عندي 22 سنه المشكله ان ماما مش راضيه تخليني اتخطب غير بعد مااخلص دراسه وانا كليتي صعبه وقدري اني اسقط فيها كنير يعني انا هتخرج على 24 سنه ان شاء الله وكل مايجيلي عريس ماما تبعته لاصحابي مع انهم بيكونو كويسين اوي بس مش فاهماها بتقول اما اخلص دراسه واما قلتلها نفسي اتخطب بصتلي اكني قلت حاجه عيب مينفعش تتقال وقالتلي في بنت محترمه تقول كده وانا بحب انسان جدا جدا وخايفه ييجي يترفض ومتاكده انه هيترفض وهو حد محترم جدا واخلاق جدا بس الحاله الماديه صعبه اعمل ايييييييه نفسي ف الحلال وكل حاجه تتعمل ف النور
شوفي يابنتي الزواج قسمة ونصيب وماحدش ياخد الا نصيبه اللي قدره الله له في هذة الدنيا وامكي تحبك وتريد الخير لك عاوزاك تكملي دراستكي وتتخرجي ولاعايزة حاجة تشغلكي عن دراستكي دا هو الموضوع ولافي ام ماتحبش بنتها تتخطب وتكون سعيدة في حياتها تشطري في دراستكي واجتهدي وخلصي وهتشوفي امكي اسعد انسانة بك واول وحدة تفرح لكي وربنا يخليها لكم ويبارك فيكي ويوفقكي ويسترعليكي