مشاكل حب المراهقة

بحبه ومش عارفة انساه ولا ابعد عنه بعد الخيانة

انا بنت بحب واحد انا عندى 14 سنه وهو عندوا 17 الى 18 سنه وبقالى سنتين بكلمه على النت ومشوفتهوش خالص وهو قريب صحبتى وهو بيحبنى وانا بحبه بس كنا ساعات بنتخانق كتير لما يشوفنى بكلم اولاد على النت مع انى كنت معتبراهم اخواتى مش اكتر واتصالحنا ووعدته انى مش هكلم حد تانى غيره وهو كان بيقولى انه بيعشقنى ووعدنى انه هيخطبنى كمان 3 سنين وفجاه مكناش بنكلم بعض كتير وجيت اكلمه لقيته بيقولى انا خنتك وبيقول ان صحابه هم اللى خلوه يعمل كدة كان هو نايم وصحا لقه واحده جمبه ونام معاها بيقولى مكنش قصدى وكل يوم بقيت بعيط وبحس بجرح فى قلبى
وقلى انا منفعكيش حاسس انى هظلمك معايا وصحابه دول وحشين وانا خايفة اكلمه عن كدة يزعل وكان هيتسجن بسببهم وبيقولى انا لازم ابعد عشان مظلمكيش معايا وانا حسه انى مش هقدر ابعد عنه ومن سعتها مكلمتهوش خالص وكان بيبعت سلامه مع صحبتى ارجوكم ممكن حد يقولى اعمل ايه بجد

مشاكل وحلول ذات صلة

اضيف بتاريخ: Tuesday, January 18th, 2011 في 11:43

كلمات مشاكل وحلول: , , , ,

17 رد to “بحبه ومش عارفة انساه ولا ابعد عنه بعد الخيانة”

  1. nolove
    14/06/2011 at 03:59

    يا حبيتى ابعدى عنه انتى لسه صغيرةوبعدان ازى مش قادرة تنسيه واكتر حاجة بتوجع عند المراة هى الخاينة وبعدان مش في حاجة اسمها حب نت حب عبر اسلاك النت واحمدى ربك انك مش شفيته وهو لو كلامه صح اكيد لازم تحصله حاجة تلومه انه اختار اصحاب مش صح حاولى تنسي ديه خاينة مش اى حاجة يعنى تنسيه وتضريب نفسك انك حبيتى واحد شبه دها مش يستهلك وانتى كمان ازى لقي نفسه جمب واحدة ليه مش ليه اهل وله ايه يا حبيتى دها خائنك وكداب انسي واضريبه كمان بالجزمة

  2. اسيرة احزانى
    30/04/2011 at 16:35

    الحمد لله انك مش شوفتيه كنتى هتتعلقى بيه اكتر ,, وكل الحكاية دى فيلم بجد وهو زيه زى اصحابه ومحدش بيعمل حاجه غصب عنه احنا لينا اراده نتحكم فى مشاعرنا سيبك يابنتى من الكلام ده والله هتلاقى اللى يستاهلك

  3. مفيش حب
    19/04/2011 at 03:54

    خنية انتي كمان
    والله انتي يتدلعي طب لما تشوفية ويطلع مش الراجل ابو عيون خضرا وشعر اصفر تعملي اية مفيش حب من ع النت ممكن انتي محستيش اي حد مهتم بيكي حبتين غيرة والحب الحقيقي بيجي بعد ال20 من الأخر وربنا يرزقك بإبن الحلال اللي يحافظ عليكي ويصونك

  4. اثير
    02/03/2011 at 13:32

    هو كذاب كذاب ما نام مع وحدة ولا حاجة بس هو حب يدخل الك من هل مدخل عشان تتعلق بي اكثر وهو مدخل جنسي خبيث انصحك بالابتعاد عنه لانه غير امن وهو كذذذذذذذذذاب

  5. صاحبة المشكلة
    25/01/2011 at 00:55

    ميرسى اوى ليكم وبجد استفدت وربنا يخليكم بس نفسى انساه اعمل ايه او متعلقش بيه
    ومفتحش النت دة تانى

  6. lola
    24/01/2011 at 22:38

    منين عرفتي انة بيحبك وعلي اي اساس صدقتيه و انه بيكلمك انت بس 00وكمان ده هو صغير اوي ع الكلام ده 0000وغريبة اوي ان تحبيه من غير ماتشوفيه 000 حاولي تهتمي بنفسك وتحددي هدفك من وجودك وتحافظي ع الجوهرةاللي جواكي اللي هي قلبك لانها امانة لزوج المستقبل

  7. Yara
    23/01/2011 at 17:49

    بلاش تعلقى نفسك بحبال الحب الدايبة و كفاية اللى حصل ودى مش نهاية العالم عشان تعيطى و تنهارى بالشكل ده انتى لسه صغيرة و العمر لسه ادامك طويل ان شاء الله و ياما هتحبى وبالاضافة كمان ان مفيش حاجة اسمها حب عالنت لأنك متقدريش ابداً تحبى واحد و انتى حتى مشفتيهوش . خليكى مع ربنا أحسن واجتهدى فى العبادة وبلاش تعملى حاجة حرام و تندمى عليها فى الاخر .

  8. ابتسامه باكيه
    21/01/2011 at 00:55

    احمدى ربنا يحبيبتى انك مشفتهوش لان كده هيبقى اسهل انك تنسيه كل ماتفكرى فيه افتكرى دايما انه خانك مفيش انسان بيحب يخون اللى بيحب يصون كمان مفيش حاجه اسمها خان غصب عنه ده كان اكيد واعى للى عمله وانتى لسه صغيره والمستقبل هيكون ادامك اجمل لماتسيبيه وتركزى فى دراستك وهيجيلك انسان يستاهلك ويصونك لكن ده بيلعب بمشاعرك ومش هتقدرى تثقى فيه بعد ماخانك كمان هو بيقلك مش عاوز يظلمك وعاوز يبعد عنك ده ممكن يكون بيتهرب منك اصلا ويكون بيعمل كده مع كل واحده يتسلى بيها شويه متصدقيش اى حد يقلك كلام حلو معسول فكرى بعقلك واصبرى وانتى ان شاء الله ربنا هيرزقك بانسان تحبيه ويحبك ويخاف عليكى ويستاهلك

  9. myar
    19/01/2011 at 21:59

    سيبك منه يابنتي وبما انه من النت اكيد كان مكلم غيرك
    وبعدين انتي مشفتهوش كمان
    واش دراكي انه بيحبك بجد حتى لوكانت صحبتك تعرفة
    بس مش اي حد تثقي فيه وتسلميله قلبك
    واوعي تصدقي حد من النت تاني
    وعيشي حياتك وانسيه
    ——
    وكلام المسلسلات ده الي بيقولهولك ماتصدقهوش
    عادي يعني كتير بيقولو كده ونصابين 

  10. همسه
    19/01/2011 at 06:07

    يا حبيبتى انتى لسه صغيرة اوى اوعى تكلمى حد ولا تعتبريه اخوكى ولا حاجه السن بتاعك ده بيخليكى عاوزة تقلدى الافلام وتحسى انك خلاص بقيتى كبيره ياما حتشوفى من الحاجات دى اقولك نصيحه افصلى النت شهر واحد ومتكلميش حد وانتبهى لدراستك وصلى واحفظى قران وشوفى بعد الشهر ده حتعرفى انك كنتى متعلقه بكلام معسول وبس كل الشباب اللى على النت بيتسلو عاوزين يلعبو شويه وخلاص متثقيش فى حد خالص وخليكى غاليه ربنا يهديكى

  11. البنوته الروشه
    18/01/2011 at 22:06

    صح ابعدي عنه انتي مش تعرفيه ولا شفتيه دا ع النت وبعدين شباب اليومين دول مفيش مخلوقه بتثق فيهم تيجي انتي وتثقي ف واحد من ع النت سبيه واكيد ان شاء الله هتلاقي ال ربنا كتبلك احسن منه ومن بلدك ويعرفك ان شاء الله

  12. semsem
    18/01/2011 at 20:27

    ابعدى عنه الخيانه مفهاش سماح وبعدين اييه صحا لقى واحده جمبه نام معاها ياسلام اللى بيحب حد بيصونه وبعدين الانسان دا لو بيصلى وقريب من ربنا كان ربنا فوقه فى اللحظه دى . ابعدى عنه لسه الحياه قدامك حلوه خدى بالك من دراستك وصلى واتقى الله وتاكدى ان ربنا حيرزقك بزوج صالح ان شاء الله . وبعدين ممكن يكون قالك كدا علشان يعلقك بيه ولما يطلب منك اى حاجه تديهاله زى بوس او احضان و طبعا انتى حتقولى وقتها انه عمل وعمل ونام مع بنات وتديله اللى هوه عاوزه علشان مبزعلش وساعتها يسيبك . ابعدى عنه فورا

  13. مرمر _الحزينه
    18/01/2011 at 16:49

    طب انا مش عرفة انساه اصلا وخايفة ابعد عنه اعمل ايه فى كدة وانا بعيط كل لما افتكر وافهم ايه من كدة انه عايز يبعد اصلا ويسبنى ولا بيحبنى وخايف عليا انى اتظلم معاه ممكن حد يقولى وميرسى ليكم كتير

  14. اختك بالله
    18/01/2011 at 16:09

    حبيتيه وانت اصلا مشفتهووش كيف حبيبتي اصلا هو الحب الي علنت كلو مشكوك فيه يابنتي اتركيه اصلا لازم ماتخلي نفسك في موقف ضعيف انتي ملكه في بيت بابا الي عاوزني ييجي يخطبني وافكر بكيفي واكون انا صاحبه الفضل بالفبول لكي يحترمني طول العمر صدقيني زواج الحب فاشل وغير مبارك ومع الاسف الزواج الصحيح المحترم يسموه زواج صالونات وانا تزوجت هكذا والف الحمد لله زوجي يحبني ويحترمني لانه لم يحبني من الشارع او النت بل بالحلال وبااحترام ويقول لك خانك وانتي تستغربين وماذا تتوقعين لا قيم لا صلاه ومن انتي بالنسبه له مجرد فتاه من مئات الفتيات في حياته وااحمدي الله انك لم تعطيه شيئا وحافظتي على نفسك ابتعدي عنه واتقي الله في نفسك واهلك ربنا خلقنا علشان نصلي ونعبدو ونرضي اهلنا مش نعمل علاقات وانتي صغيره صلي واقرأي قرأن وادعي من الله ان يحفظك من الوحوش بوجوه شباب

  15. zoba
    18/01/2011 at 12:55

    السلام عليكم ورحمة الله

    احسن حاجة تعمليها تبعدى عن النت خالص متخليهوش الا لدراستك او لمعلومات تستفيدى منها فقط
    اما الكابتن ده 😀 متكلمهوش خالص وبعدين انتى لسة صغيورة على كده عيشى سنك احسن
    وابن الحلال ربنا هيبعتهولك ومفيش احسن من اللى ربنا هيختاروا لكى
    واحد يحافظ عليكى و على مشاعرك و ربنا يهديكى ويهدى كل الشباب و البنات
    قولوا امين

  16. سلمى
    18/01/2011 at 12:20

    يابنتى دا انتى لسه طفله عيشى سنك وبعدين نت ايه *** داخله النت عشان تتعرفى على شاب *** خلى بالك من نفسك لسه بدرى على الحب والجواز انتى مجرد واحده اتعلقت بواحد بسبب طريقه كلامه لانك حتى مشفتهوش ده بيلعب بيكى وبمشاعرك عيشى سنك والحب هيجيلك فى وقته اعذرينى انا ام وباعتبرك ذى بنتى وخايفه عليكى من الى انتى ماشيه فيه

  17. ندى
    18/01/2011 at 11:56

    نصحتى ليكى انك تبعدى عنه وانت لسه فى سن المراهقه يعنى مشاعرك غير مستقره وبكره ربنا يرزقك بابن الحلال وبتاع النت دول كلهم كدابين نادرؤا لما تلاقى حد صادق كله بيدخل يتسلى

اترك رداً أو حلاً لهذه المشكلة