انا فتاة ابلغ من العمر 16 سنة …متفوقة في دراستي و احب العلم …مسكلتي هي اني مس بعرف اكون اصدقاء خالص من زمان .. و نفسي يكون ليا أصدقاء لاني فعلا حكون سعيدة و حياتي حتبقى افضل بس كل سنة بفشل … انا سامعة انو المرحلة الثانوية احلى مراحل حياتنا و لازم نعيشها و بحاول اعيشها و استمتع بيها بس اللي مخلها انكد مرحلة هي الاصدقاء … ده كمان بيعاملوني وحش و بيبصولي بنظرات و كل ما انضم لجروب معين الاقي بنتين منهم بصوا لبعض كانهم بيقولوا لالا ليه جت يا خسارة … و كمان اساليبهم و نظراتهم ليا بتستفزني جدا و بحس اني كل ما اتكلم مع واحدة احسها مش عايزة تكلمني رغم اني ما فينيش عيب بتمتع بالجمال و المرح و الطيبة و حسن الاخلاق بس مش فاهمة هما بيعملو كدة ليه انا بطد حنجن انا مش وحشة علشان يعملوا فيا كدة و يرفضوني و عمري ما غلطط في واحدة فيهم …. انا كرهت حياتي و اتمنى الموت و بعيط كتير بسبب كدة و حاسة بخيبة امل من نفسي لاني ما اتحسنتش يعني في واحدة كانت زيي السمة اللي فاتت بس السنة دي بقى ليها صحاب كتير جدا و انا لسة زي ما انا .. عيطط كتير في المدرسة لاني فعلا كرهت حياتي و كرهت كل حاجة و ما بقتش اطيق حتى الروحة للمدرسة … و حياتي كلها دراسة انا نفسي العب و اعيش حياتي بس طول الوقت بكون بذاكر لاني مش لاقية حاجة تسليمب و تشغل تفكيري …. السنة الجاية ثانوية عامة و دي اخر سنة ليا علشان العب و اعيش حياتي و استمتع .. فاعمل اسه علشان اقدر اكسب اصدقاء و ابدا حياة يدة و اعيش حياتي لاني بجد مليت جدا من حياتي اللي كلها دراسة و نكد
شوفى انا معتقدش انى هقدر افيدك كتير بما انى مش بنت لكن انا اول سنة ليا فى الكلية السنة دى بئا محافظتى يعنى كان مطلوب منى اتعرف على صحاب جداد خالص دا غير السكن فى المدينة الجامعية مع 5 فى الاوضة والناس اللى فى الاوض اللى جنبنا .. بفضل الله الدفعة كلها وربع المدينة علاقتى كويسة بيهم .. واكتر خلاصة اقدر اطلع بيها من تجربتى .. انك عشان يبقى عندك علاقة قوية باصحابك لازم يبقى عندك 3 مقومات اساسية ( تتعاملى بكل لطف بذات فى بداية التعارف) والحاجة التانية ودى من اهم الحجات اللى اكتشفتها (اتعمالى مع البنت اللى لسا متعرفة عليها لاول مرة اكنك تعرفيها من 10 سنين) يعنى خدى راحتك خالص فى الكلام معاها متحسسيهاش انك مكسوفة تكلميها والكلام بيطلع منك بالعافية عشان كدا هتطفش وهتروح لحد بيتكلم معاها اكتر وبيهزر معاها وتحسسها انها اختها دا اللى لازم تعمليه .. والحاجة التالتة لو نجحتى فى النقطتين اللى فاتو ( لازم تلاقى موضوع مشترك بينكم تقضوا وأتكو فى الكلام عنو ) ودا مثلا بيكون زى الكلام عن الهوايات .. الرسم الموسيقى الرياضات بانواعها او حتى الدراسة ((اللى انتى متفوقة فيها وتقدرى تفتحى مجال واسع للكلام فيها )) وطبعا تاخدى بالك من الحجات البسيطة لما تلاقيها متدايقة متهزريش اكتر من اللازم اساليها مضايقة من ايه لو حسيت انها مش عايزة تجاوب متلحيش وكداوفى الاخر وصفة عملية (التزمى بصلوات السنة ) فى حديث قدسى عن النوافل ..قال صلى الله عليه وسلم :”ان الله اذا احب عبدًا نادى جبريل ..
فقال :اني قد احببت فلانًا فأحبه..
فيحبه جبريل..
ثم ينادي في اهل السماء:
أن الله يحب فلانًا فأحبوه … فيحبه اهل السماء…
قال:ثم تنزل له المحبه في اهل الارض ..