لو سمحتم ياجماعه انا ماليش حد في الدنيا . انا شاب عندي 18 سنه خلصت 3 ثانوي . اهلي بيكرهوني او يمكن متجاهللني في كل حاجه . انا من 3 اعدادي بصرف علي نفسي . بيحبوا اخواتي وبيجيبولهم كل حاجه وانا ولا اكني ابنهم . مثلا عاوز لبس يحاسبوني عليه . مش بيرضوا اخد منهم فلوس نهائي . حبيت واحده وساكنه في مكان بعيد عني . كنا بنتكلم علي النت والموبايل (اعرفها) . عوضتني عنهم بس برده مش حاسس بحنان الام والاب . كل ماشوف ام بتعامل عيالها حلو بزعل اوي علي نفسي . بس انا معملتش اي حاجه تزعلهم ، ياريت تقولولي حل .
هموم الشباب
ماليش حد في الدنيا واهلي بيكرهوني
اضيف بتاريخ: Friday, August 8th, 2014 في 07:29
كلمات مشاكل وحلول: النت, شاب, مشاكل, مشاكل عائلية
مافيش اهل مايحبو ابناؤهم شيل الاوهام والافكارالسوده من دماغك قديكون فيه تفضيل وتمييز احدالابناءوالبنات على الابناءالاخرين خليك قريب من اهلك وشاركهم الحياة بكل اوجاعهاوافراحها وبلاش الافكارديه لانهامن عمل الشيطان وتقرب منهم باخلاقك الرفيعةوبالادب والاحترام لهم وخصوصا الاب والام وتفوقك في الدراسة ونجاحك هواللي يخليهم يحبوك ويحترموك وماتفعل الحرام وتتكلم مع البنات نهايا حتى لاتسي لنفسك ولاهلك وبالصبروالتحمل والتحلي بالصفات الحميدة تنال رضا الله ورضاكل الناس عنك وربي يوفقك ويسعدك
ااااااااااااااه قلبت عليا المواجع بس حط ببالك انه في ناس تعاني اكثر منك مثلا انا مش حارميني من مضروف او لبس مثلا انا حارميني من الاكل و الشرب ههههههههههههه ومطرودة من البيت و اكلة كل انواع الضرب والشتم و و و و و و يعني يلي يشوف بلوة غيره ينسى بلوته بس لازم تنسى موضوع العاطفة صحيح شي يزعل ويبكي واكيد رحيخليك تكون حساس زيادة وان كل شي يفكرك بقسوة اهلك كمان بس لازم تثبت وجودك ورغم كل هاد فيك تعاقبهم بشي واحد وهو انك تخليهم يكونو فخورين فيك رغم كل هاد ولو درست كويس ووصلت لشي مهم منها تكون سعيد بحياتك انك صرت مسؤول عن نفسك وفي نفس الوقت تعاقبهم بطريقة رح تخليهم نادمين ع الشي يلي عملوه فيك وادعي وانت مش لوحدك الله معنا في كل مكان
بص مشكلة مجتمع انه يوجد فيه تفضيل أبناء عن بعض يعنى تفضيل اهلك اخواتك عنك لأنهم شايفين انهم احسين منك فى حاجات او انهم شايفين انك عالة عليهم وكده وكويس انك بتعتمد على نفسك انت كده راجل وحل انك تعيش حياتك عادى جدا ولا تهتم بالى انت فيه عايش برنس حتكسب وحياة حتكون اشطة مفيهاش حاجة
وبنسبة لبنت الى انت بتكلمها على نت وموبيل بصراحة انا مش عارف اقولك ايه البنت دى لو محترمة على اقل حتكلمك على نت فيس وكده ولما يكون فى بنكم سكة حت وارتباط حتطلب منك انك تقدم ليها ويبقى حوار ماشى بشكل شرعى جدا ويبقى انت خطيت اول خطوة فى حياتك لتخلص من همك ده اما انها تكلمك على نت وموبيل فدى اكيد سكتها شمال وعايزة تستغل وضعك وتتسلى بيك ومش غريب تكون بنت عندها شهوة عالية فتوقعك فى حرام فخلى بالك
وانا كنت زيك كده كلمت بنات كتيير ومرة واحدة اكبر منى بكتيير طلبت رقم موبيلى بس انا رفضت بشكل كويس وفهمتها سبب وكده
واحب اقولك ان حب نت كمان مش مضمون علشان معظم بنات نت عايزة صداقة وحب تسلية مش حب بجد
وانا مريت بكلام ده مع بنت قالت انها بتحبنى فى منتدى وفى نهاية طلعت بتتسلى واتغيرت فى كلامها رغم انها محتافظة بكلمات حب واختفت بعد ما حاولت اخلى موضوع جاد علشان مبقاش ظالمها وكده
فنصيحة منى ليك يا تبعد عن البنت دى لو معترفتش ليها بحبك بشكل شيك بس اتأكد انها مش كويسة علشان كمان لو طلعت بتحبك ورخصت نفسها عشانك فأنت ممكن تحاسب على كلامك معاها فلازم تتأكد من انها بتحبك ولا لا لأنك حتطر انك تفكر فى نفسك وفيها وتمشى فى سكة صح ولو انت اعترفت ليها بحبك وطلعت بتحبك يبقى لازم تخش فى سكة رسمي علشان متبقاش علاقتك ماشية فى سكة غلط وتدخلوا فى سكة حرام وانك ممكن تضعف قدامها لو قابلتها بسبب ان وضعك صعب بسبب عدم شعورك بوجود حنان الى انت بدور عليه فى بنت دى
وحب عمتا تلاقيه فى علاقات فيس تو فيس احسن من نت يمكن فى كليتك حتلاقى بنت تستاهل اكتر منها ويمكن تقابل فى نادى او اهلك يجبولك واحدة تستاهل متعرفشى انت ربنا مخبى ليك ايه
وربنا يرزقك ببنت حلال الى تصونك وتشيل عنك همك
والله حاسس بيك ونصيحتي ليك من القلب
خش احسن كلية قدامك وشوف يمكن تلاقي بنت احسن من الي بتكلمها وتخطبها بعدين… ﻷن العلاقات الي بتتبني من ع النت و الموبايل فاشلة…. خلي علاقاتك دايما face to face
وان شاء الله ربنا يرزقك بنت الحلال الي تبقى معاك على طول وتخطبها وبعد ما تتخرج وتشتغل تتجوزها وصدقني الي حياته بتبدأ قاسية وبيصرف على نفسه من صغره هيرتاح وربنا هيعوضه لما يكبر…بالعكس دا انت كده راجل بجد… وربنا يهدي اهلك ويحنن قلبهم عليك
بس برضو اياك تفكر تبعد عنهم او تعيش من غيرهم…. ممكن الشيطان يوسوسلك من الناحية ده ويخليك تنحرف وتعيش اسوأ عيشة
خليك مع ربنا دايما وحافظ على الصلاة اهم حاجه….. وابعد عن اصحاب السوء وميضحكوش عليك
انت ممكن يبقى ملكش حد من البشر…. بس انت ليك ربنا…. ربنا معاك وبيبتليك وبيختبرك وعايز يشوفك انت هتصبر ولا لا
سبدنا أيوب عليه السلام مات كل اهله ومرض بأسوأ الأمراض لدرجة لحمه كان بيقع من جسمة وصبر سنوات طويلة وربنا جازاه خير الجزاء ورزقةه الزوجة واﻷولاد والقﻻايب