انا شاب ذو وضع اجتماعى ومادى ميسور والحمدلله وابحث عن رفيقة الدرب منذ عامين ولم يرشدنى الله اليها بعد ربما لأنى ابحث عن ذات الدين كما نصحنا رسولنا الكريم أو ربما لأنى اريد فتاة على قدر من الجمال يغنينى عن النظر لما حولى “طبيعة عملى بشركة دولية بالإسكندرية تجعلنى دائما معرض للفتن” وفى سبيل ذلك رسمت فى خيالى صورة للفتاة التى اتمناها زوجة لى.
رشح لى احد جيراننا فتاة كى اخطبها…. ذهبت ورأيتها فوجدتها فتاة طيبة القلب ودودة وبشوشة وذات شخصية تستمع بالحديث معها وجدتها ايضا على قدر عالى من الأخلاق وذات اصل كريم. إلا انها غير ملتزمة من الناحية الدينية… هى محجبة وقالت لى انها محافظة على الفروض الخمسة ولكن ملابسها ضيقة نوعا ما كما انها اقل منى بكثير من ناحية العلم الدينى او الشرعى “ولكم تمنيت ان اتزوج واحدة تفوقنى فى هذه النقطة”.
اما بالنسبة للشكل فوجدتها جميلة الملامح ولكنها تختلف عن الصورة التى طالما تمنيتها من حيث لون البشرة وكذلك القوام “هى قصيرة الى حد ما وممتلئة قليلا”.
انا محتار بصراحة… بماذا تنصحوننى؟ هل اقبل بها على هذا القدر من التدين على امل ان تتحسن فى المستقبل؟
وهل اتنازل عن متطلباتى من ناحية الشكل؟؟
ام ارفضها واصبر عل الله يرزقنى بأفضل منها؟
مشاكل الزواج
اختيار شريكة العمر
اضيف بتاريخ: Saturday, March 5th, 2011 في 10:12
كلمات مشاكل وحلول: شاب, شابة, محجبة, مشاكل الزواج, مشاكل الشباب
بهذا الأمر كله إسمة ونصيب و لكن بهذه الأمور برأيي مع الوقت سوف تتغير وبلباقتك في الكلام سوف تغير فيها الأمور التي لا تعجبك و لكن لا تفتكر إنو إذا رسمت شريكة العمر بخيالك ممكن تلاقيها لإنو إنت رح تكون جاعل الصفات يللي بتحبها فيها يعني كاملة مكملة و الكمال لله تعالى
بسم الله الرحمن الرحيم
اخى فى الله لا تتسرع فى اختيارك لانه اختيار مدى الحياه مش رحله وحتنتهى شهر لا دى مسئوليه وحياه وحاجات كتير لو عاوز تحجب نفسك عن الخطا كعملك مثلا فانت اكيد بتصلى واذا كان على نفسك بأذن الله اولا وارادتك بالصوم والصلاه ربنا حيصبرك على الوقت واكيد حيجى الوقت ال حتلاقى فيه واحد مش لازم تكون ال فى خيالك بالظبط فى بنات كتير محترمين وولاد ناس ومؤدبين وعلى خلق وربنا اكيد لو انت حد كويس من جواه ربنا حيوأعك فى واحده بنت حلال والبنات كتير ول لاقيت واحده انت مرتاح ليها نفسيا وفيها اخطاء غير منها لو عجبتك اى واحده وفيها اخطاء حاول انك تهديها بطريتك واسلوبك وبالدين وربنا معاك
هقولك حاجة وانت بنت وادرة لازم تلفى عيب فى اى بنت انت لقيت فى البنت دى كويسة وبتصلى والعيب اللبس اللبس سهل يتغير بطريقتك ليها انت احمد ربنا انها بتصلى وعيبها جية فى اللبس توكل على الله
متهيالى انك توافق لو شايف انك تقدر تغيرها وتخليها تلتزم على شريعة الله ولو قدرت تحبها اكيد هتقدر تغيرها وكمان هتقدر تخليها تفوقك من ناحية الدين
اما عن الشكل انت فعلا لازم تتنازل اصلا مش سهل انك تلاقى الصوره اللى رسمتها فى خيالك لان مش كل اللى بنتمناه بنلاقيه وكمان بم ان البنت دى شكلها مش قبيح يبقى توافق عليها بس بعد ما تتاكد انك تقدر تغيرها من ناحيه الدين وتخليها تلتزم بدين الله وتتخلى عن ملابسها الضيقة
اتمنى ان اكون قد افدك
اخي في الله اولا ربنا يثبتك ويثبتنا علي الايمان وعلي طاعتة ويزقنا حسن الخاتمة يارب عايزة اقولك يا اخى انت رسمت في ذهنك صورة لشريكة العمر وتريد ان تطابق هذة الصورة بالواقع اعلم يا اخي ان الواقع غير الخيال وكما ذكرت انها جميلة الملامح وبشوشة فماذا تريد اكثر من ذالك بالنسبة الي الشكل اما من الناحية الدينة اقولك نصيحة اذاكنت واثق من انك تقدر تغيرها للاحسن وتقدر تخليها تكون ملتزمة دينيا يبقي مفيش مشكلة توكل علي الله وتبقي كسبت فيها ثواب لكن لو حسيت انها مش هتقدر تلتزم الرسول قال تنكح المرأه لاربعة طبعا انت عارفهم لكن قال اظفر بذات الدين وفي الاخر انصحك تصلي استخارة وتستخير ربك ودايما خلي بالك في اختياراتك البنت اللي تكون قادرة علي انها تحافظ علي اسمك وعلي بيتك وعلي اولادكوربنا يوفقك للي فيه الخير
اولا واضح انك حد محترم بس عاوزة اعلق على كلامك انت ممكن تاخد واحدة انت تخليها تعرف دينها اكتر انت تعلمها والشكل دة كلها خلقة ربنا انت احسن حاجة تعملها لو البنت دى كويسة وحترمة صلى استخارة واتوكل على اللة الروح اهم من الشكل ومفيش حد كامل ماكامل الا محمد علية السلام صلى استخارة وربنا يوفقك وينور بصيرتك للخير
السلام عليكم أخي الفاضل إني أعاني من نفس المشكلة الصعبة ولازلت أعاني من عدم وجود الزوج الصاح الذي أرغب في أن أبدا معه حياة علي أسس دينية صحيحة في كل شئ يكون فيها كتاب الله هو ما نمشي عليه ويدعم
كلا منا الأخر ونرتفع معا ليصل كل واحد منا بالأخر إلي الجنة فأنا في الوقت الحالي متقدم لي أكثر من شخص وهم جميعاً محترمين و الحمد لله و لكن مع الأسف عاديين جدا من ناحية الدين ويمكن وصفهم بالناس ( الفري ) في أغلب الأشياء ولكن لم استسلم لهذا وتحدثت مع كل واحد منهم علي ما أريده في الشخص الذي أتمني الارتباط به وإذا كان اي أحد منهم علي إستعداد أن نكمل معاً الحياة علي الأساس الديني الصحيح وأنا الآن في فترة استخارة وتفكير في كل شئ لاتخاذ القرار السليم والحمد لله انا مقتنعة تماما أنه من يتقي الله يجعل له مخرج وأنا واثقة أن الله سوف يرزقني بالزوج الصالح إن شاء الله وأني سوف أظل مصرة علي الارتباط بزوج صالح لاخر لحظة في حياتي ويجب عليك أخي الكريم ان تحدد ما إذا كان باستطاعتك تعديل درجة تدينها والرقي بها وكذلك انت من يستطيع تحديد ما اذا كانت هذه الفتاة علي إستعداد للاستماع و التعديل و عليك بالاستخارة كثيرا والإكثار من الاستغفار و الصلاة علي الرسول (صلي الله عليه وسلم ) وأتمني أن يرزقك الله بالزوجة الصالحة التي تعينك علي أمر دينك ودنياك إن شاء الله
السلام عليكم…اريد ان اذكرك بان الله سبحانه وتعالي لم يخلق الناس كلهامتساويه في الدين والخلق وعلينا ان نختار الانسان الذي يناسب طباعنا واخلاقنا فاذا كانت الفتاه علي قدر من الاخلاق والجمال بما يرضي نفسك فان مساله الدين فهذا هو دورك.زودها بكتب دينيه وشرعيه فستكون مجال للمناقشه بينكم حتي تعرف طريقه تفكيرها وعقليتها وتحدث معها في موضوع ملابسها فاذا استجابت واقتنعت كان بها.اما من الناحيه الشكليه فهي ترجع لذوقك والصفات التي ذكرتها معقوله جدا.وغالبا لا يجد الانسان كل ما يتخيله لان خيالنا يكون صور متكامله وقبل كل ده صلي لله صلاه استخاره وكررها حتي ينشرح قلبك سواء بالقبول او الرفض….بس اريد ان اسالك لماذا لا تفكر في فتاه منتقبه اظنها ستكون مناسبه لك من الناحيه الدينيه والله يوفقك لاختيار شريكه حياتك
صراحه احيك ع هذا وعلى ان انت عايزها ذات اخلاق وده اوعى تتنازل عنه اما الشكل صدقنى ممكن الى مش جميله تسعدك جدا ومعظم الجميلات بيكونوا مغرورين فكر كويس والى يهمك اولا واخير الدين والخلق لانها هتعيش عشان ربنا وعشانك
روح اخطب مادونا هههههههههههه ياخي اتق الله في بنات الناس وتوكل على الله وتزوج الي شفتيها حرام عليك بتختار زي ما بتختار خروف العيد هل هوا سمين ولا لاء وهل من حق الي تعجبك ممكن توافق عليك وهيا بتحب اخر بس تلاقي فيك الرجل المناسب واهلها يقول لها رجل مناسب فكر كويس والنصيب والقدر بيد الله بس شيل منك لازم تكون جميلة وبيضاء والون مش مناسب لك الجمال جمال القلب والروح وزي ماقلت تكون متدينة وتخاف ربها
انا من رائ توكل على الله واخطبها ولما تكونو مخطوبين قولها متلبسيش ضيق البسى واسع البسى حاجة طويلة وادئ كل الصلوات الخمس فى معدها اكيد هتكبر فى نظرها ولو سمعت كلامك تبئا بتحبك ومستعدية تعمل كل اللى انت عايزه علشان ترضيك ولو مسمعتش يبئا كل واحد يروح لحاله وكمان اختار الجمال اخر حاجة علشان فى بنات شكلهم حلو اوى بس مش جواهم وحش بيبئا حقد وغيرة وكراهية وممكن تلاقى واحدة شكلها وحش بس من جواها حلو ومحترمة وملتزمة فى الدين مش مهم الشكل المهم الاخلاق والالتزام دا اهم شئ وربنا يوفقك فى حياتك وفى دينك
السلموا عليكوم اولا يا اخى محدش بيخود كل حاجة كاملة وهى فعلا محترمة فى اسلوب كلامها اكيد هتتغير من ناحية الملابس اللى مضيقة حضرتك مع الوقت هتحبك وتسمع كلامك ودى مشكلة بسيطة وممكن قبل اى ارطبط رسمى يحصل ممكن تتكلم معاها فى حاجة زى كدة بس بطرقتك طبعا الرقيقة معاها عشان هى تقتنع برايك وشوفها رد فعلها ايه وسعاتها هيحدد كل حاجة انت عايزة لو وفقت على حاجة انت مش عايزة وهى الحاجة دى صح يبقى دى فعلا محترمة عشان دة احترام وانت بتتكلم فى حاجة حلوة مرضيه ولا تفترى الافترا حرام وحاول وبارك الله فيك ……………..؟
في بدايه الامر اخي العزيز:
انشاء الله ربنا يكرمك وتقدر تلاقي الانسانه الكويسه اللي يرضي عنها ربنا اولا واهلك وتقتنع بيها
بس انا شايفه من وجهه نظري المتواضعه ان مفيش مانع انك ترتبط بانسانه ودوده ومحترمه وعلي علم ببعض الامور الدينيه زي ما حضرتك وصفتلنا البنوته انت وهي ممكن تزودوا بعض في جزئيه الدين ومش من الضروري ان الانسان يلاقي الانسان اللي تخيله عقله وفكره او الصورة اللي كان بيحلم بيها تمام ممكن تلاقي نسبه 70 او 80 في الميه منها انما صعب جدا انك تلاقي ال 100 في الميه اللي انت عايزه تمام
وانصحك بخصوص الشابه اللي انت قابلتها لعل الله يجمع بينكم علي خير انك تصلي استخاره لله ولو فيها خير وهي مكتوبه ليك اكيد ربنا حيكرمك معاها لو مش هي رزقك ولا مكتوبالك ادعو الله لك انك تلاقي الانسانه الصالحه والعفيفه التي تراعي الله فيك
اختك في الله
انا اعتقد والله اعلم انك قد وقعت في شرك الفتاة المثالية من غير ان تشعر , خلق ,اخلاق .لما لا لكنه صعب ان تجد فتاة مثالية هكذا لابد من وجود نقص ما الكمال لله وحده اسال نفسك هل انت مثالي حتى تقبل بك هذه الفتاةالمثالية وانا اجدك غير واثق من نفسك من ناحية العلم الديني والشرعي ما من مرأة تغني رجل من النظر لسواهاالا نفس الرجل هي التي تغنيه ودرجة ايمانه وهذه الفتاة ليست مطابقة لشروط التي تريدها هي ليست جميلة بالقدر اللذي يرضيك ودينيا حسب رايك والله اعلم مني ومنك هي اقل منك دينيا . راي انا مع اني من كلامك اجدها مناسبة لكن لاترتبط بها اذا لم تكن راضيا حتى لا تظلمها وتظلم نفسك معها
عارف انا حاسة اننتا بتنقى انترية يابنى دة جواز ومفيش حد كامل انتا كدة هتعيش طول عمرك مش عاجبك حد لانك بتدور عالكمال والكمال للة وحدة وعلفكرة انتا ممكن تتجوز واحد رفيعة وبعدين تتخن اية هتبدلها لازم تكون مقتنع بالى هتتجوزها عشان متظلمهاش وبعدين لما انتا بتقول ان شغلك بيخليك تعرف بنات حلوة طيب متتجوز منهم عشان تريح بالك
السلام عليكم
انا من ر أي ان تصبر يا اخي علشان ما تظلمهاش معاك مادمت مش مقتنع بيها خلاص اصبر وماتنساش سيرزقك الله باذنه الاطفال وبعد كده مش هينفع او صعب جدا انك تسيبها وتفضل تتعذب يبقى الافضل انك تسيبها والحمد لله انت لسة على البر خاصة انك مش مقتنع بيها لا من الناحية الدينية ولا من ال ناحية الشكلية
وان شاء الله ربنا يرزقك بافضل منها
سوري على المداخلة الي مالهاش علاقة بحل لمشكلتك
بس مش عارفة ليه حسة كأنك بتقول عايز مواصفاتي هههههههه
سوري بجد من غير زعل انا بس الفضول الي خلاني اتدخل واكتب كومنت زي دة
بس والله ربنا يوفقك ويوفق البنوتة الي شوفتها سواء كانت ليك او لغيرك
لو هتتقبل تدينها بهذا الشكل حتي لو مش تقدمت في تدينها توكل علي الله واخطبها ام غير ذلك فامامك حلين الاول انك تصارحها انك تريد منها ان تتغير وتقول لها في اول الامر بكل ما تريده منها من التزام في الملابس والتدين بشكل عام دون اخفاء اي شيء وقرروا مع بعض هل تتقبل هذا او جزء منه وانت تستطيع تتنازل عن جزء اخر من افكارك واعلم انك لا تستطيع ان تاخد كل شيء ام الحل الاخر ان ترفضها ولا تأذي قلبك ولا قلبها لانها اذا خطبتها او تزوجتها وهي لم تريد التغير بجد فانت ياما هتتركها وذلك هيأذيها وهيأذيك ايضا لانك هتبقي تعلقت بها وهي ايضا ولكن مبادئك هتجعلك في ضيق وحزن وهتعمل مشاكل بينكو بدون سبب
عليك بصلاة الاستخارة
و بالله التوفيق
اقصد بجمله تفكيرهم زيك هم الى لم يبحثو عن جوهر واصل البنت ولكنه بيبحثو عن الظاهر وبيتوقعوا الباطن من خلال الظاهر.
السلام عليكم يا اخى
تغارجو ان تجعل صدرك رحب بكلام.
اولا:بالنسبه للناحيه الدينه من الواضح انك متدين وتريد فتاه متدينه وليست متدينه فقط ولكن اعلى منك فى التدين لكى ترفعك فى دين الله بس فى حاجه ممكن تلاقى الانسانه دى ولكن ترفض الارتباط بك لانه مثلك تريد انسان اكثر منها فى التدين وتريد ان يرفعها وبالتالى محدش هيرفع حد فى الدين لو فضلنا نفكر فى الطريقه دى اناشايفه على حسب كلامك ان البنت من عيله طيبه وهى ذو اخلاق وبتؤدى الصلوات واكيد بيجى عليه وقت وتقرا قران بس المشكله ان لبسها ضيق شويه واكيد لو عرضت عليه ان توسع مش هتعارض تراما اصلها كويس.ثانيا: بالنسبه للجمال انت كل املك انك تلاقى بنت فى غايه الجمال بس ازاى بدور على جمال الوجه وايضا جمال الروح والتدين تسمحلى ده طمع لانك شايف نفسك كويس من جميع النواحى الماديه والاخلاقيه وغيرها فبالتالى عاوز انسانه كامله من كل حاجه لانك تستحق كده بس للاسف انا مش معاك فى هذه النقطه لان بكل بساطه مفيش انسان كامل الا الرسول (صلى الله عليه وسلم).ثالثا: مفيش بنت وحشه والوحشه بتروح لكوافير دى ملحوظه مهمه على فكره .ارجو انك تعطى لنفسك فرصه وانك تعيد حسابات لان مفيش مشكله انك تاخد واحده مقبوله الجمال وايضا متدينه الى حد ما وتعلو ببعض فى التدين لو انت حاسس بكده من ناحيه البنت دى يبقى توكل على الله وصلى استخاره والله المستعان . اسفه جدا على الاطاله فى الكلام لان الموضوع فعلا مهم وبيفكر فيه كتير من الشباب الى تفكيرهم زيك.
صلى صلاه استخارة
اخى الكريم بارك الله فيك لانك تنوى ان تحيى سنه الحبيب المصطفى وتبحث عن صاحب الدين ولكن يا احى الكريم انت ذكرت فى الاخت بعض الخصال الحميده وهى الاساسيات فى الاسلام انها محجبه وتصلى والحديث معها كما ذكرت يرتاح له فلبك وهذا اهم شئ انك متفاهم معها فكريا وعقليا وبناءا عليه ممكن ان تطلب منها ماتحتاجه انت وتتمناه بعد ذلك وهى ان شاء الله ستتوافق معك لانها ناضجه فكريا اما من ناحيه لون البشره يا اخى فيوجد مسائل اخرى اهم منه بكثير وهو مثلا النظافه الشخصيه للمرأه بالله عليك ما رد فعلك لو انت تريد زوجه بشرتها بيضاء ولكن رائحه فهمه غير مقبول من هى فى هذه الحظه افضل من الاخرى صاحبه البشره البيضاء ام الاخت التى رايتها اما بالنسبه الى ان وزنها زايد شويه فهذا امر قابل للحديث فيه وكما قلت انت متفاهمك معها يعنى ان شاء الله سوف تحاول ان تريضيك اما الامر الاخير يا اخى فانظر الى نفسك ايضا فكل انسان فيه من اشياء تعجب الاخريين ويبغض منها ناس اخرين يعنى كلنا عيوب فحاول ان لاتمشى خلف افكار ممكن ان تجعل عندك عقده من الزواج ويمر بك العمر وكما ذكرت انك تعمل فى شكركه فى مغريات فسارع بحجب نفسك عن الحرام بارك الله فيك ورزقك زوجه صالحه تحبها وتحبك ويحبكم الله