انا مهندس ميكانيكا و من الاوائل على دفعتى عندى 25 سنة شغال فى شركة من سنتين ونص مرتبى فى الشهر حوالى 5000 جنيه
المشكلة انى مش عارف اكمل باسلوب الحياة اللى انا عيشه انا عايز اسيب الشغل اللى انا فيه واروح مكان تانى بخبرة تانية واقابل ناس تانية انا حاسس ان انا اكتسبت كل الخبرة فى المكان ومعدش فيه اى جديد اللى انا فيه بس الناس كلها تقولى احمد ربنا اللى انت فيه كويس وفى ناس قاعده من غير شغل وخصوصا لما اكلم امى فى الموضوع ده يقلب بنكد لا شغلى الحالى قريب من البيت فهيبقى فى نوع من الاستقرار لما اتجوز وانا طبعا مش حاسس بكل ده علشان انا مش مرتبط. لان انا من المنصورة ومعظم زمايلى فى 6اكتوبر والعاشر والقاهرة وبياخدوا اقل من كده بكتير.
كل يوم شبه اللى قبله بالمللى مفيش اى تغيير لدرجة ان انا رحت اسال الريس بتاعى اذا كان الوضع ده مطول ولا ايه قالى قدامك 7 سنين عمال ما يحصل تغيير فى اللى انت بتعمله وان اى شغل فى العالم برضه كده بعد فترة بيقى كله روتين.واحن كنا زيك بس الحياة صعبة و هنعمل ايه بس كل اللى قاله بالنسبة ليا شوية مبررات حاطها لنفسه.
وفى ناس قالتلى ان انا طماع ومبحمدش ربنا على اللى عندى.
(مع العلم ان انا اخدت علاوة جدارة السنة دى وما حدش بياخدها غير عشرة على مستوى الشركة اللى كلها 5000 موظف)
انا مش عارف هو ده طمع ولا طموح ولا ايه بالضبط
هموم الشباب
قرارى بترك عملى طموح ولا طمع
اضيف بتاريخ: Saturday, May 25th, 2013 في 09:43
كلمات مشاكل وحلول: شاب, مشاكل الشباب
لأ دة مش طمع دة طموح جميل . لأن سنك صغير و من حقك تبنى مستقبلك طبعابالطريقة التى تحلو إليك و لكن ما يدرك كله لا يترك كله بمعنى إنك تبحث عن فرصة أفضل قبل ترك هذا العمل و دراسته من كل الإتجاهات ويمكنك رفع مستواك بأخذ كورسات وهذا سيكلف لذا فأنت تحتاج الى المرتب ليكون وسيله لتحقيق طموحاتك أو فتح ورشة أو مشروع للعمل بعد الظهر و أيام العطلات و فيها تحقق ذاتك وتكسر روتين اليوم و سيرفع من كفاءتك أيضا ولكن كل هذا يحتاج الى دعم مالى. فيكون عملك الآن وسيله لتحقيق ما تصبو اليه. هذا تصورى ولك الحق كل الحق فى الحلم و التطلع دون الوقوف على الوظيفة فقط. بل تثبت ذاتك وتحقق حلمك و مين عارف يمكن تكون مليونير فى يوم من الأيام صاحب شركات ليه لأ. سنك يسمحلك بده و مفيش حاجة بعيدة على ربنا.وربنا يوفقك يارب و يكتبلك الخير أينما كان
بص بيقولك ايه الرضا بالمقسوم عباده وبعدين اصلا الطموح مش عيب ده شي كويس جدا وبجد ربنا يحميك وتفضل طموح بس اقولك حاجه انت في شغلك بتعمل اللي عليك وزياده تمام مش ليك دخل انه روتين ومفيش تغير والمرتب حلو ولا هو عالي اوي يطمع الناس فيك او تستغله غلط ولا هو قليل انك متعرفش تفتح بيت بيهم كون انك تكتب المشكله انك عارف من جواك انك مش طماع انت طموح بس بلاش تغامر لتوقع فيه ملاااااااااااين غيرك يتمنوا يبقوا مكانك وانا لو مكانك وطموحه فعلا مش استسلم وقول بلاش يا طموح لا هحاول ادرس حاجه معينه هتعلم حاجات جديده بجانب شغلي همارس هواياتي وانجح فيها مهو مش كل حياتي هتبقي جد ولا تسليه لتضيغ الوقت الاعتدال حلو دي هيا مره بتتعاش وقرررررررب من ربنا اوي هتلاقي عنده الحل للحيره اللي انت فيها دي وبالتوفيق يارب
متزعلش مني
دا هبل
يعني ايه مرتبك عالي وكويس ونتا عارف ان زمايلك في الاماكن التانيه بياخدو اقل بكتير وعايذ تسيب المكان وتروح مكان انتا مش عارف وضعك فيه هيكون ايه
ياخي احمد ربك علي نعمتو عليك ولو اتبترت والله مهتلحق ده وةلا ده وهتعمل زي اللي رقصو علي السلم لللي تحت سمعوهم ولا اللي فوق شافوهم بص حالك انك تدور علي بنت الحلال الشعور اللي انتا فيه ده علشان مش مرتبط
ربنا يصلح حالك