مشاكل حب المراهقة

محتارة بين الحب الاول و حبيبي الانترنتي

انا عمرى 18 سنه كنت بحب واحد وانا فى ابتدائى وهو كمان كان بيحبنى اكتر ما انا كنت بحبه وبعد ما وصلت ل3 اعدادى حبيت واحد تانى وهو كان بيقول انه بيحبنى بس فى الاخر اكتشفت غير كده حسيت بالندم على حبيبى الاولانى حاولت ارجعله بس انا مش عارفه شعوره ناحيتى دلوقتى ايه مش مبينلى اى حاجه استنيته كتير بس امبارح كان زى النهارده ومن فتره قليله اتعرفت على واحد على النت وكلمته وحسيت انى ارتحت معاه فى الكلام وكمان حسيت انى بحبه والغريبه اننا بنتكلم كتابه بس على الشات هو بيقول انه بيحبنى وانه عايز يشوفنى لان انا لو عجبته هيخطبنى لان شخصيتى عجبته بس انا بصراحه اوقات بحس انى بحبه واوقات اكتر بحس انى بنسى حبيبى الاولانى معاه بس هو لو رجعلى انا ممكن انسى الدنيا كلها والله بجد نفسى يرجعلى تانى بليز قولولى اعمل ايه انا حاسه انى بضيع الله يخليكو ردو عليا بسرعه

مشاكل وحلول ذات صلة

اضيف بتاريخ: Wednesday, September 14th, 2011 في 16:56

كلمات مشاكل وحلول: , , ,

24 رد to “محتارة بين الحب الاول و حبيبي الانترنتي”

  1. زهرة الياسمين
    04/06/2013 at 15:56

    بصى يا حبيبتى انا بنصحك انك تبعدى عن الولد الا بتكلميه على النت لانه بيتسلى صدقينى ومفيش حب حقيقى على الشات لان نص الحب بيكون مبنى على الخداع والكدب ومفيش حب حقيقى بيتبنى على الكدب والخداع ركزى فى مذاكرتك كويس عشان تبنى مستقبللك وعايزة اقوللك ان الحب الاول عمره مبيتعوض ولما تكبرى هتعرفى قيمتة وانتى غلطتى فى حق نفسك ويترا انتى راضية على انتى بتعمليه ده اكيد خونتى ثقة اهللك فيكى بس لازم تنهى موضوع الا الولد الا بتكلميه على النت باى طريقة انتا كدا بتضيعلى وقتك على الفاضى

  2. الاء
    24/11/2011 at 21:42

    نصيحتى خليكى مع ربنا وفكك من الاولانى والتانى لأن مشاعرك متقلبة فى السن ده وعشان مايوصلكيش لطريق خطأ خليكى لحد مايجيلك ابن الحلال اللى يدخل من باب بيتك ويخطبك واوعى تهينى نفسك او تفرطى فى نفسك واتمنى ان تتقبلى النصيحة من اختك الصغيرة

  3. عصام
    12/10/2011 at 18:27

    سبحان الله انت كلامك غريب جدا هو انت بستهبلى واحد بيتسلى بيكى ولا شافك ولا كلمك وبتقولى انه بيحبك وانت حضرتك بتصدقى هيحب بس فيكى ايه اللى انت بتكتبيه اى بنت غيرك بتكتبه واسطوانه مشروخه كلنا حفظنها ما فيش ادنى شك انه بيضحك عليكى والا يكون مختل عقليا شوفى بقى اى ولد بنت بيتكلموا على الشات يعنى اولا هيتعرفو ازيك عمله ايه كويسه وانت عامل ايه الحمد الله وحشتينى وانت كمان ويقوم الكلام يخلص بسرعه يعملو ايه هيفضلو قاعدين ساكتين مينفعش وبما ان الولد هو اللى ديما يدور على كلام والبنت يادون ما بتحولش تتعب نفسها هى تسمع وترد على اد السؤال يقوم الولد ميلقيش كلام يعمل ايه يدخل على حاجه من اتنين لا اما يتكلم فى الجنس لا اما يدخل على الحب لا اما يتكلم فى التنين الحب والجنس بس الحب الاول يخلص الحب وبعد ما يفهمك انه بيحبك ويقابلك يدخل على الجنس هو ده اللى بيحصل ديما والولد ده عايز يتكلم معاكى فى اى حاجه وخلاص ومستحيل يكون بيحبك

  4. ندى
    11/10/2011 at 04:18

    على فكرة فعلا الحب الاول عمرة مبيتعوض انا اصغر منك بسنة وبحب بس متظلميش اللى كلمتة وخلتية يتعلق بيكى بس لو اللى كلمتية بيحبك بجد حولى تفهمى وتحسي بية وبلاش تفكرى فى اللى سيبك وانتى مش تعرفى هوة بيعمل اية

  5. شيخ العرب همام
    10/10/2011 at 14:13

    انا عايزك تنظري اولا واخير لاهلك هل هما راضيين علي الي انتي بتعمليه

  6. يحيي احمد
    08/10/2011 at 21:55

    بصى ياستى انتى تتعرفى عالولد ده الى هو اتعرفتى عليه ع الشات وتشوفى احساسه ناحيتك هتحبيه اكتر من التانى وقارنى مابين حب ده من ده وشوفى مين الى يعجبك بس ياستى خلصت الحكايه سلام

  7. BAHRAINIA
    07/10/2011 at 10:15

    مالحب الا للحبيب الأولي ..
    وبالتوفيق لألك

  8. روتانا
    05/10/2011 at 06:50

    الحب ده احله احساس فى الدنيا وانتى كدا مش غلطانه انا كمان بحب وحد بكلمو على النت بس مش عرفه النت ده بيكون حب حقيقى ولا

  9. الرومنسى مصطفى
    18/09/2011 at 11:39

    بصى انتى لسه فى عز شبابك يابنت الناس والله اى نعم الحب الاول مهما عملتى مبتعوضش خااااااااالص ويكون كداب اللى يقولك تحبى تانى بجد ماشى هتحبى تانى وتالت ورابع بس مش زى الحب الاول وده بيقولو عليه الحب الحقيقى العيال بتعت الزمن ده كلام بس ومش كل اللى يقولك بحبك تصدقيه جاااااااايز يكون ناوى نيه سيئه واله اعلم نصيحتى ليكى تبقى قريبة للحب الاول

  10. المراهقة الطائشة
    17/09/2011 at 09:01

    وفيها ايه 18 سنة وبتحب طب مانا عندي 12 سنة وبحب عااااااادي

  11. مودى الرومانسى
    17/09/2011 at 07:04

    احنا كلنا عايشين فى الحياة علشان نتعلم ومعنى ان واحد بيحبك يبقى كان عيضحى بكل اللى يملكة علشانك انتى بصرحة غلطانة وظلمتية معاكى بس مفيش مشكلة ملهاش حل لو معاكى تلفونة كلمية واتاسفى لة وصدقينى كدة هو الصح واوعك تفكرى ان كدة هيبقة مذلة بالعكس وحياة ربنا الحب مفيهوش كدة خالص وانشاء اللة هترجعوا لبعض

  12. من الاخر
    16/09/2011 at 04:24

    الاول احسن من التانى لان ده الاول اول واحد حبك ورضى بيكى على حلوك ووحشك وانتى غلطانه انك سبتيه علشان كد انا اتعلمت من الى انا بسمع وحبيت مره واحده وكانت الاوله وهتبقى الاخيره

  13. soma
    16/09/2011 at 03:24

    حبيبك الاولانى لو دورتى علية ممكن تلاقية ولو بيحبك بجد هيرجعلك بس مش زى الاول لانة اتجرح منك اوى كنت مع بعض وسبتية بس مع الوقت هيكون زى الاول واحسن

  14. reem
    15/09/2011 at 20:46

    يا بنتى لازم تحاولى ترجعى لحبيبك الاولانى لان اول حب مبيتنسيش ودى نصيحة

  15. المراهقة العنيدة
    15/09/2011 at 12:30

    اوعي تسيبي حبيبك الاولاني ابداااااا هتنددمي

  16. ملكة الاحزااااان
    15/09/2011 at 10:31

    متسيبيش حبيبك الاولاني ابدا هتندمي بعد كدة

  17. sun
    15/09/2011 at 07:24

    ايه يابنتى 18 سنه وتحبى دا وتسيبى دا
    اهدى شويه انتى فى سن مراهقه

    ومعنى انك مستنيه رجوع التانى انك مش بتحبى الانترنتى زى مابتقولى يبقى ليه تشغليه بيكى وتشغلى نفسك بيه فى الفاضى وانتى مش بتحبيه
    اشغلى وقت فراغك بقراءه القران والصلاه واتقربى من ربنا
    لسه العمر قدامك وهتقابلى كتيييييييييييير

  18. نفس المشكله
    15/09/2011 at 05:12

    انا بقا عندي نفس المشكله بس انا ولد وهيا بعدت من غير اي حاجه ولتمني انها ترجع انا حاسس انها نفسها تكلمني بس كل مره اشوفها تكون مع صاحباتها ومبقدرش اعمل حاجع غير اني ابوصلها بس
    وانا من رأي تقوليله وحاولي تفربي منه

  19. sun
    15/09/2011 at 03:11

    بصي انا حقولك حاجه انا لما بفتكر زمان بقول ايه ده هو انا كنت كده هو انا كنت بفكر كده وبفضل اضحك علي تصرفات كنت بعملها وانا مستغربه عملتها ازاي فاللي عاوزة اوصلهولك ان الانسان اللي كنتي بتحبيه وانتي صغيره مش حتلاقيه هو هو ولا انتي زي ما كنتي وانتي صغيره ممكن تلاقي شخصيه تانيه خالص في التفكير والاخلاق وده طبيعي علي اي حد من مرحله لمرحله الانسان وسلوكياته وشخصيته بتتغير لغايه ميوصل لسن الشخصيه تبقي مكتمله طبعا انتي حتقوليلي ما فيه علاقات حب كثير من وهما صغيرين لغايه مكبروا حقولك اه صح عندك حق بس دول مع بعض حبهم كبر مع بعض لاكن انتي بعدتي عنه وعرفتي حد غيره ولما منفعش افتكرتيه ولما كلمتي حد عالنت وقالك بحبك وانتي بتحسي انك بتحبيه او لا انه مجرد حد بينسيكي اللي فات بجد انتي مش عارفه انتي عاوزة ايه ولا مشاعرك محدده نصيحه مني شيلي التفكير في احساسك بالحب دلوقتي قربي من ربنا اهتمي بمستقبلك بدراستك وادي لنفسك فرصه ترتاحي وتفكري بعقل وتعرفي انتي عاوزة ايه مش اي شخص يقول كلام يبقي بيحب بالتوفيق

  20. ريمووو
    15/09/2011 at 01:52

    خليكي مع حبيبك الاولاني

  21. سندريلا الاحلام
    15/09/2011 at 00:55

    بصى يا حبيبتى انتى فى مرحلة المراهقة دلوقتى ومشاعرك متقلبة وبالنسبة للولد الى بتكلمة على النت انا شخصيا مش بعترف بحاجة اسمها حب على النت اصلا لان الحب مش كلام وانتى حاولى تقربى من ربنا واما تلاقى نفسك مدايقة قومى اتوضى وصلى ركعتين واقرائى قران وصدقينى انشاء الله ربنا هيهديكى الى الصواب

  22. ريري من العراق
    14/09/2011 at 23:00

    والله ياحبيبتي الي يفتهم ميحب ابد والله بيسيبها ع ربنا والله تأكدت ان مفيش اي حب بالوقت ده والي بيحب قليل جدا اتركي كل شي ع ربنا واتقربي منه والله يوفقك اختك من العراق

  23. NoComment
    14/09/2011 at 21:57

    بصى فكك من حب النت ده 85 فى الميه يكون بيتسله والكلام ده حاولى ترجعى للكونتى بتحبيه الأول بس انا لو مكانو معلش مش هوافق حطى نفسك مكانو وشوفى ايه شعورك لو هو سابك عشان واحده تانيه وبعد كده حاول يرجعلك تانى انا عارف ان كلامى ده يضايق بس هو لو لسه بيحبك هيرجعلك وخدى بالك من نفسك عشان ممكن يرجعلك وهو مش بيحبك وعايز ينتأم ولا حاجه. وربنا معاكى

  24. hg
    14/09/2011 at 17:51

    انا انصحك بعدم مقلباته لان الخطبة صارت دريعة للمقابلة و بالرغم من انك تمنيت الرجوع للاول فهدا دليل هلى حبك للشخص الاول وبالنسبة للحبسب الاول فاذا كنت انت من اخطات انصحك بالاعتذار

اترك رداً أو حلاً لهذه المشكلة