معجب بيه والوحيد اللي انا اتشديت ليه واتعلقت بيه مع ان في احسن كتير وكتير قالولي ع االنت وف الحقيقة ومحترمين اكتر منه بس هو الوحيد اللي اتشديت له هو اكبر مني ب4سنين بس انا رفضت برضه وحاولت ابعد عنه كتير وهو احترم دا وكل فترة بيطمن عليا واخويا عرف بس اما عرف فهم الموضوع غلط وفهم اني ماشية معاه وأنا والله العظيم ماحصل وأنا رفضت وحياة ربنا وأما عرف اتعامل معايا بكل جفاء وطلع الشخص دا بيشرب مخدرات .. اصلا في كتير بيشربوا مخدرات حوالينا .. لكن أنا اخر حاجة قولتلها للولد دا انه يتغير عشان نفسه موش عشاني وعشان والدته اللي بتحبه جدا وان هي ماتستاهلش منه كده وهو فعلا اتغير وكلمني بعدها كام مرة يقولي انه اتغير وانا برد موش عارفة ليه برد بس موش بقدر امنع نفسي لكن الكلام والله العظيم مابيخرج ع انه لازم يتغير وانه يبدأ من جديد والله موش أكتر لكن انا برضه حسيت اني غلط اصلا اني اتكلم معاه ايا كان محور الموضوع وبطلت اتكلم خاالص الموضوع دا بقاله سنة وانا لسه فاكراه وشايفاه بيغير وهو فعلا اتغير وأنا بعرف اخباره من بعيد لبعيد وهو برضه وانا ملاحظة جدا انه يتغير وعرف ربنا بجد .. بصراحة برضه انا شاكة في دا انا هاقول الحق .. عشان هو خلاني افقد كل ثقتي في كل الناس ..بقول لنفسي يمكن دا قدامي بس….بس هو اصلا موش يعرف اني بعرف اخباره .. وأنا بدعيله انه ربنا يهديه .. والولد دا خرجني من مشاكل كتير كنت هاقع فيها من غير ما اعارف برضه بسبب اصحابي للأسف .. لكن اخويا رافض اصلا فكرة اني اعرفه بأي طريقة .. وأنا رافضة دا برضه .. وبقول موش معقولة اخون ثقة اهلي فيا وموش معقول حتي اما اخونها انها تكون عشان واحد زي دا بتاع مخدرات .. بس برجع اقول انه من جواه اتغير وبقي كويس..في زي ماتقولوا كده معركة جوايا .. لكن انا برضه رافضة رافضة رافضة .. بس موش عارفة انا اللي بيحصلي دا ايه ..أما انا رافضة اني اكلمه .. متعلقة بيه ليه !!!
أنا حكيتلكم مشاكلي..أنا لما قرأتها تاني حسيت ان هي بسيطة .. وعادية ومنتشرة .. بس انا لوحدي مافيش حد اكلمه .. ماما موش برضي اكلمها عشان في هموم ياما ..وموش احب اشيلها هموم زيادة .. ولو انا زعلانة من حاجة هي هاتزعل اضعاف زعلي .. وانا ماحبش ليها كده .. بس برغم كل حاجة انا بحب والدي ووالدتي واخويا جداا واصحابي بصراحة كذا مرة افكر اسيبهم لكن بقول دي عشرة وماينفعش ..أعمل ايه لكل دا !!! آسفة علي الاطالة الكتيــــــــرة ..
شوفي يابنتي الحبيبة بارك الله فيكي اوعي تتاثر بمايحصل بين ابوك وامك من خلافات وتشاجر ومشااكل فهذابيحصل بين الازواج في الحياة وسرعان مايتصالحوا ويرجعوا احسن من الاول وده طبيعي فيالحياة الزوجية زيما كان بيحصل لهم وانت طقلة صغيرة والان انت ماشاء الله عليك كبرت وصرتي بنت شابة في سن المراهقة وشاطرة وذكية في مدرستك وتطلع من الاوائل واكيد عرفت اشياء كثيرة في الحياة كل واحد منا لما يكبر يفهم اشياء لم يكن يعرفها في صغره وابوك وامك يحبوا بعضهما وعمرهما مايستغنوا عن بعض وربنا يخليهم لكم ولايحرمكم منهما ان شاءالله اما تصرفات اخوك فهو شاب مراهق لازم تقدري سن دي اللي هو فيها وماتحاوليش تتخاصم معاه او تصدمي به نعم هو اخوك وانت اخته ولازم يكون بينكما حب واحترام وتقدير وانت مش مسوولة عن تصرفاته ولاتقدري تحاسيبه عليها ابوك وامك هما المسوليان عنه ولهم حق محاسبته والكلام معه ان اخطا او عمل حاجة غلط في تصرفاته ادعي له بالهداية والصلاح وتعامل معه كويس ويكون بينكما تفاهم واحترام وكانكما اصحاب مش اخوات وربنا لايحرمكم من بعض اما مسالة زميلاتك في المدرسة فعاوزك تعرفي انهن غيرنات منك لانك طالبة متفوقة وشاطرة في المدرسة وتطلع من الاوائل وكل المدرسين والمدرسات يحبوك ويحترموك وكل ذي نعمة محسود مش عاوزك تحتكي بهن وخليك احسن منهن في دينك واخلاقك وتربيتك وابعدي عن البنات الوحشات منهم وصاحبي البنات المحترمات المؤدبات وخليك كدا دائم متفوقة وشاطرة في دروسك وربنا يكرمك ويجعل التوفيق والنجاح حليفك طوال حياتك اما موضوع انك تعرفي شباب وتتكلم معهم فهذا غلط كبير وقعت فيه ايتها البنت المحترمة والشاطرة والذكية ابعدي عن تلك التصرفات الغير اخلاقية ولاتطمن لاي شاب او تثق فيه كلهم كدابين ومخادعين وكم حصل لك مع ذلك الشاب اللي كنت تعرفت عليه وطلع يشرب مخدرات واخوك عرف حكايتك معاه فاحمدي الله انها جت على كده وماتورطت معو في شي لاسمح الله عايزك تقطع علاقتك به نهايا وللابد واياك والاستمرار في الكلام معو وتصدقي انه تاب من المخدرات او بطلها فهذا شي يخصه هو ولادخل لك به احذري من الاستمرار معه فهو كداب ويضحك عليك ويتسلى بك حافظي على خلاقك وتربيتك وعلى شرفك وسمعة اهلكي وكرامتهم وثقتهم فيك واهتم بدراستك ومستقبلك وربنا يسترعليك ويؤفقك ويكرمك بكل الخير ويصلح احوالكم ويحفظ لك ابوك وامك واخوك ولايحرمك منهم ابدا