بسم الله الرحمن الرحيم،،
السلام عليكم..
انا حلمت حلم غريب ومحيرني ـ بس ما متذكراه كله كل اللي اتذكره:-
تقريبا عندي علاقة بشاب ومخبينها عن الناس لظروف الشاب”والشاب ما اعرفه في الواقع”المهم كنت مع زميلتي بالصف”وعلاقتي بيها مش قوية مجرد زميلة بالصف”وكانت معاها امرأة ما اعرفها فقمت مشيت علشان انام وانا راقدة لسه ما نمت سمعت المرة ترسل زميلتي ليا وزميلتي تجي تقيف وما بتتكلم معاي تمشي تقول لها رفضت وما سمعت الكلام مع انها ما اتكلمت معاي وتحسبني نايمة بس اانا سامعاها ،،
بعدين نمت لما صحيت لقيت المرة وزميلتي المرة قالت لي ليه ما بتسمعي كلامي وانها بتكلم الولد”اللي عندي علاقة معه.. وهي ما تعرف علاقتنا وتقريبا هي تقرب له وهو ما بيحبها”المهم طلعت واحنا طالعين كنا طالعين من مدرستي واثناء ما طالعين اتشكلت مع البنت وفجأة شفت سيارة استاذي “بعطيني درس خصوصي مع مجموعة “داخل المدرسة اتلفت ع مكتب المديرة لقيته جالس بمكتبها “مع العلم انه لا يدرس بمدرستي ابدا”..يلا وطلعنا وانا طلعت اسبقهم للوصول للشاب وبقيت اجري وهم دخلوا بمكان كده ما اعرفه علشان يصلوا اول مني وانا ضليت جارية بنفس طريقي ووصلت اول منهم ..وبقيت ادق الباب للشاب”وكان بيتنا في الواقع “وكان في شخص ينظر لى .فتح الشاب الباب وكنت ابكي وع طول ارتميت في حضنه وبقيت ابكي وهو بكا معاي بس بعدت عنه لاني كنت اتوقع زميلتي والمرة يجو يشوفونا ودخلت غرفته”وكانت غرفة مذاكرتي في الواقع” فجأة فتحت عيوني ولقيته بجمبي ومغطيني بغطا وقلت له عن زميلتي والمرة في الوقت ده هم جو وانا قمت وشلت الغطا عني بس ما زح كله وجلست وهو طلع للمرأة والبنت كانت واقفة مسافة مني ناديتها وسألتها ليه تعمل معاي كده.وختيتها ع رجولي وبقت صغيرة ونظرت للشاب والمرأة وكانهم ببدوا يتقاتلوا وشفت الشاب انه رجله واجعاه وسرحت في وقلت بنفسي:انا بحبك بس يا ترى ح نواصل ولا علاقتنا حتنتهي. وياريت وجع الرجل فيني ولا فيك..
وفجأة لمحت ابي لان الباب كان شبه مفتوح وابي شاف شنطتي لاني خليتها بره جمب الباب وشافني كمان واثناء انا خاته البنت ف رجولي ابي جا وانا ما شفته وعمل صوت بفمه وانا اتخلعت وصرخت ورقدت ع السرير ورقدت البنت معي فجأة اشوف انو المرأة بقت مراة خالي والبنت بنتها عمرها”5سنين”قالت لابي:-البت دي كانت بتموت من الخوف”تقصد بنتها”
وصحيت ع كده..
اسفة ع الاطالة بس كتبت الحلم بكل تفاصيله لتساعدوني وتفسرولي ياه لانو محيرني جدددا ارجوكم ساعدوني…
انا بنت عمري16سنة ..ادرس في ثالث ثانوي ..غير مرتبطة باي علاقة مع اي شاب ..وما عندي حركات البنات والعلاقات والكلام الفارغ ده..
ومشكورييين جدا
الأخت الفاضلة تحية: لا داعي لكل هذه الحيرة من هذا الحلم،على الاغلب في هذا الحلم زواج في المستقبل، هناك من الاصحاب من يعترض طريقك يعني ينافسك ويحاول ان يتغفلك لكن سرعان ما تفيقي من هذه الغفلة البسيطة، وستكوني الفائزة في هذا السباق في النهاية باذن الله عز وجل، وانا أتمنى لك ذلك، والسلام
اختي تفسيره نشاءالله هو خير لك ورزق في حياتك ويدل على قرب الزواج لك من شخص قد لاتعرفيه وربما هو من اقارب صحابتك وتحصل مشاكل قد تعوق هالزواج بسب مراة خالك التي تكرهك ولتريد الخيرلك ولكن في النهايةتتزوجي منه واهلك راضين عليكم وموافقين هالزواج ولكن احذري من الحساد الذين يكرهوك ويريدون التفريق بينكم والبيت هوالانتقال من بيت الاهل لبيت الزوجية والبنت هي نشاءالله خلفة صالحة لكم في الحياة والله يحقق امانيك ويتحقق حلمك عماقريبا والله اعلم