أنا عندي 20 سنه إلا كام شهر دخلت الكليه أهلي مسافرين برة وأنا عايشة لوحدي في مصر بدرس في الجامعة .. الغُربه علمتني كتير وإني أزاي أكون أب وام واخت واخ لنفسي ازاي اكون كل حاجة لنفسي .. وبعمل كدا المم في واحد معانا في الكليه في اكبر مني أنا اولي وهوا تالته حبي في الاول رفضت عشان كان عندي مشاكل اكبر من الارتباط وغيرة قالي انو عايز يتقرملي وفضل فتره كبيره بتكلم معايا اني اكلم اهلي وافتح المووضوع لعله يكون خير وعايزك خطبيتي ومراتي والكلام دا , لحد ما في فترة تعبت وانا في الجامعه وحسيت فبه الخوف اكتر حسيت انو يوم ماهتعب هلاقي الانسان دا سند بعد فترة اتعلقت بيه وحبيته ولما قولتله خلاص هكلم اهلي هوا كمان عرف اهله واتصل بيا باباها وقالي شوفي باباكب هينزل مصر امتي وإن شاء الله نجي نخطبك لإبننا ,, روحت عرفت ماما من كتر ماكنت مبسوط واتحول الموضوع لحرب انو ازاي اعمل وازاي تسمح لنفسك او تفتحي المجال مع حد وتتكلمي بالشكل دا وقالوا انو دا لو اخر حد في العالم مش هنجوزهولك .. المهم قولت عشان انا بعيدة عنهم بس لما اخلص امتحانات واروح هيفهموني
مع العلم انو امه واخواته علي تواصل معايا من وقت لتاني !
سافرت بعد الامتحاانات وقولت اكلم ماما لانها اقرب ليا زي ما اي ام اقرب للبنت من باباها لاقيت رد بالنزعيق وانو لاء ومش هنشوفه ولا عايزين عايزه تتجوزية يبقي تطلعي من البيت وانا اصلاً لسه ما اتكلمتش فضلت ساكته شويه بعدها تعبت ودخلت المستشفي وبعدين امي لما شافتني تعبانه رضيت انها سمعني وتسبلي فرصه اتكلم ..سمعتني قالتلي انو عشان بعيد ومن محاقظة تاني وانو انتي لسه صغيرة مع العلم اني كنت لو هتخطب هيكون اول تالته او أخر تانيه .. البيت قايم فيه حرب وزعيق ومعامله وحشة ونا تعبانه ومش عارفة اعمل ايه وهوا كل شويه يقولي دورت علي شغل وهشتغل وانا بدرس وهساعد بابا عشان لما اجي اخطبك يكون عندي الشقة والعربيه .. بكدب عليه وبقوله بابا قال بس اهتمي بدراستك وصحتك وانت لسه صغيرة مش عارفة اقوله انهم رافضين أعمل إيه؟ اقنع اهلي ازاي انهم بس بسيبوله فرصه يشفوه ؟ اقنعهم ازاي انو الحُب ممكن يبني بيت ؟ اقتعهم إزاي اني كبرت واني مش طفله وإن الغربه عملتني ؟ عايزه مساعدة؟ اي حل ؟
انا عارفه انو ربنا قادر علي كل شئ وبدعي كتير وبصلي بس تعبت من كتر النقاش أُرهقت ؟ ساعدوني اكسب ود اهلي ومحبتهم ساعدوني ؟
مشاكل الحب
حرب بيني وبين أهلي عشان اتخطب لحبيبي
اضيف بتاريخ: Sunday, July 10th, 2016 في 07:48
كلمات مشاكل وحلول: الجامعة, بنات, بنت, مصر
اختي العزيزة كلام اهلك عين الصواب ومعهم كل الحق فيما قالوه لك انت لسه صغيرة والعمرقدامك هتلاقي الزوج المناسب لك ارى انك تصارحي الشاب بالحقيقة وتخبريه بان اهلك رفضوا الزواج منه بدون اساءة اوتجريح وتقولي له الزواج قسمةونصيب وتهتمي بدراستك ومستقبلك وتحافظي على دينك وشرفك واخلاقك وتربية الاهل وثقتهم فيك ولاتنسي انك بعيدة عنهم نعم الغربة تعلم الواحد كيف يعتمد على نفسه ولكن حطي في اعتبارك انك بنت وقد تتعرضي للوقوع في الفتن والمشاكل ونحن في زمن مايعلم به الا الله اختلط الحابل فيه بالنابل وعيال الحرام ماخلو لعيال الحلال شي فحافظ على شرفك وخلاقك وتربيتك وصونيهم تماما ولاتنخدعي بالمظاهر من حولك الله يسترعليكي ويوفقكي ويصلح احوالكي