السلام عليكم
اول حاجة احب اوجة مدى اهتمامى وتقديرة لموقع مشاكل وحلول الرائع دا واد اى انا استفدت منة كتيييييييير
اولا انا احب اننى احكى عن نفسى واعرض مشكلتى .. اولا انا ف تاني سنة ف كلية من كليات القمة والحمد لله اننى قدرت احقق حلم امى وابى اللى ديما كانو بيشجعونى علية .. ف البداية انا كان عمرى مكان ليا اى علاقة ب ولاد ف فترة الثانوية العامة ودى حاجة انا الحمدلله بحمد ربى عليها عشان دا ساعدنى ف حد كبييييير اننى ازاكر واركز … المهم انا طبعا بعد لما دخلت الكلية طبعا زى اى بنت بقت المزاكرة والدراسة مش اول واهم اهتماماتى .. انا عملت اكونت ع الفيس بعد لما خلصت الثانوبة .. وكنت بضيف علية اى حد يبعتلى ادد .. انا الحمد لله بنت متربية جدا واهلى ناس محترمة وانا بحمد ربنا على كدا وربنا ادانى قدر كبير من الجمال الحمد لله علية … بس انا ديما بحب مزكرش دا عشان كدا بعض الناس حوليا بيتهمونى بعدم الثقة بالنفس .. لان انا مؤمنة بمقولة ان من تواضع للة رفعة . و رحم الله امرئ عرف قدر نفسة .. انا لما عملت الاكونت مكنتش اعرف اد كدا ف الفيس ويعنى اى ادد وكدا المهم كنت بضيف اى حد يبعتلى اد .. سواء بنات او ولاد لكن انا كان جوايا ان مينفعش اننى اتكلم مع ولاد ولا حتى من باب التعارف …………. المهم كان فية كزا واحد ضفتة حتى كانو كتيييييير من الكلية المهم كان فية واحد كان ديما يدخل يكلمنى وكدا
وانا طبعا زى مقلت اننى مكنتش عمرى ف حياتى مكلمت ولاد ولا اى حاجة من دى بس كان نفسى اعيش قصة حب بس القصة دى تكون قدام كل الناس ومتكونش ف الضلمة لان طالما انا هخبيها يبقى حب حرام .. المهم الشخص دا كان بيكلمنى كل يوم لحد فعلا متعلقت بية … اننى لازم اكلمة كل يوم
المهم جة ف يوم وقالى انا بحبك … انا طبعا مقتنعة ومازلت مقتنعة مليون ف المية ان مفيششششش حاجة اسمها حب من على النت وقولتلة ان مينفعش حد يحي حد معرفهوش المهم قعد يقنعنى ان هوا مش بيتسلى بيا وان هوا فعلا حبنى لاخلاقى وقالى صحيح الشكل مهم جداااا لكن هوا حب فيا حجات تانية اهم من كدا
المهم انا الحمد لله بحمد ربى اننى بقدر اراجع نفسى كويس جدا وانى مش متسرعة اننى اقسم بالله عمرى مقابلتة ولا حتى سمع صوتى ف التليفون
المهم هوا اتفاجئت اننة جالى كليتى ف يوم واتفاجأت بية قدامى ومقدرتش اتكلم اى كلمة غير اننى طلبت منة يمشى وبعدها طلب مننى اننى احكى لامى وفضل كتيير جدا يطلب مننى دا
انا كنت مترددة لان انا خيففة ازاى انا ممكن ارتبط بواحد عرفتةمن النت وممكن اموت نفسى لو جة فيوم من الايام وقاللى ( انا عرفتك من النت ) بس هوا عارف اد اى انا بنت محترمة وان مكنتش هدفى الاساسى ان عملت الفيس عشان اكلم شباب او اضيف هوا كمان ف كلية من كليات القمة
بعد كدا انا حكيت لامى ولامتنى اننى كنت مخبية عليها كل المدة دى وقالتلى امسحة وعشان انا اصلا من اول مبدأت اتكلم معاة انان حسة اننى بخون ثقة اهلى ليا وكنت ديما بفكرة ب كدا هوا اللى كان بيلح عليا الحاح شديييييييد اننى اقول لاهلى
والله انا عرفة اننى غلطت لانى استعجلت او اننى ضفت من البداية
بعد لما مسحتة اد اى حسيت اننى ارتحت وان فعلا ربنا بقى راضى عننى ومبفتش بحس بتأنيب الضمير لنا عينى تيجى ف عين ابويا او امى
انا فية شخص كان كلم بابا عننى ف اول سنة وفية واحد من قريب معايا ف الكلية قالى اننة بيحبنى .. انا مش عرفة اعمل اى انا حسة اننى كرهت حاجة اسمها حب وحسة اننى مش هقدر ارتبط بالانسان اللى اتعرفت علية من النت دا وف نفس الوقت مش عارفة اواجهة بكدا لانة اعلق بيا جدا
انا فية فترة بعدت فها وهوا بعد كانت حوالى شهر وكنت فعلا نسيتة وقلت الحمد لله ربنا عاوز الاحسن وكدا
رجع تانى يكلمنى المشكلة اننة بيحبنى وانا صعبنا عليا اسيبة بس انا عمرى متخيلت نفسى اننى ممكن ارتبط بية ومش عارفة اواجهة
هوا قالى اننة هيجى يقول لماما بس انا توهت الموضوع لان لما جة البيت هيبقى مش فاضل الا موافقتى ودا الللى هيبقى صعب عليا
انا دلوقت من بحبة مش حسة اننى بحبة وكمان مش بحب حد غيرة وبجد انا بتمنى كل واحد قرى رسالتى بلاش حب النت دا لانة بيبقى تجربة فاشلة انا الصعب عليا اننى كنت عارفة كدا ومشيت بردة ف الطريق المشكلة اننى عمرى مهنسى ومش عارفة اعمل اى … ازااى الانسان اللى هيجى ويخطبنى انا ممكن احكيلة اننى اتعفت على واحد من ع النت عندة وازاى ممكن يشك ف اخلاقى اننى كنت بكلم واحد من على النت انا ريحت نفسى كتير اننى مسحتة واننى قلت لامى بس انا مش عرفة اقفل معاة خالص ياريت تساعدونى
لاننى كدا بظلمة معايا
كمان انا حسة اننى مش عوزة ارتبط بحد انا كان حلم حياتى ان اول حب ليا يبقى هوا اخر حب والانسان اللى بحبة يبقى زوجى
انا عانيت كتير ف حياتى يعنى مليش اصدقاء الا واحدة ومبقتش بشوفها عشان الكلية .. انا ديما بتجرح من صحابى وديما يحاولو يقللو منى وانا والله مبحب اتكلم عن نفسى خالص بس انا طيبة وحتى لو فية حد جرحنى بعتبر نفسى اننى انا الغلطانة وانى انا اللى لازم اعتذر .. كمان علاقتى بوالدى مش اد كدا انا بحبة وكدا حاجة بش هوا بعيد عننى يعنى مش بيقعد يتكلم معايا فديما حاسة اننى لوحدى عشان كدا اى حاجة كانت بتبقى مضيقانى كنت بحكيها للشخص دا لانة كان اقرب حد ليا … كمان انا ف بعض الاوقات بمر بحالة نفسسية سيئة لاسباب خاصة ييا يعنى ان نفسى انزل وزنى شوية ومش عرفة 🙁 🙁 🙁 ع الرغم اننى مش باكل اصلا بس مش عرفة انا حظى كدا ولا غباء من الاخرين ههههههههه
ارجوكو تساعدونى اازاى انا ممكن ااواجهة واطلع من المشكلة دى ونفسى كمان انسى انننى مريت بتجربة زى دى عشان انا بتألم لما بفتكر
واسفة اننى طولت انا حبيت بس احكى حكايتى عشان اقول ان مفيش احسن من الحب اللى بيجى من اول لقاء او من النظرات مفيش احسن من الحب اللى بيبقى ف النور مفيش حب بيجى من الكلمات
احلى حاجة ف الدينا الحب اللى لما تشوف فية اللى بتحبة تحس ان قلبك اتحرك حتى لو مش هتعترف ومش هتتكلم مع اللى بتحبة بس دى احسن مليون مرة من حب النت والكلام دا دا كلة بيقى بسبب الفراغ او الوحدة او ان الواد مش لاقى حد يتكلم معاة او صديق
وشكرا .. واسفة جداااا لأأزعاااج
