مشاكل حب المراهقة

بحب استاذي المتزوج

بقالي سنتين بحب جدا مدرسي ولما بيكون قدامي بحب ابصله جدا يمكن حس بده معرفش وقبل اخر يوم ف دراسه كانو معلقين صوره مع طلاب ف فصل اخدت صوره وصراحه انا حسيت اني غلطت اوي كدا بس معرفتش ارجعها مهم نهرده رحت مدرسه استلم اوراقي وكان نفسي اوي اقوله بس ف اخر انا خايفه وبستحرم ده لانو متجوز ساعدوني ازاي اقتل مشاعر دي ومحدش يقول قربي من ربنا لان فعلا انا قريبه وبدعي ربنايقتل مشاعر دي بس مازالت موجوده

مشاكل وحلول ذات صلة

اضيف بتاريخ: Tuesday, July 19th, 2011 في 02:20

كلمات مشاكل وحلول: , ,

19 رد to “بحب استاذي المتزوج”

  1. ستيلا
    22/08/2012 at 17:44

    انا لما كنت بالمدرسة كنت معجبة بمدرسي بس دائما كنت اقول ان اكبر مني ودلوقتي بضحك على حالي وانا دلوقتي مخطوبة

    قَـيّـم هذا الحل: Thumb up 4 Thumb down 0

  2. ustazi
    08/02/2012 at 18:36

    أنا أستاذ ثانوي و متزوج و بأشوف بخبرتي بعض نظرات الإعجاب و الحب من بعض الطالبات و باحاول أتجاهلها و ما أهزرش معاهم ولا أختلط بيهم كتير : إجابة أسئلتهم وبس من غير كلام عن حياتهم الشخصية لأني أقدر أحدد نقط ضعف الشخصية اللي قدامي . و صدقوني : معظم نقاط الضعف دي جاية من سوء الترابط الأسري ، أو بعد الأم عن بنتها أو فقدان الحنان في البيت أو كتر المشاكل بين الأب و الأم ، علشان كده البنت بتهرب لا إراديا لحد كبير عاقل في نظرها ، وبيمثلها قيمة و حضن دافي : الشخص ده لازم يكون حد هيه بتشوفه دايما و بترتاحله : مدرسها . مشاعر البنت في السن ده بتكون شديدة أوي و ما بتفرقش بين الكويس و الوحش . أنا بأعذرك جدا لأني مصدق حبك لمدرسك و حاسس بيه لأني بأحس ده مع بعض الطالبات . عايزانا نقولك إيه ؟ تحبي فيه ؟ براحتك ، بس و بعدين ؟!!!! ياريت لو لقيتي إجابة عرفينا .

    قيم هذا الحل سلباً او ايجاباً: Thumb up 7 Thumb down 1

  3. همسة عتاب
    28/10/2011 at 09:07

    انا برده وقعه في المشكله دي وحاولت انساه بس معرفتش انا ساعات بلقيه بيبصلي كتير انا محتاره اوي ومش عرفه اعمل ايه

    قيم هذا الحل سلباً او ايجاباً: Thumb up 5 Thumb down 2

  4. ري
    28/10/2011 at 03:31

    انا برضو واقعه في نفس المشكله وبقالي 3 سنين كده وبجد مش عارفه اعمل ايه لو سمحتوا محدش يقولي ده اعجاب انا بموت فيه ومحدش يقولي اشغلي وقتك بحاجه تانيه انا طول النهار والليل بفكر فيه وقريبه من ربنا برضو( هو اكبر مني ب18 سنه)

    قيم هذا الحل سلباً او ايجاباً: Thumb up 8 Thumb down 2

  5. حبيبي ضاع مني
    01/10/2011 at 19:23

    انا والله مش عارفة حب ايه ده بس يا جماعة انتوا لسه صغيرين فكروا في دراستكم بقي وده علي فكرة مش حب ده اعجاب بس وبعدين اعجاب مش في محله كمان ركزي في دراستك والاحساس ده اللي عندك سببه انك ما شوفتيش غيره او ممكن بسبب حنيته بس ارجع واقولك بكرة تنسي كل ده ولما تدخلي الكلية هتقابلي ناس كتير اوي تعجبي بيهم ويعجبوا بيكي وصدقيني بجد بكرة لما تكبري شوية تضحكي علي نفسك وربنا يوفقك

    قيم هذا الحل سلباً او ايجاباً: Thumb up 8 Thumb down 3

  6. يارب اغفر لى
    27/09/2011 at 01:01

    هذا ليس بحب بل اعجاب قد يكون بشخصيته او قد يكون بشكله
    والارجح انك تعانى فراغا عاطفيا
    او انك تشعرين تجاهه بمشاعر ابويه قد تعرضتى للحرمان منها
    فالافضل انك تتجنبى النظر له او الحديث معه وانتى لازلتى تدرسين
    ركزى بدراستك ولا تشغلى نفسك برجل متزوج قد يكون لا يهتم بكى ولا يفكر بكى اصلا فهو لديه مسؤليات واهتمامته الاسرية
    اشغلى نفسك بشىء مفيد
    ولا شك ان الله سيعوضك خيرا وانتى لازلتى صغيرة واماك الوقت والفرص
    وادعو الله ان يرزقكى بمن تقر له عينك .. والله اعلم

    قيم هذا الحل سلباً او ايجاباً: Thumb up 7 Thumb down 2

  7. nona
    11/09/2011 at 23:37

    مت الممكن ان تكونى تتخيلى قربه منك وتتمنى ذلك وكل يوم يضيق عليك نفسك ولكن هل من الممكن ان تتخيلى انك زوجته هل من الممكن ان تريدى ان تعيشى حياه ليس لك وجود فيها مجرد هامش ان يكون هو حياتك ولكنك لست موجوده فى حياته
    ابدى با تكتيبى ورقه فيها اسمه وتاريخ اليوم وابدا كلما فكرت فيها بان تغمضى عينك وتاخذى نفس عميق اكثر من مره وتقومى تشوفى اى حاجه تشغلك كلام مع صحابك خروجه مع تجنب انك تشوفيه او تتكلمى عنه
    كل مره تشوفيه خدى نفس عميق وبصيلوه عادى كان ما فيش حاجه وبعدها هتحسى انك عادى تبصى عليه وهو بيكلمك او بتتعملى معاه وبعديها بفتره هتبدى تنسى بس الموضوع عايز صبر وطوله بال

    قيم هذا الحل سلباً او ايجاباً: Thumb up 7 Thumb down 0

  8. عشاق الدلوعة
    10/09/2011 at 00:18

    متروحيش الاماكن اللي هو بيكون فيها ولا المدرسة خالص وحتي لو شفتية اعملي نفسك مش واخد بالك منة والله اعلم.

    قيم هذا الحل سلباً او ايجاباً: Thumb up 2 Thumb down 6

  9. shaza
    16/08/2011 at 22:07

    انتى ممكن يكون حسى بالحنان بس معاة
    الحنان الى ملقتهوش مع حد تانى

    قيم هذا الحل سلباً او ايجاباً: Thumb up 6 Thumb down 3

  10. مراهق متواضع
    12/08/2011 at 19:26

    لو بتحبيه علشان جميل … امممممممم ..

    مثلا لو كان عمل حادثه وصابه شئ فـ وجهه خرب منظره .. كنتى لسه هتحبيه

    وبعدين دى فترة مراهقه والـ قوى اللى يعديها بدون متاعب .. تحياتى

    قيم هذا الحل سلباً او ايجاباً: Thumb up 4 Thumb down 6

  11. muslim
    08/08/2011 at 02:33

    حاولى متفكريش ف الموضوع اشغلى وقتك باى حاجه ومتقلقيش المدرس ده مش هتشوفيه طول عمرك فتره وهتنسى صدقينى لان ده مش حب اهم حاجه تكونى مقتنعه تماما ان نصيبك جايلك جايلك وانتى معززه مكرمه

    قيم هذا الحل سلباً او ايجاباً: Thumb up 4 Thumb down 1

  12. شيفاك ادامى
    02/08/2011 at 13:14

    برافو عليكى يا hadir والله فعلا ده سن مراهقة و اكيد هتحب واحد فى سنها و المفروض تبصله بصة ابوها او اخوها و التشديد على الكلمتين فعلا على رايك

    قيم هذا الحل سلباً او ايجاباً: Thumb up 1 Thumb down 6

  13. hadir
    28/07/2011 at 03:58

    ماينفعش تحبى استاذك لانة زى ابوكى وهو متزوج وعندة اسرتة اكيد بيحبها
    وانتى لسا فى سن المراهقة اكيد ها تحبى واحد فى سنك
    فطلعى مدرسك اللى هو زى ابوكى او اخوكى الكبير من راسك وعاملية زى ابوكى اواخوكى انا بعيد وازيد فى كلمة ابوكى واخوكى علشان تاخديها بمعناها

    قيم هذا الحل سلباً او ايجاباً: Thumb up 7 Thumb down 6

  14. salah
    21/07/2011 at 05:49

    يا اختى فى الله هذا الرجل متزوج وعنده اسرته وانتى فتاه صغيره قدامك الحياه مفتوحه يعنى استحلفك بالله تنسى هذا الحب الخطا وسيرزقكى الله بابن الحلال وسيحبك وتحبيه بعد الجواز

    قيم هذا الحل سلباً او ايجاباً: Thumb up 8 Thumb down 5

  15. نونه
    21/07/2011 at 02:35

    بصى انا ليا واحدة قريبتى فى نفس سنك والمشكلة نفسها برضه بس قريب جت قالتلى انه اكتشف انها بتحبه عن طريق واحدة صاحبتها راحت وقالتله وتصرفه معاها انه راح قال لباباها وحصلت مشاكل فانا بنصحك تنسحبى خالص وانا شايفة ان انتى ممكن تكونى فاقدة حنان الاب او انتى فهمتى الاستاذ بتاعك غلط

    قيم هذا الحل سلباً او ايجاباً: Thumb up 7 Thumb down 3

  16. نورا
    19/07/2011 at 17:21

    بيتهيلي دا مش حب دا اعجاب بحد خايف ع مصلحتك حد بيوجهك اعملي دا واعملي دا بيعرفك الصح من الغلط
    انا من راي انك تبعدي عنه ومش يكون ليكي دعوة بيه واوعدي نفسك انك تقطعي صورته وتبداي حياة جديده مع حد يحبك وتحبيه

    قيم هذا الحل سلباً او ايجاباً: Thumb up 5 Thumb down 5

  17. مش عيب نغلط بس العيب التمادي في الخطأ
    19/07/2011 at 14:29

    أختي المسلمة لابد أن توقني أن القلوب بيدي الله عز وجل يقلبها كيف يشاء فاجعلي الله هو هدفك الأول والأخير فارضي الله وتقربي اليه بالسنن وصلي صلاة الليل وناجيه فهو القادر على كل شئ وان كنت تقدرين ان تتركي هذه المدرسة وتحولي لمدرسة اخرى فافعلى لحفظ نفسك ودينك وعرضك وأهلك فلكل هؤلاء عليك حق فكوني حكيمة اختي واثبتي على الحق

    قيم هذا الحل سلباً او ايجاباً: Thumb up 6 Thumb down 3

  18. samy youssef
    19/07/2011 at 11:11

    واضح انك عارفة ان ده غلط ومستحرماه وده كويس لان ده هيساعدك جدا ,اما الموضوع فى الاساس فأنا معتقدش انه ممكن يكون حب بجد ده ممكن يكون اعجاب بشخصية استاذ ليكى وانتى مش قادرة تحددى مشاعرك…..طالماانت عارفة ان ده غلط لازم تتحكمى فى مشاعرك وعلى فكرة كل واحد فينا يقدر يسيطر على نفسه وعلى مشاعره مجرد انك تفكرى فى استاذك ده افتكرى ان ده غلط وادعى ربنا انه يزيل المشاعر دى من قلبك ويهديكى الحل باديكى انتى مش بايد اى حد تانى

    قيم هذا الحل سلباً او ايجاباً: Thumb up 5 Thumb down 1

  19. محب النبي
    19/07/2011 at 07:19

    اسمعي انتي اتخيلي لو انتي متزوجه وحد جاء اخد منك زوجك وخرب بيتك يعني حطي مكانك في مكان مراته وبعدين انتي الان اكيد اصغر منه بكثير حبي شخص علئ اد عمرك وبلاش مدرسك ده انا بعرف ان الحب ملوش عمر بس لازم تفكري كدا عشان تعدي من المشكله دي الله يوفقك وحاولي ابد ما تفكري فيه ونشاء الله تنسيه بس لازم تحاولي تبعدي عنه والله راح يعينك

    قيم هذا الحل سلباً او ايجاباً: Thumb up 5 Thumb down 5

اترك رداً أو حلاً لهذه المشكلة