انا عندما انام وفى اثناء نومى لفتره قصيره جدا ينتابني شعور بان شخص يمسك جسدى بقوة ولا يريد تركى ابدا واحاول ان اقرا قران ولكن لا اعرف حتى ان اقرا القران بقراه بعقلي واحس مع بداية قرائتى للقران بان ذلك الشئ يبدى بالفك من جسدى واحده واحده ولكن بعد ما اصحى من النوم احس ان جسمى وجعنى ولا اتمالك نفسي واحساس بالخوف الشديد ينتابنى ولازم اشغل القران بجانبي الى ان ارجع لحالتى مره اخرى اريد ان اعرف ما الحل وما هى وفى اوقات اخرى احس ان ذلك الشئ برغم انى بكون نايمه على السرير لكنى احس ان السرير ينزل بي على مكان ما او الى حفره عميقة جدا وانى سوف اقع من عليه
مشاكل البنات النفسية
شعور غريب ينتابني خلال نومي
اضيف بتاريخ: Sunday, February 19th, 2012 في 21:15
كلمات مشاكل وحلول: زواج, مشاكل البنات
أنا بيحصل معايا الموضوع دا من سنة بالظبط في الوقت دا بدء أثناء ما كنت مهتمة بموضوع الجن وكنت ببحث عنه كتير جدا
وبعدين أنا آتعودت والموضوع انتهي بس دلوقتي الموضوع إتكرر أسوأ من الأول وبحس بتحرش وبصحي مفجوعة من النوم
وساعات بحس بالضرب…..
..
هذا طبيعي يحصل لكل الناس هذا الجاثوم حتى انا يجيني
يااختي الفاضلة الحالة اللي تعاني منها هي بسبب بعدك من الله عزوجل وتقصيرك في امور العبادات من الصلاة والصيام والاستغفار والاذكار ارجعي لربك وتوبي اليه من الذنوب والمعاصي واكثري من المحاافظة على صلاتك في اوقاتها وقراءة القران باستمرار والصوم والاستغفار وسوف يزول عنك ماانت فيه وتبفى في احسن حال ان شاء الله تعالى
بصى انا هقولك الحل والحل ده قالو رسول الله صلى الله عليه وسلم
واحد من الصحابه حلم ان الشيطان جالو فى المنام فا قال لو لو عاوز تخلص منى قول ايه الكرسى
فا حكى على رسول الله صلى الله عليه وسلم فقال له كذب وهى صدوق يعنى بمعنى انك قبل ما تنامى تقولى ايه الكرسى وبعدين تمسجى على المخده بكف ايدك
ولو عاوزه تاكدى ان لن يصيبك اى ضرر فى اليوم كاو ده هيكلفك 5 دقائق
تقولى صوره الاخلااص قل هو الله احد
المعوذتين كل حاجه فيهم 3 مرات واول ما تنامى واول ما تصحى وصدقنى اهى دقنى لو حسيتى بيه اى حاجه الا انك هتنامى وانتى مرتاحه
وممكن تقولى كمان الفتحه لان ليها سر عظيم هى و المعوذتين والاخلااص و الكرسى يبقى انتى كده حميتى نفسك من الجن ومن الحسد ومن اى شئ
واتعلمى وانتى خارجه من البيت تقولى اللهم استودعتك نفسى وقبل ما تنامى كده يبقى انتى امانه فى ايد الله
حبيبتى ده طبيعى جدااا وبيجى لناس كتير وخصوصافترة الثانوى اوفترات الضغط وهو عباره عن احساس ان حد ضاغط على جسمك ولوحاولتى تتحركى بيزود ولو حتى حاولتى تقرى قراءن لسانك تقيل وبتتمنى حد يجى يصحكى ومش قادره تنادى على حد بس اول ماحد يلمس جسمك تفوقى فى ثانيه وبتحصلى ومع بنت صاحبتى وممكن يكون حد فى السرير اللى جمبك بس مش حاسس بيكى الا لوبداءتى تتمتمى ومن كتر مااخدت على الموضوع ده بقيت اول مااسمع صوتها ادخل بس امسك ايديها بتصحا فى ناس بتسميه الكابوس وناس بتسميهالقهار واختلفت الاسامى بس المهم ان ده مش حاجه وحشه ومنتشره وبتروح لوحدها لانهااصلا سببهاضغط نفسي الدكتور قالى كده وبطلت تيجى ساعات بتيجى كل فتره وبقدر عليه لمابتمتم قران او لومقدرتش اقراء بستسلم ومحاولش اقاومه بالقيه بداء يفك براحه بس اوعى يضحك عليكى وتتحركى فى وقتها لان هتلقيه كبس عليكى مره وحده سيبيه يبعد لوحده ولو بيجيلك كتير ومش قادره تابعى مع دكتور نفسي بس متقلقيش ده مش جن ولا انتى فيكى حاجه ولا حتى حاله نفسيه ده زى كابوس
لا يمكن للعلم و الخرافه أن يجتمعا فى مكان واحد
عموما أنت تمرين بمرحله بها إرهاق ذهنى بعض الشىء
حاولى أن تصفى ذهنك قبل النوم و ذلك بعدم مشاهده التليفزيون حيث كثره الألوان و تحركها أو قراءه شىء دسم أو حتى الإحتدام فى النقاش … إكتفى بحمام دافىء مع عدم الأكل بتاتا بعد السابعه مساء سوى كوب زبادى و آداء بعض تماريه الخفيفه .. و لو أحببت قراءه آيه أو إثنتان و البدء بحلم يقظه لمشهد تحبينه أن يكون فيه ترويح لنفسك … سيكون إستيقاظك ثانى يوم على أكمل ما يكون إن شاء الله … و نصيحه من أخت .. إبتعدى عن الخرافات على قدر ماتستطيعى
لا حول ولا قوه الا بالله ياريت تقري ايه الكرسي
التزمى بقراءه القراءن فهو خير شااااااااااااافي
بسم الله الرحمن الرحيم وبه نستعين والصلاة والسلام على أشرف المرسلين سيدنا محمد صل الله عليه وسلم مشكلتك دي أنا واجهتها قبل كده مع بنات كتير وده أذى من الجن وده بيحصل لما أنت بتوقفى عريانة أمام المرأة وتبصى لجسمك أو بتكونى عريانة أغلب الوقت فى البيت لان أحنا مش عايشين لوحدنا فى الدنيا دى فى جن بيسكن البيوت معانا منهم الصالح ومنهم الغير صالح . حافظى على قرأة دعاء النظر فى المرآة ودعاء دخول الحمام ودعاء تغيير الملابس أنصحك بكتاب حصن المسلم في كل الأدعية فى كل المواضع وكمان أذكار الصباح والمساء والمحافظة على الصلاة فى وقتها وقراءة القرأن كل يوم والاستغفار والتسبيح (وسبح بحمد ربك قبل طلوع الشمس وقبل الغروب) ولو أمكن قيام الليل من أفضل العبادات أستعيني بالله وربنا يحفظك .
ع فكره انا كان بيحصلى كده كتييير اوى بس الحمد لله الشيخ قالى اقرا الكرسى والمعوذتين والاخلاص واذكار الصباح والمساء وطبعا واظبت ع الصلاه والحمد لله خفيت وكانت حالتى النفسيه وحشه وبفضل الله اتحسنت وبقيت احسن من الاول خليكى مع ربنا وهو اللى هيشفيكى وحطى ثقتك فى الله ويارب اشفى كل بنات المسلمين
اخواتى : الحل الوحيد هوا الاستعانه بشيخ بالقرآن والاعشاب الطبيعيه فقط
وسوف يقول لكم الحل بأذن الله فأعلم ناس كثيره حدث لها مثل ذلك وشفيت بأمر الله بالقرآن بقراءه آيات معينه وسور معينه
شفاكم الله وعافاكم
السلام عليكم ورحمه الله وبركاته انا بيحصل معى كدة واكثر والحمدلله احسبنى عند الله كذلك ملتزمه بصلاة رغم عدم قدرة على اكلمها بسبب تعب وتشنجات واشعر بشخص مع معى وفى احلامى وعند صحو ان احد يلمسنى و فى الاحلام بدافع عن نفسي ممر وتكرار وقرات كتيرا الرقيه الشرعيه وبدات اتماثل الشفاء وللاسف رجع بشكل اقوى وللاسف انه يتمثل فى شخص واحد وكل ما ارتبط بانسان يذهب عنى وما ادرى ماذا افعل وخصوصا ان شخص الذى يرودنى فى الاحلام هو نفس الشخص الذى يرودنى فى حقيقه ونفس ما اشعر بيه فى حلمى يقوله لى بعدها فى حقيقه وما ادى هل هو الذى سو لى سحر ولا ماذا ارجوكم الافادة
الحل , آيه الكرسى قبل النوم مباشره و الاستغفار (مجربه)
و كمان المعوزتين يبقى كده تمام و نوم هنئ بإزن الله
والله نفس الي بيحصلي و انا فعلا مش محافظه علا صلاتي يا رب يهديني ومبصوطه بجد اني لقيت لحل تسلمو كلكم علا الرد
قد يكون الرد متاخر قليلا ولكني ساعطيك الجواب الشافي باذن الله ان الحالة التي بك هي لانك لا تصلين فبهذه الحالة فان قرينك (القرين) يتقوى عليكي ويؤذيكي فلكل انسان قرين كما تعرفين ولا داعي لان نبحر كثيرا في الاسباب ولكننا علينا بالحلول
اولا ابحثي في النت عن الرقية الشرعية الصحيحة او من اي كتاب
ثانيا سورة البقرة يجب ان تقرا كل ثلاثة ايام
وكل يوم صباحا ومساء وقبل النوم الاذكار الصباح ولمساء و
وهسي سورة الفاتحه مرة واحدة والاخلاص والفلق والناس ثلاث مرات واية الكرسي مرة وخواتيم سورة البقرة مرة
كلهم في هذه الاوقات الثلاث
الصلاة الصلاة فاذا ضيعتيها ضعتي
ادعي الله سبحانه وتعالى ان يصرف عنك اي مس او سحر او حسد اوعين
اذا لم تلتزمي مع الله فلن يذهب عنك هذا القرين
في بداية التزامك سيعاودك هذا الشعور لان القرين رافض للدين ولكن ان قويتي بالله فسيسلم معك وتنتصرين عليه
اتمنى لك العافية
الحمد لله على كل شئ
اولا الى هيضيع الخوف وكل حاجه قلقانه منها انك تكونى مع ربنا تصورى ان وكيلك وحسبك رب العالمين فمفيش حاجه ابدا تقدر تزعجك وافتكرى لما سيدنا موسى كان البحر وراه ومكنش فى حل قال ان معى ربى سيهدين فلو معاكى ربنا قولى كده بكل ثقة
ثانيا اهتمى باكلك كويس وغذاكى
ثالثا غيرى مكان ما بتنامى واقرئى سورة البقرة فى البيت وقبل ما تنامى اقرأى قران وقولى اذكار النوم ابحثى عنها فى اي كتاب
رابعا لازم تخرجى الموضوع من دماغك عشان ممكن يكون احساس نفسي وابعدى عن الاكتئاب ولازم لازم تشوفى صحبة خير هتغيرلك حياتك للاحسن
وتقلقيش ربنا بيحبك قولى الحمد لله
عليكى بقراءه ايه الكرسى بإستمرار و المعوزتين .
و لو استمر الاحساس ده , هتكون حاجه نفسيه يمكن .
صاحبة المشكلة : اشكركم اصدقائي على ردودكم وساعمل بنصيحتكم جميعا لاني فعلا بعيده عن ربنا ومش بصلى ولكن انا قبل لما بنام لازم اقرا قران وبشغل الموبيل جانبي بالقران بس انا عايزه اقولكم حاجه انا احساس الخوف ملزمني باستمرار مش عارفه ليه الخوف من اى شي ايا كان حتى لو من اى شئ بسيط بس هحاول اعمل اللى قلتولى عليه مع الشكر
اتوفع اذيه من الجن انصحك بقراءه بالمحافظه على الصلاة بوقتها وتقرى اذكار الصباح والمساء وتلازمي عليها والله يحفظك
يابنتي ولا جن ولا شيطان هم الحريم اصلان شيطين داحنا نلبس الجن مش الجن يلبسنه صلي علي النبي المهم ده مش جن ولا اي شي بس ده عبط في النوم يمكن انتي مش نايمه كويس ولم بتقولي بحس اني السرير نازل حفره غويضه فا دي مش حفره لا دانتي بتحلمي ويبق اتغطي كويس والنبي كلامكم هايف
السلام عليكم أنا فتاه عندى 25 والحمد لله لسه متزوجه من كام شهر بس أنا كمان بحس بدا وعلى فترات متقاربه جدا يمكن اخر مره حصلى دا كان النهارده أنا الحمد لله مواظبه على الصلاه وبقرأ قرءان باستمرار وعاوزا اقولك انى لما بيحصلى كدا كنت بخاف فى الأول لكن دلوقتى عادى اتعودت أنا قبل كدا شيخ قرأ الرقيه الشرعيه عليا وقالى انتى محسوده بس , وياريت تقرائى الأيه 115 من سوره المؤمنون مع الأذكار وان شاء الله ربنا هيحفظك .
يا اختى العزيزه اللى عندك هوحاله عشق من الجن انصحك اذهبى الى احد المشايخ المحترمين وهم قلائل واللى يقولك ان الجن دا هبل او غيره اعلمى ان النبى صلى الله عليه وسلم وهو اعظم الخلق واقواهم ايمان سحر وهذا معروف والله يرعاكى
على فكره الى عندك دا مش سحر ولا عمل ولا اي حاجه من الكلام الفارغ دا
دا مرض إسمه “شلل النوم” أو “الجاثوم” و بالإنجليزى Incubus
و دى حاله بسيطه جدا سببها أن الإنسان بيستيقظ قبل ما المخدر الى الجسم بيفرزه عشان الإنسان ميتحركش و هو نايم و بيحلم ينتهى مفعوله
ماتقلقيش …دى حاله بسيطه اوى و حلصلت لناس كتير ..و على حد علمى بتروح لوحدها
يا اختى اطمنى
مفيش جن ولا مس ولا حاجة باذن الله, الموضوع كله عبارة عن حالة طبية بتحصل لناس كتير معروفة طبيا باسم الجاثوم او شلل النوم
الحالة دى بتصيب الانسان لمدة دقائق معدودة او حتى ثوانى, وبيحس فيها انه متكتف ومش قادر يتحرك وممكن يصاحبه بعض الهلاوس, وممكن ان المريض يحاول يبكى او يطلب نجدة بس مش قادر, لانه بيكون فى احد مراحل النوم اللى بتتكون عضلات الجسم كلها متوقفة فيها عدا عضلات حركة العينين والحجاب الحاجز, وده من رحمة ربنا بينا عشان المخ يقدر يحلم باللى هو عايزه من غير ما الجسم يتحرك ويطاوعه.
عشان مطولش عليكى, الحالة دى لا تعتبر مرض ولا حاجة ومفيش منها قلق ان شاء الله, والعلاج منها بيكون عن طريق:
1-محاولة الحصول على قدر كافى من النوم
2- تقليل الضغوط النفسية والتوتر اللى بتتعرضيلهم على مدار اليوم
3-حاولى تمارسى رياضة عشان تخرجى الطاقة السلبية اللى جواكى, بس قبل النوم بفترة كافية(اقل تقدير اربع ساعات)
4-خلى مواعيد نومك واستيقاظك منتظمة وثابتة
ولو حصل لا قدر الله والحالة اتكررت معاكى تانى, ابداى حركى عينيكى من جهة للاخرى او عضلات وجهك, وده باذن الله كفيل انه ينهى الحالة دى بسرعة
السلام عليكم
اختي في الله
انا لسه شيخ ولا طبيب بس عندي اجابه سوالك وهقلك جوبت ليه وايه دليل
حضرتك عندك لبس من الجن (( مس او سحر )) وتصنيف حالتك (( حاله عشقك )) بمعنا ان في جني ساكن جسدك واما تنامي ينام معاكي ومعظم الاحيان يعاملك معاملت الزوجه (( يعاشرك يعني معاشرت الازواج ))ولذم تروحي لشيخ بس يكون بيعالج بالقران واسرعي
علي فكره انا قلتلك كده علشان انا مطلع شويه علي علوم الجن وكده والسبب وراثي علشان الوالد كان معالج بالقراءن والرقيه الشرعيه وبطل لظروفه الصحيه الشديده
انا بقولك كده واجري علي الله
وربنا وحده هوا الشافي ومتقلقيش ولا تخافي من اللي قريتيه مني واللي هتكتشفي حقيقتو اما تروحي لشيخ ويقلك نفس الكلام
ياما ناس كانو كده زيك والحمد لله بالصلاه والقران خفو وبقيو تمام
وربنا يكرمك بالشفاء
ارجو من حظرتك المتابعه في الصفحه دي علشان اعرف اخبارك ايه ونا كل يوم هفتحها علشان اتابع حضرتك
انا مره وانا صغيره حسيت بحد نايم وراياوبيحك في المخده وبقيت خايفه الف جسمي لحد ماصرخت وماما دخلت عليا الاوضه فكرت في حرامى حكيت لماما وقالتلي مفيش حاجه ده خوف وبتاع
حصلي من فتره لما بدخل في النوم كانى بسمع صوت حد بيصوت فودانى وبقوم مخضوضه ..ومره حسيت بحد بيخبط على ايدي كانه بيصحيني من النوم والله فكرته اختى بس فتحت عيني لقيت الدنيا ضلمه واختى مش موجوده على سريرها اصلا ..
بس بطلت احكي الصراحه
المهم انك قبل ماتنامى قولي اذكار النوم
ونزلى قران على جوالك وشغليه وحطيه على سريرك قبل ماتنامى
وحاولى انه يكون شغال باستمرار فاوضتك
وبعد ماتخلصي الاذكار افضلي سبحي وكبري لحد ماتدخلى في النوم مش تسكتي
وحافظي على صلاتك وادعى في السجود كتييير
وباذن الله مفيش حاجه ومش هيتكرر معاكى تانى يارب
وادعيلي انا كمان وربنا كبير
انا كان عندي واحده صحبتي كدا كانت دايما بتحس ان فيه شخص بيهجم عليها وهي نايمه بس هي مكنتش بتصلي ولما اتجهت لربنا انتهي الموضوع
انصحكى اختى العزيزه بالتالى
– الإندماج مع الصحبة الصالحة
– . تنمية الجانب الثقافي و الفكري من خلال القراءة اليومية و الإطلاع .
– شغل أوقات الفراغ بكل ما هو نافع و مفيد . – ممارسة الهوايات و تنمية المهارات المختلفة – . ممارسة
الرياضة اليومية و صرف الطاقة في ممارستها . – تكوين العلاقات الإجتماعية مع الآخرين و التواصل
معهم . – حضور الدروس و المحاضرات العامة و حلق العلم – . الإشتراك في حلقات تحفيظ القرآن الكريم
بالمساجد . – ممارسة الدعوة إلى الله الممارسة العملية اليومية .
و تذكر دائما قول الله عز و جل
:
( قل يا عبادي الذين أسرفوا على أنفسهم ، لا تقنطوا من رحمة الله ،
إن الله يغفر الذنوب جميعا ).
اذهبي الي شيخ للعلاج بالقرآن
اختي العزيزه\عليكي بقرأة القرأن كثيرا ولما تيجي تنام تكوني علي طهاره
واستري نفسك وانتي نائمه
وشغلي اذاعة القرأن جنبك وانتى نايمه
وشكرا
دة اسمة كابوس بعانى من من سنين لدرجة اننا بقينا اصحاب….:) اقرأى قران قبل النوم ويفضل تتوضى كمان وعلى فكرة هى بتيجى فى اوقات معينة ياعنى لما اسهر جامد وعندة ارق او اكون لوحدى وكدة ياعنى
انا عايزة اسالك سؤال مهم انتى بتصلى ولا لا لو مش بتصلى صلى الصلاة تحفظ الانسان من اى شر واقراى قران قبل ما تنامى ايه الكرسى وسورة الاخلاص والفلق والناس 3 مرات وادعى وقولى اللهم انى اعوذ بكلمات الله التامات من شر ما خلق وقربى من ربنا لان الشيطان بتملك منك وبيبعدك عن ربنا فكونى وليه من اولياء الله ولا تكونى وليه من اولياء الشيطان اللى بيحصلك دا كان بيحصلى وكنت بحس انى متكتفة ف السرير ومش قادرة اقرا قران صلى اليوم كله فى مواعدها وقرائى السور اللى انا قولتهالك دى اول ما تصحى من النوم وقبل ما تنامى وانتى ان شاء الله هتنامى ف رعاية الله ومش هتخافى او تحسى باى حاجة ابدا ياريت تخدى بنصحتى انا زى اختك وصدقينى ان شاء الله هتكونى كويسة باذن الله
لازملك رقية شرعية ممكن يكون بك مس من الجن سارعي ولا تتركي نفسك هكذا
أنا لا أومن بتأثير الجن المباشر على البشر كما قال الكثير من العلماء..
وذات يوم وأنا نائم في الظلام قلت لنفسي أنني لست خائفا والجن لا يستطيع أن يقترب مني أو يمسني
وفي نفس اللحظة أحسست بتنميل كامل في جسدي ولا أستطيع الحراك وأتنفس بصعوبة بالغة
فقلت أن الجن قد دخل جسدي!!
وخلال دقيقة عصيبة انتهت الأزمة وعدّت كما كنتُ، وقلت لنفسي أنه كان إحساس كاذب لا محالة، ومن يومها لم يحدث لي أي شيء ولا أخشى الجن ولا أفكر فيه مطلقا..
أنا قصصت حكايتي لأبين لكِ أن الحالة النفسية لها علاقة كبيرة بحركة الجسم والشعور والإحساس..
وكما يقولون (اللي بيخاف من العفريت يطلعله)
أقصد أنه سيراه في خياله وسيظنه حقيقة
مثل أيضا ظاهرة شلل النوم (الجاثوم)
فلا تقلقي من شيء واعلمي أن الله لم يترك للجن أي سلطة على البشر
حيث قال: إِنَّ عِبَادِي لَيْسَ لَكَ عَلَيْهِمْ سُلْطَانٌ إِلاَّ مَنِ اتَّبَعَكَ مِنَ الْغَاوِينَ [الحجر : 42]
وقال أيضا:
إِنَّ عِبَادِي لَيْسَ لَكَ عَلَيْهِمْ سُلْطَانٌ وَكَفَى بِرَبِّكَ وَكِيلاً [الإسراء : 65]
ختاما أرى الأمر نفسيا من الدرجة الأولى وإن استمرت الحالة بلا تحسن أنصحك بالذهاب لطبيب نفسي فهو أدرى بالأمر وسيعطيك أدوية مهدئة تكفي لعلاجك..
أرجو لك التعافي والشفاء..
حبيبتى انصحك بقراءه القران دائما لان ده والعياذ بالله حاجه زى المس وحلها الوحيد الرؤيه الشرعيه اقرئيهاديماعلى نفسك وشغلى القران علطول فى البيت حصلتى مره واحده لكن ديما اقرا القران والحمد لله جيبى الرؤيا الشرعيه واقرئيهاعلى نفسك ديما وخصوصا ايه الكرسى وشغلى صوره البقره ديما وانصحك لاتغنى فى الحمام ولاتكبى ميه سخنه قبل ماتسمى ولا تعلى وتصرخى ديما ولماتيجى تغيرى هدومك او تقلعى تسمى الله وشيلى الموضوع من دماغك عشان ماتزيدش الحاله عندك شفاكى الله وعفاكى وايانا