هموم البنات

اعيش مع مين

انا والدى مصرى لكن والدتى اسبانية كنت عايشة فى مصر معاهم بس لان مامتى مضيفة جوية كانت علطول بتسافر وانا اصلا مش حاسة انها مامتى خالص من 3سنين انفصلت هى وبابا وانا مليش اخوات وخدتنى اعيش معاها فى اسبانيا واتجوزت واحد اسبانى وهم اصلا مسيحيين هما الاتنين لكن انا مسلمة زى بابا انا رفضت العيشة معاهم وقلت لبابا انى عاوزة اعيش معاه بدل القعدة قى الغربة مع المسيحيين دول بس هو وافق فرجعت مصر مع بابا ومراته هى بتعاملنى وحش جدا وانا مش طايقة العيشة معاها خصوصا انها بتفضل بنتها عليا اوى وبابا مش بيقولها حاجة مع ان دى بنتها من واحد تانى اصلا مش بابا انا لقيت ان معاملة جوز ماما والغربة ارحم من معاملة مرات بابا ليا فقولت ارجع اعيش معاهم ارحم بس هم مسيحيين انا بقيت بين نارين بس ماما من شهرقالت لبابا ان جوزها اسلم وان انا ممكن ارجع اعيش معاهم فبابا وافق انا بجد حاسة انه مبسوط انه خلص منى انا دلوقتى هعيش فى اسبانيا بس عرفت ان جوز ماما مأسلمش ولاحاجة وان هى قالت كده عشان انا صعبت عليها وعاوزانى اعيش معاها اعمل ايه واعيش مع مين انا بجد منهارة وانا اسفة انى طولت عليكم.

مشاكل وحلول ذات صلة

اضيف بتاريخ: Saturday, March 3rd, 2018 في 17:10

كلمات مشاكل وحلول: , ,

5 رد to “اعيش مع مين”

  1. فقير
    22/04/2018 at 09:35

    قصتك وجعت قلبي . واسف جدا ابوكي ده راجل ابن تيت . ازاي يقبل ان بنته تعيش مع راجل غريب حتي عن طبعنا وعاداتنا . والله ما يستحق يكون ابوكي ويثاريت ربنا يكرمك بزوج من بلدك مسلم بنفس اخلاقك وطباعك
    حسبي الله ونعم الوكيل في كل اب يتخلي عن دوره

  2. مسافر
    06/03/2018 at 02:04

    تعيشى مع مامتك طبعا فى حد يعيش فى مصر دى بلد كلها تخلف و جهل خليكى بره احسن

  3. ابوالبتول
    05/03/2018 at 00:07

    قصتك دي مشابهة لقصة ابنة اخي كان اخوي الاكبر منا متزوج من وحدة مسيحية تعرف عليها ايام دراسته في اوروبا وتزوج بها رغم معارضة الاهل له في ذلك وخلف منها بنته وهي الان شابة في 16سنة من العمر وبعد ما طلق امها اخذ البنت لتعيش معه و امها تزوجت من رجل على نفس ديانتها المسيحية واخي تزوج من احد اقاربه ولكن زوجته هذة تعامل الفتاة بقسوة شديدة وتكلمنا معه في هذا الموضوع وقلنا حرام اللي يصير لهذة الفتاة المسكينة وماتلاقيه من معاملة زوجتك القاسية لها ولكنه مع الاسف سلبي جدا ولايريد يزعل زوجته مهما حصل منها فقررت ان اخذ البنت تعبيش معي انا وزوجتي واولادي واعتبرها مثل واحد من اولادي حتى انها صارت لاتهتم باهلها ولابسؤال عنهم وتقول انت ابوي واهلي كلهم والحمدلله ربيتتها احسن تربية والبنت شاطرة وذكية جدا وتطلع من الاوائل في دراستها والكل عندي في البيت يحبها ويحترمها والله يصلح احوالنا جميعا ويختم لنا بالصالحات اعمالنا

  4. ابوالبتول
    04/03/2018 at 23:52

    لاحول ولاقوة الابالله دي نتيجة زواج المسلم من غير المسلمة ويكون الضحية الابناء مثلك انت عندما طلق ابوك امك المسيحية وتشردت لاصرتي تقدرتعيشي مع ابوك ومراته القاسيه المفترية ولا مع امك وزوجها المسيحي الشرع يقول في هذي الحالة ان البنت تتبع ابوها ولايجوز لك العيش مع امك لانها متزوجة من راجل غريب حتى لو كان مسلما فلايجوز ان البنت تعيش معه تحت سقف واحد يظل راجل غريب درا للفتنة والشبهات ارجعي وعيش مع ابوك وتكلمي معه بكل صراحة عن ماتفعله زوجته معك حتى يكف بلاها عنك واصبري حتى يكرمك بابن الحلال اللي يتزوج بك وترتاح من كل هذا العذاب والمعانات يسر الله امرك وحفظك من كل سوء وبؤرك فيك

  5. سعيد
    03/03/2018 at 18:18

    احسن حاجه تتزوجي وتعيشي مع زوجك وافضل حاجه انك متمسكه بدينك وربنا هيكرمك ان شاء الله ولو انا بعرفك كنت اتزوجتك علي سنه الله ورسوله

اترك رداً أو حلاً لهذه المشكلة