مشاكل التعليم الجامعي

8 سنين في الكلية ولسه ماتخرجتش

اسف بجد انى هطول ومش عارف ابتدى منين انا كنت من اذكى الطلاب فى مدرستى متفوق طول عمرى فى جميع المواد وفى جميع الالعاب حتى وفى جميع الرياضات اتكلم الانجليزية والفرنسية بطلاقة من ونا صغير عندى مشكلة مع الارقام اكرهها لدرجة انى مستعد اقابل الموت ومقابلش مسالة فيها ارقام بس كانت بتعدى الدنيا وبتمشى للاسف دخلت كلية تجارة جامعة القاهرة انا بقالى 8 سنين وسة فى سنة تالتة تعبت كرهت الكلية جربت احضر كل المحاضرات وكل السكاشن جربت ازاكر من الكتاب ومن المحاضرات ومن الدرووس والسكاشن جربت معملش حاجة خالص وفى الاخر مبنجحش مش بعرف احل بزاكر حجات بكرهها بجد مستقبلى بيضيع بقا عندى 25 سنة ومعملتش حاجة معيش شهادة اشتغل بيها عدل مش عارف اعمل اى صليت كتير استخارة عشان احول من الكلية وكل مرة يحصل حاجة توقف الموضوع وكان الخير فى الكلية لكن اللى بشوفو منتهى الشر مبقتش فاهم حاجة كل اللى حواليا اصغر منى وبيعدونى وبيتخرجو انا دلقوتى كرهت الكلية دة انا حتى كل اما اتعرف على حد بيسبقنى فى التعليم وبيتخرج ومش بعرف اشوفو تانى اقسم باللة لو تعرفو انى بكتب الموضوع بدموعى مهتصدقو بس انا قررت انى احول معهد مناظر للكلية وخاص اهو اروح من سنة تالتة ولا حاجة انا بقالى 3 سنين فى تالتة والرابعة جاية لانى شلت 3 مواد ترم اول يمكن عارف ان مفيش حل بس كنت محتاج حد يسمعنى يمكن عندى عقدة من الارقام بس الموضوع اتقلب دلوتى ان الكلية جابتلى حالة نفسية سيئة جدا واثرت على شكلى ووزنى واثرت فى اخلاقى واثرت فى كل شى انا بقيت من اكبر المتشائمين فى العالم بسبها عارف انى طولت بس بجد كنت محتاج حد يسمعنى

مشاكل وحلول ذات صلة

اضيف بتاريخ: Wednesday, March 18th, 2020 في 23:33

كلمات مشاكل وحلول: , , , ,

3 رد to “8 سنين في الكلية ولسه ماتخرجتش”

  1. الحمد لله
    05/06/2020 at 05:35

    عليك التقرب إلي الله وأكثر من الدعاء لا يهم السن المهم هو أن تجد نفسك حتي ان حولت كلية اخري

  2. ابواميرة
    08/04/2020 at 20:00

    انت بكدا تضيع عمرك على الفاضي يابن الناس لازم تقرر انت عاوز ايه حرام يضيع من عمرك تلك السنين وانت بالشكل دا اللي زيك قدهم متخرجين من كلياتهم ومتوظفين ويشتغلوا ومتزوجين ومسوولين عن زوجاتهم واولادهم لاتزعل مني دي الحقيقة فلابد ان تعرف انك ماوفقت في دراستك الجامعية وتكتفي بكدا وتترك الكلية وتبدا في البحث لك عن عمل يساعدك على تاهيل نفسك وربنا سوف يؤفقك ان شاء الله في ناس كثير تعرضوا للشئ اللي حدث معاك ولكنهم لم يتاثروا او يياسوا ابدا اعتمدوا على انفسهم واشتغلوا وصاروا في احسن حال افضل من غيرهم من اللي عندهم شهادات

  3. wj127
    22/03/2020 at 20:40

    هذه المشكلة حدثت مع ناس كثيرين غيرك ، في مرحلة من عمره تتغير احواله فجأة ،لا تعرف الاسباب ،قد يكون محسود او تعرض لاي امراض تؤثر على نشاطه او قد يكون هو حاسد ومتكبر وحرم الخير بسوء عمله ،

اترك رداً أو حلاً لهذه المشكلة