مشاكل التعليم الجامعي

اهلي و رفضهم دراستي بجامعة الملك عبد العزيز

السلام عليكم , انا ساكنة بجدة في السعودية و احنا ببنقل لابها لاسباب خاصة و انا ان شاء الله بدخل الجامعة قريب , مشكلتي اني قلت لاهلي اني ابغى ادرس بجامعة الملك عبد العزيز لاني ما ابغى ادرس بجامعة الملك خالد رفضوا الشيء ذا لاني بكون بعيدة عنهم و قالوا ما يصير تبعدين عننا والسبب اني ابغى اكمل دراستي بجدة لاسباب خاصة
المهم ساعدوني كيف اقنع اهلي بليز

مشاكل وحلول ذات صلة

اضيف بتاريخ: Monday, February 20th, 2017 في 04:06

كلمات مشاكل وحلول: , , ,

4 رد to “اهلي و رفضهم دراستي بجامعة الملك عبد العزيز”

  1. ابوالبتول
    04/08/2017 at 15:01

    ابغاك تعرفين حقيقة الدراسة في جامعة الملك عبد العزيز بجدة ومايحصل بها اغلب البنات فيها فاسدات اخلاقيا وبلا تربية تجدي الواحدة منهن معها شلة من الرفيقات من البنات يمارسن تصرفات سوا داخل الجامعة اوخارجها من لباس ضيق ومكياج وعطر وعبابات مطرزة وعلاقات غير اخلاقية فيمابينهن والبعض منهن تكون خارج الجامعة وتنتظر الباص لنقل الطالبات تجديها تتكلم في جوالها وتضحك وتتمايل امام الناس في الشارع واذا لقت احد الشباب بسيارته ويناظر لها جريت على السيارة وطلعت معه وكثير من هالحالات والمناظر تحصل يوميا كمان عندك بعض المعلمات او لاستاذات في الجامعة غير محترمات وسلوكهن مشين يتصرفن تصرفات غير اخلاقية سوا من ناحية لباسهن والعبايات التي يرتدينهن ولاتقول انهن معلمات محترمات ومسولاة عن تربية اجيال من البنات لارقيب عليهن ولاحسيب انصحك باكمال دراستك في ابها حيث يعيش اهلك وتكون قريبة منهم ويطمنون عليك وجامعة الملك خالد فيها طالبات ومعلمات محترمات وعلى خلق وادب وتربية احسن من غيرهن بكثير واهم شي تكون مع اهلك تشعري بالامان والراحة والسعادة والطمانينة والله يوفقك ويسترعليك ويصلح حالك

    قَـيّـم هذا الحل: Thumb up 0 Thumb down 0

  2. Lonelyheart
    16/07/2017 at 16:14

    على فكره أنا كنت عايشه في المنطقه الجنوبيه وبالتحديد في خميس مشيط وكنا نروح أبها أحيانا علشان نتفسح أبها مدينه جميله في كل حاجه جوها طبيعتها سبحان الله الضباب والهوا أللي بيرد الروح حاجه خياليه هي أصلا منطقه سياحيه والناس بتسافر وتدفع فلوس علشان نتفسح فيها وإنتي من حسن حظك راح تسكنون فيها فإحمدي ربنا ،وعلى فكره البنات في المنطقه هذي طيبات وكريمات أنا درست معاهم من الابتدائي الى المرحله الثانويه أخلاقهم حلوه ولا تصدقين الكلام اللي ممكن تسمعينه إنهم بدو وما شابه البدو أكرم ناس على فكره وفيهم حضر زي اهل جيزان
    جده جميله كمان مع إنه جوها حر ورطوبه لكن صراحه ماتنلامين أي أحد يعيش في جده يعشقها المولات والكورنيش والبيك هههه أكيد إنتي فاعمتني ،أهلك خايفين عليكي تكونين لوحدك في جده وماينلامون في ناس نفسياتهم مريضه وممكن يطمعون فيكي لما بيعرفوا إنك لوحدك حتى في حريم مو بس رجال والله مثل الشيطان يحاولون يستدرجون البنات ويخلوهم يتقابلون رجال بطالين او مثلا تعزم الوحده في بيتها وتدخل عليها رجال وتقدرين تتخيلين النتيجه مو شرط الأغراب بس حتى ممكن الأقارب برضو يطلع منهم هذا الموضوع
    إتعوذي من الشيطان وإدخلي جامعة الملك خالد وإهتمي بدراستكي وإتخرجي وإنجحي والله في بنات كثيرين وشباب برضو دخول الجامعه هو حلم بالنسبه لهم حلم بعيد المنال الله يوفقك

    قَـيّـم هذا الحل: Thumb up 1 Thumb down 0

  3. صيدلي
    05/03/2017 at 18:59

    او انتي سبب المشكلة كيف نقنعك تروحي مع اهلك بلا ما تعقديهم وتعطلي شغلهم , المهم لما تنتقلي الى بلدة اول ما تدخليها تتعوذي من شرها وشر اهلها وشر ما فيها , اعرف شخص كان يكره مكان ما يحب يروح له وبالنهاية راح وتوفى فيه , يمكن شر حاسد او مكان مشئوم . ولو انه تعوذ من شره وشر اهله وما فيه يمكن نجا , الله اعلم

    قَـيّـم هذا الحل: Thumb up 0 Thumb down 0

  4. ابوالبتول
    03/03/2017 at 23:41

    شوفي يااختي ارى انك ترضي الاهل وتسمع كلامهم في كل مايقولونه لك صدقينى خايف عليك ان تعيشي لوحدك بعيدة عنهم نحن في زمان اغبر كثرت فيه المصايب والفتن ولااحد يامن على روحه وجودك وسط اهلك خيرلك من الدنيا ومافيها ولاكو فرق بين الدراسة في جامعة الملك عبدالعزيز بجده او جامعة الملك خالد في ابها استهدي بالله واسمع كلام اهلك ولاتزعليهم منك او تخرج عن شورهم عشان ربك يوفقك ويسهل امورك كلها وتلاقي كل الخيروالرضا والسعادة في هذي الحياة

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة