ازيكوا يا جماعه لو سمحتوا حد يقولى انا غلطانه ولا ايه ومين فين اللى المفروض يعتذر للتانى ,, انا حبيت واحد سنتين كان حب من طرف واحد هو كان زميلى وكده بس كنت بحبه قوى وعيبى لما بحب بتعلق قوى باللى بحبه وممكن اضحى بكل حاجه عشان اسعده ومش عارفه ده غباء منى ولا ايه ,, المهم فى السنه التالته اللى كنت بحبه فيها هو طلب يكلمنى وكده وكنت فى قمة سعادتى رغم انى لما كلمته حسيت انه بيتكلم وخلاص يمكن عطف منه عليا مع ان مقولتش لحد انى بحبه وهو يمكن حس عليا انى بحبه .. عدى اسبوع واتكلمنا وبعد كده لقيته اتغير ومعاملته بقت صعبه واكتشفت فيه حاجات مش كويسه بس كانت ممكن تتغير ,, وحاولت ااغير فيه كتير ,, لحد ما فى يوم قالى انا بكلمك عشان اعمل معاكى (( حااجات مش كويسه مش عشان بحبك )) المهم انا اتحملت كلامه وكملت كلامى معاه وكنت فاكره ان بتحدى نفسى ان عمرى ما هعمل حاجه مش حلال او كده وكملت كلامى معاه فضلنا سنه نتكلم وهو دايما كان يقولى والله انا حبيتك انت تستحقى الاحترام وكلام من ده لحد اما حصل مشكله بسيطه جدا هو و واحد جارنا ولما انا تدخلت فى الحكايه طلعنى انا بحب جارنا وقال لاصحابه بقيت انا المذنبه اللى فضلت احبه كل ده ,, وعمل مشاكل لجيرانى وكرهونى واهلى زعلوا منى ,, وهما ياما نصحونى مكملش فى الطريق ده وانا مسمعتش كلام حد اتحديت اهلى وكل ناسى وفى اخر الكلام يقولى سمعتك انا بوظتها زى ما كنت عايز من غير ما عملت معاكى حاجه وخسرتى التحدى ,, وقالى كلمه فوقنى بيها قالى اللى يخسر اهله عشان حد ممكن يخسر اى حد ,, طولت عليكم بس قولولى حل انا اعمل ايه دلوقتى
هموم البنات
رغم حبي ليه شوه سمعتي
اضيف بتاريخ: Monday, June 13th, 2011 في 19:56
كلمات مشاكل وحلول: مشاكل البنات, هموم البنات
اختي الحبيبة ده شخص سافل وبلااخلاق ولارجولة ومش بعيد مريض نفسيا صدقينى جزمتك برقبة عشرة من زيه انسيه خالص والغيه من كل حياتك واوعي ترجعي له بعدكل اللي عمله فيك وقاله عنك ومن الاساس تعرفك عليه كان حرام وغلطة كبيرة توجب التوبة والاستغفارلله عزوجل وقطع العلاقة اوالاتصال به حتى تحافظي على كرامتك وشرفك واخلاقك وتاكدي ان ربنا سوف ينتقم منه زيمااذاك وكماتدين تدان واحمدي الله انك عرفتي حقيقته قبل ماتتورطي معه في شي ومسالة الاهل والجيران وزعلهم منك بسبب اللي حصل منه والكلام اللى قاله عنك عرفيهم حقيقته ومع مرورالايام هيسامحوك وينسواكلده دام انهم واثقين فيك وفي اخلاقك وفي تربيتك واتمنى انك تاخذي العظةوالعبرة من كل ماحصلك وماتغلط تاني ولاتثقي في احد مهماكانت الظروف وربنايسترعليكي ويوفقكي في حياتك
والله دا مريض نفسيا ويلعب ويتحدى على شرف الناس اعوز بالله دا شخص ميتأمنش عليه
من البدايه غلطتي وسكتي له المفروض لما هو قالك انا مكنتش بحبك وبلعب عليك عشان عاوز حقات
انتي تردي وتقولي ولا انا كنت بحبك ولاعاوزه منك حاجه كنت بلعب عليك عشان يحس على دمه وتضحكي في وشه وتروحي قافله السكه
نضحى لمن نحب فيطلب مزيد من التضحيات فنضحى من اجله وفى النهايه يضحى بينا هو
ان التضحيات لا تحقق سوى خساره لرصيدك فى قلب الأخر والتضحيه عندما
تصبح أهدار للذات من أجل الأخر تضيع معها قيمة الأنسان وكيانه
أحب .. وأعطى ..وضحى
ولكن لا تتنازلى وتهدرى ذاتك وكيانك وأحلامك المشروعه
من أجل الأخر
فلا تتنازلى الى الدرجه التى تهون فيها عليك نفسك
فمن تهون عليه نفسه تهون على الأخرين
لأن الأنسان لا يبحث عن ظل يتبعه
بل يبحث عن قيمه لا تهدر ذاتها وقيمه تحفظ نفسها من الهوان والمذاله وحلم يدفع بالانسان
للركض وراءه وليس منه أياك أن تلغى ذاتك من القائمه لانه بالوقت
ستجعلين الاخر يعتاد غيابك
علينا ان نتعلم ونعلم الاخر بأن هناك حدود لا تمس وحقوق لا تسقط
من اجل الحب فالحب الحقيقى لا يكون مبرر لتقديم التنازلات الواحد تلو الاخر
ان الحب الذى يقضى كل يوم على حلما لك ويدفعك لان تدفينيه بين ضلوعك
هو فى الحقيقه حب مريض انانى يأخد ولا يعطى والأنانى يحب نفسه فقط
أقول لكل من يحب كون قيمه ليلتف حولك الفراشات التى تعشق الضوء
ليكون معك صدفه تحميك من امواج الحياه
القلوب المتجمده لا تذوب مع نزف المشاعر بل غالبا ماستتجمد لاى شئ يتعارض مع مصالحها
لانها لاتعرف فى حياتها سوى العيش فى الصقيع تحت درجة الصفر
ولن يذوب الصقيع نفسه الا من أجل ذاته ولن يفكر فى الذوبان من اجل احد
وأخيرا لن تتوقف الحياه من اجل احد وان لم تحب نفسك لن يحبك احد
انتى علشان حبتيه اوى حصل معاكى كده وانتى من المفروبعد ما قالك فى الاول ان هو مبيحبكيش دى كلمك علشان حاجه تانيه مكنتيش كملتى معاه انا حصلى نفس اللى حصلك واصعب منه وصبرت بس فى الاخر هيتازى زى ماازاكى واصبرى وبكره هيرزقق باحسن منه بس انتى كملى حياتك صح وعيشه صح وقبل ماتعملى حاجه فكرى فيها صح وصلى وقربى من ربنا اكتر
انتى اصلا تبوسى ايدك وش وضهر انك مكملتيش معاة دة حد مالوش امان وال عملة فيكى بكرة يتعمل فية ربنا مبيسبش حق مظلوم وبعدين انتى المفروض قبل ماتحبى تعرفى الشخص دة الاول مش جايز صورتة غير طبعة معلش متزعليش انتى مغلطيش وربنا هيعوضك بالاحسن منة ومتفكريش ف ال فات وخليكى ف ال جاى
انتى اكيدعايزة تبينيلة انك احسن منة ووهوة ولا حاجة صح انا هاقولك تعملى اية؟
اتفوقى فى دراستك اوى وصلحى اهلك وجيرانك لما يلاقوقى متفوقة فى دراستك او شغلك هيكلموكى بس لازم تتعبى شوية عشان انتى اللى عملتى كدة فى نفسك وسعتها هوة هيعرف ان انتى عايشة من غيرة وهوة ولا حاجة وهيجى يوم من الايام هاتتقبلو واكيد هاتتكلمو وسعتها مش تبينيلو انك بقية علية دة لو لسة بتحبية وخليكى عادى جدا جدا جدا وميهمكيش بس قبل كل دة خليكى قريبة من ربنا عشان ينصرك علية وعاى اى حد فى الدنيا وانتى كدة اتعلمتى ان اللى يعصى والدية ربنا مش بيحبة وبيحصلة حاجات وحشة كتييييييييييييييييير
ده انسان مش كويس
وابعدى عنه وارجعى لاهل واصحابكاللى زى ده ما يتزعلش عليه
حولى تكونى نفسك عزيزة عليكى ومتحبيش حد فى السن المرهقه اكسبى كلمة الاخرين
ودوسى على قلبك لان ده كلام فاضى
ابعدى عنه خالص ويا ريت متعمليش اى علاقه مع اى حد الا فى الحلال يعنى اللى شاريكى يتقدملك بدون لف ودوران وانتى بتقولى انك بتحبى الحلال ومبتحبيش تعملى حاجه حرام معلش اللى انتى عملتيه معاه وكلامك معاه حرام لانه غريب عنك بس استغفرى ربنا وتوبى والتزمى وقربى من ربنا وسيبك من اى حاجه علشان ربنا يرضى عنك ويوفقك اهم شىء علاقتك بربنا اتجهيله وصليله والتزمى وان شء الله ربنا هينصرك وهيكون معاكى
بصى يا حبيتى انتى غلطانة انك تضحى بكل حاجة علشان حيبيك ده غلطة لازم تخرجى من تجربة ده على تعلم شى ما هى الحياة تجارب تعلمى انك ما تثقى فى حد بشكلك مهما كنتى متاكده انه بيحبك اصل فى زمن ده بقى الواحد الطيب خاسرا وبجد كمان تتعلمى انك ما تتعلقى بحد كده بسرعة لازم تتعودى على كده مش كل حد يقولك بحبك يبقى خلاص وبعدين كمان انتى اول ما سمعتى منه الكلام ده اللى هو الحاجات مش كويسة يبقى ازاى تفرضى على نفسك انك ممكن تحاولى تتغيرى الحب بجد هو الحب من واحد محترو لكن ده لااعتفدانه محترم ده شكله مجنون وبعدين ده كان بيتسلى بكى اقوللك نصحية حاولى على قد ما تتقدرى انك تنسيه تمام وتقطع الكلام به علشان تقدرى تنسيه الايام كفيلة بالنسيان ومش اول خبطة حتتقعى لا لازم تقومى وتنهضى وربنا معاكى
بصي ياحبيتي انتي متعمليش في نفسك كدة هو بني ادم ميستهلش منك انك تزعلي علية هو كدة معندوش ريحة الدم وربنا يجزية باللي عملوة فيكي بس سوري انتي كمان غلطانة بصي والله انتي زي اختي وانا هنصحك بما يرضي الله انتي اولا بتقولي انك حبيتية جدا انا مش بلومك علي حبك لية لاء بس كنتي لازم لما قلك انا عاوز علشان اعمل فيكي حاجات مش كويسة كنتي المفروض رمتية اصلا لانة حتي ميستحقش الاهتمام مش تقولي اتحدي نفسي انتي لية مفكرتيش لو ثانية انة ممكن لاقدر الله يعمل حاجة فيكي ودلوقتي الطرق كتير جدا مش لازم يكون بريضاكي وبعدين قبل ماتحكمي قلبك حكمي عقلك وماتمشيش وراة قلبك لانك لو مشيتي وراة قلبك من غير ماتحكمي قلبك هتتعبي اوي ودة يعتبر درس ليكي ومش تعتذري ولا حاجة ولا حتي تفكري ترجعيلوة لانة ميستهلش حبك دة دة بني ادم يستاهل انة ينكرة مش اكتر وزي ماقلك اللي يخسر اهلة علشان حد يخسر اي حد وربنا يهدية ويهديكي ويهدينا كلنا وانتي شكلك محترمة وبعدين انتي لسة صغيرة والعمر لسة قدامك وربنا معاكي يارب وميضركيش ابدا والسلام ختام وانا اسفة علي الاطالة بس بجد انا بتنرفذ من اللي بيعملوة الرجالة دول بدون خوف من ربنا ربنا يرحمنا يارب