سلام عليكم..
أنا عملت حاجة غلط من زمان مع خطيبي و وقفت من سنة كدة و ندمانة جداً عليها..
أنا في لحظة غباء و إنحطاط نمت معاه.. بس أنا لسة عذراء..
أنا مش هكدب على حد أنا مكنتش و مش ملتزمة بس أنا من عيلة ملتزمة بس حصل إن عيلتي مفككة شوية و كمان مواعيد الكلية سهلت الموضوع دة..
يعني الغلط مش على تقصير أبي و أمي.. هما فعلاً الظروف معاهم كانت زفت و كانو نفسهم اني أبقى أحسن بنت في الدنيا بس قدر الله و ما شاء فعل..
أنا مش عارفة أرجع زي ما كنت تاني.. بنت محترمة عادي.. مش عارفة أتوب بجد.. مش عارفة أصلي.. حاسة إن الشيطان عايش جوية.. مش عارفة ليه..
أنا مش بصلي خالص.. بيحصلي حاجة غريبة أما أقره قران.. رغم اني بحب ديني والله و أحب ربي بس الكلام مش كفاية..
يا جماعة أنا ضايعة و مش عارفة أكلم حد أصلاً.. بجد مش عارفة..
أنا عايزة أصلي.. بقعد أحلم بجد اني ملتزمة و واحدة بتاعة ربنا.. زي ما الناس بتحلم انها غنية أو كدة أحلام يقظة اني ملتزمة..
بابا كل ما يشوفني يقولي انتي ليه مش بتصلي انتي ليه مش كذا.. أنا فقد الأمل فيكي أنا مش عارف أعمل إيه فيكي..
خطيبي برده عنده مشكلة في الصلاه.. و الصراحة كان بيطلب مني إن أعمل كدة وانا كنت بقول لأ.. و أصمم.. من الناحية ده هو ضعيف إلى حدٍ ما..
أنا عايزة حد يقولي اسامح نفسي ازاي؟ و على طريقة أرجع بها لربنا بجد مش بس اني معملش الحاجة الوحشة ديه بس أصلي و اقرأ قران و أحس بربنا..
أنا عايزة أحس إن ربنا جوه عندي..
و عايزة أسألكم أنا دلوقتي بحب خطيبي جداً و هو قريبي على فكرة.. و أما بسأله إنت بتحترمني بعد إلي حصل بيقولي المشكلة ديه أنا السبب فيها و مش عارفة إيه؟
أنا مش عارفة أعمل إيه؟ هل أكمل معاه و نحاول نتوب مع بعض مع العلم إنه انسان عنده إمان بربنا أوي بس ضعيف جداً في التطبيق زيي كدة..
و لو استنى هل الصح اني أقطع كلام معاه الست شهور إلي باقيين فالخطوبة؟
و لو أسيب؟ أسيب ازاي رغم اني بحبه بغباء بجد.. بحبه جداً لدرجة إني حاسة إن ربنا ابتلاني بالحب دة عقاباً على إلي أنا عملته..
و اتعامل ازاي بعد كدة عشان هو قريبي و حيفضل موجود في الأفراح و الأحزان؟ هتعامل ازاي مع واحد مش لية و غلطت معاه..
ساعدوني يا جماعة..
على فكرة أنا عارفة إلي أنا عملتو مش غلطة.. مش حتى بوسة أو حضن.. أنا عارفة ان دة زنا و عارفة يعني إيه حد زنا..
لموني على راحتكم بس بلاش شتايم عشان أنا مش عايزة استحقر نفسي أكتر من كدة فعلاً.. انتوا متعرفوش قد إيه أنا ندمانة و قد إيه ربنا بيعاقبني من كل ناحية والله.. و أنا استاهل..
بمناسبة الحد.. أنا كنت بفكر اني أتوب بإن يطبق عليه الحد.. بس أنا خايفة من الفضايح.. هل يمكن بعد الجواز زوجي يطبق عليه حد الزنا؟؟
أو أروح لمين طيب؟ بس يبقى من غير فضايح؟
هموم البنات
هل أكمل مع خطيبي و نحاول نتوب مع بعض
اضيف بتاريخ: Sunday, May 27th, 2018 في 21:30
كلمات مشاكل وحلول: الخطوبة, الكلية, بنات, بنت, شاب, عذراء
أنت لست أول و لا آخر بنت تستعجل … إيمانك بالصح و الخطأ ليس بقراءه القرآن و إنما بقناعتك أن هذا صواب و هذا خطأ و هناك إلتزامات عليك بآداءها و فى الآخر لا تكرهى نفسك بالصلاه و قراءه القرآن … ربنا يحب أن تأتيه طوعا لا كرها … لما تكونى مستعده لده أنت نفسك ستقبلين على ذلك .. بالنسبه لخطيبك فأسرعى بإتمام الزواج و ستشبعين زواج ..
بالنسبة لعودتك لربنا والتزامك بالدين ماراح يقويكي ويعينك على هذا غير مجالسة للصالحات اليومية لهن ومتابعة البرامج والقنوات الدينية وهجر جليسات السوء هذا من ما يعين المسلم على الالتزام بالدين والثبات علية وبالنسبة لغلطك لا تفضحي نفسك ابدا لان الله لا يحب الجهر بالسوء ولا فضح الانسان لذنوبة ربنا قد ستر عليكم ولم تنفضحي ربنا يحفظك ويهديكي من تاب تاب الله علية يكفي تانيب ضميرك لغلطتك هذة من التوبة والعودة لربنا انتي ما شاء الله عليكي تبتي لربنا فلا تفضحي نفسك ابدا ربنا ستر عليكي والحمد لله عيشي حياتك من جديد ولا تتركي للشيطان مجال ليوسوسلكي ويياسك من رحمة الله انتي ان شاء الله على خير فقط ينقصك مجالسة للصالحات ليقوى ايمانك بالله تعالى
خليكوا مخطوبين عادي متفركشيش الخطوبة الناس بتغلط و لو بيحبك و باقي عليكي متصلحيش الغلط ب غلط و تسيبيه ،، لو انتي فعلا ندمانة كلمي ربنا! ادعي ربنا، و انتي ساجده و في اي وقت و لما ضميرك يأنبك،، ادعي ان هو يعينك علي عبادته،، ربنا في الاخر رحيم طالما حاسه بالذنب،، في الاخر ربنا ارحم علي العبد من امه!،،، المهم انتي اللي في إيدك مفتاح انك توقفي اي علاقة حرام بينك و بينه،، مع شوية تفاهم معاه انك مش قادرة تتخيلي نفسك بتعملي كدة من غير جواز انشاء الله الموضوع يقف،،،، لو لاقدر الله سابك عشان مش عايزة تلبي غرضه في الحرام،،، يبقى مكنش بيحبك و كان مستسهل مش اكتر ،، الحب رجوله في انه يلتزم بوجودك في حياته و خصوصا لو انتي رافضه حاجة اصلا حرام