بدايه لمشكلتى ﻻبد ان اكون منصفة لزوجى ، زوجى رجل كريم ولطيف يعشقنى بكل من المعانى رومانسى بدرجة عاليه يثق في الى ابعد الحدود لكن هناك مشكله واحدة هى انه غير موجود
انا متزوجة من سنتين كان عندى 22 مشفتش فيهم جوزى غير 6 شهور بس ومتقطعين كمان ﻻنه مسافر برة مصر
الفترة الاخيرة انشغل عنى جامد كنت على طول اتصل بيه ﻻما ميردش لاما ميكنش فاضى ﻻما يكلمنى يزعقلى
انا انسانه من دم ولحم ومش هيفهم كﻻمى دة غير اللى فى مكانى
كنت بلعب لعبة ع النت فيها شات جماعى اتعرفت فيها ع واحد مش من بلدى مش من قارتى اصﻻ بس مسلم ومتجوز ومخلف
بدانا كاصدقاء ولقيت الموضوع بيتطور اوى كان بيحكيلى برضه ع اهمال مراته ليه وانا اقول دة اكيد بيعيش عليا علشان يحببنى فيه
كان عجبنى فكرة ان حاجة جديدة فى حياتى ، حب المراهقة اللى عمرى ما عشته ، عاجبنى فكرة انه اجنبى دماغ تانيه لغة تانيه ثقافة تانيه كنت مستمرة فى العلاقة دى علشان بكتسب منه مصطلحات ومعلومات كانت عجبانى
طلب الفيس بتاعى ورفضت طلب صورى ورفضت وفى الاخر اديته رقم الواتساب بس كل كﻻمنا كان ع شات اللعبه يعنى مجرد م امسحها من عندى تتقطع عﻻقتى بيه واعمله بلوك ع الواتس وخﻻص
الكﻻم دة بدا من اسبوعين بس النهاردة كان اول مرة احس انى بحبه واحس انى بخون والقينى مهمله ف نفسى وجوزى اصﻻ اللى كان هاملنى بقيت انا كمان مهملاه ومهمله ف حق ابنى ايوة انا عندى ابن
دخلت كلمته ع شات اللعبه وقلتله ربنا يسامحك ع اللى عملته فيا وانا بكرهك ﻻنى خلتنى احبك وابدا اميل ليك واكره جوزى ،، انا مقدرش اخون مقدرش احب واحد واتجوز التانى
بدا يبرر ويطلب منى استنى واسمعة خرجت من اللعبه ومسحتها من عندى علشان معدتش يوصلى منو رسايل
لقيته باعتلى ع الواتس انه بيحبنى وهو عارف انى متزوجة واننا مستحيل نتجوز هو فى مكان وانا ف مكان ومش عاوز منى ﻻ صور وﻻ مكالمات مجرد شات كل يوم يحسسه ان حد بيطمن عليه بس انا رفض ،، ﻻنى بكدة بتعلق بيه اكتر وقلتله ابعد عنى انا مهما جوزى عمل هفضل احبه
لحد كدة تمام فين المشكله ،، المشكله انى مش عارفة اكتبلك دلوقتى من دموعى اللى مش بتقف ومعرفش انا بعيط ليه قلبى حساه هيتخلع من مكانه عماله افتكر كﻻمنا سوا لدرجة طلبت من جوزى مرة يتكلم معايا بالانجليزى علشان احس انى بكلمة وسبحان الله لقيت جوزى بيستخدم نفس مفرداته بس محستهاش زى ما كنت بحسها ناحيته
انا عماله اصلى واقول يارب زين جوزى حب عمرى 4 سنين ليا تانى وابعد عنى كيد الشيطان لكن الشيطان عمال يقولى ميجراش حاجةةلو حصل شات بسيط كل يومين تلاته هو هيشوفك ولا هيلمسك وﻻ هيسمع صوتك فين بس القلب الشئ الصغير دةةاللى متعلق بين ايدين ربنا اللى بندعيله كل يوم يثبته ع دينه ،، القلب اللى خﻻنى اهواه واهوا كل حاجة منه لدرجة بقيت احلم بيه كل ليله
انا عارفة ان اللى عملته غلط ومالوش مبرر بس انا لحم ودم فى الاول والاخر والغلط وارد فى حياتنا ارجوكم ثبتونى قولولى انتى صح كملى اسحبوا منى جرعة المخدرات دى ﻻنى حاسه انى بنسحب من الدنيا
مشاكل الخيانة الزوجية
خنت زوجى بعد انشغاله عني
اضيف بتاريخ: Tuesday, September 15th, 2015 في 18:42
كلمات مشاكل وحلول: النت, زوج, شات, متزوجة, مصر
اختي الفاضلة لاعذرك في الخيانة لزوجك مهماكانت الدوافع اوالاسباب اتقي الله في نفسكي وفي زوجكي وحافظي على شرفك واخلاقك وتربيتك ولاتجعلي للشيطان عليكي طريق استهدي بالله واطردي الشيطان من حياتك واقطعي علاقتك بهذالشاب السافل الخبيث اللي يريد اغواكي والنيل من شرفكي وخراب بيتكي ودماره واصبري واشغلي اوقاتك بطاعة الله من صلوات وعبادات وقراةالقران والصوم والاهتمام بشؤن البيت والتواصل مع زوجك عبر النت اوالموبايل الان اصبح كل شي صوت وصورة تقدري الاستمتاع مع زوجك والتكلم معه وقضاء اوقات جميلة وسعييدة معه وهوغايب عنك من خلال التحدث اليه ومشاهدته لماذا تفكري في الخيانة وتجلبي لنفسكي العاروالفضيحة وتدمري حياتك الزوجية حرام عليكي كلهذا الله عزوجل يراكي اين مخافةالله منك تصبري وتحملي وعفي عن النظر للمحرمات وابتعدي عن مواقع الفتن والشبهات واحرصي على مخافة الله ورضاءه عنك تدخلي جنة ربك بسلام وتاكدي ان الشيطان الرجيم يريد ان يفرق بين المراة وزوجها ويزين لها القبيح من العمل حتى يوقعهافي حبال شره ومكره ويفسد عليها دينها واخلاقها وتربيتها ويجعلها رخيصة وفاسقة بلا قيمة ولاكرامة لها هل تريدين ان يكون حالك كهذا اسال الله ان يهديكي ويصلح حالكي ويسترعليكي ويعصمكي من المحرمات والفواحش ويطهرقلبكي ويحصن فرجكي عن المحرمات والمعاصي ويرد اليك زوجكي بالسلامة ويحفظه لكي
اناحقولهالك بكل صدق وصراحةانت مش متربيةولامحترمة واهلك ماعرفوش يربوك صح لوكل النسوان المتزوجات زيك كدا ماكناتزوجنا نحن الرجال ولافكرنافي الزواج من اصله اين مخافةالله من قلبك واين تعاليم الدين اللي درستيهافي المدارس واين حقوق الزوج وواجباته عليك انت بكدافي نظر الدين والاعراف زانية لمامجردرفعي سماعة الموبايل وتكلمت مع هذالسافل المنحط اللي اغواكي وزين لك القبيح وخلاكي تخوني زوجك وماعرفتي ان الشيطان يجري في بنى ادم كمجرى الدم في العروق وانه يخدعك ويريدايقاعك في مستنقع الرذيلةوالفجور وان صورك اللي شاهدهاربمايستغلهاضدك لاجل تهديدك وابتزازك جسدياومادياويجعلهافضيحةلك ولزوجك المسكين اللي في الغربة بيشقى ويكدليلاونهارا لاجل واحدةساقطةمثلك لاتحترم نفسها ولاتقدرمعنى الحياةالزوجية حياتك كلهاخسارةوضياع في ضياع اذالم تبادري فورا بالتوبةلله عزوجل وتقطعي علاقتك المحرمةمع هالخاين الفاجرالخبيث وللابد وتتقي الله في نفسك وفي زوجك وفي عرضك وشرفك وتصونيهمامن المحرمات والا فلاخيرفيك على الاطلاق ولك من الله عزوجل عذاب عظيم
اتقي الله ، ولا تجعلي الله أهون الناظرين إليك ، ولو أنك مت على ذلك ، مت على سوء خاتمه
اذا كان زوجك يهملك وانت لا تستطيعين الصبر على الشهوة الجنسية في فترة غيابه، و ليس هناك امل ان تعيشي مع زوجك في المستقبل القريب اي في الخمس سنوات القادمة فاطلبي الطلاق، اما الخيانة فهي تدمير لحياة ابنك و زوجك.
اطلبي الطلاق و اعطي لزوجك حق الحضانة اذا كان يريد الطفل ان يظل معه. لان سبب الطلاق تافه هو عدم قدرتك على الصبر دون ممارسة الجنس، وبالتالي حضانة الطفل تعود للطرف الذي لم يطلب الطلاق وهو الزوج.
أختي حبيبتي
أنتي في كربة و فتنة من فتن الدنيا
أوقعك فيها الشيطان عشان يعيشك في هم و غم و قلق و فقر
و اعرفي تماما ان الرجل الي وافق انه يكلمك بل و كمان عايز يجرك للي أكبر من كدة و هو خاين لزوجته ، اعرفي انه شيطان إنسي بالظبط زي الشيطان الي احنا عارفينه و الله أعلم انتي الفريسة رقم كام !!!!
حابة أحييكي انك بتفوقي و انك شجاعة مش سيبتي نفسك ليهم
استعيذي بالله من شر شياطين الإنس و الجن و من سيئات عملك و شرور نفسك و من الفتن ما ظهر منها و ما بطن ..
الأمر التاني هو ﻻزم زي كتير من الي قبلي نصحك بأنك ﻻزم تجدي انتي و زوجك حل للفراق الي بينكم ده
ان كانت ظروفه تسمح يخدك معاه تعيشوا سوى بالمعروف فﻻزم ياخدك
كلميه و اتفاهمي معاه بحب و لطف انكم ﻻزم تعيشوا سوى هنا او هناك عشان الله تعالى جعل الزواج سكيييييينة و مودة و رحمة و حياة طيبة بين اتنين.
الله يحفظك حبيبتي من السوء و الفحشاء و المنكر و البغي و يصرف عنك خطوات الشيطان و يزيدك عفة و طهارة و قرب ليه
و كمان ياريت تاتحقي بحفظة القرآن الكريم و تجدي الصحبة الصالحة الطيبة و استغفري كتير لله تعالى انه هو الغفور الرحيم
و اهتكي بابنك و تربيته على خلق القرآن
الله يجمع شملك مع زوجك و يرزقكم الطمأنينة و السعادة اللهم آميييين
اعتقد الناس هنا فهمتك كلامك وانتى بتقولى (قولولى انت صح كملى) غلط خالص .. يا جماعة هيا تقصد شجعوها انها تفضل بعيدة عنو عشان كدا ايوة انتى صح كملى !! .. كتر النقد والكلام الجارح مش هيساعدك ابدا بالعكس يمكن غلطتى لما اتعلقتى بيه لكن واضح انك لسا قادرة تميزى الصح من الغلط وفعلا مهما جوزك عمل اوعى تخونيه لو ملقتيش سبب متخونيهوش عشانو على الاقل عشان ربنا اوعى تخونى ربنا وزوجك ممكن يكون بشتغل برا عشانك وعشان ابنكو لكن هوا بردو مستحمل جزء من الغلط ودا حق لازم يتقال ومينفعش حد ينكرو ! لازم تلاقى طريقة تشوفى بيها زوجك اوقات اكتر لو تقدرى تسافرى معاه لو تقنعيه يغير طبيعة شغلو لانو كراجل كمان هوا لازم يكون محتاج زوجتو جنبو فى البلد اللى شغال فيها صارحيه ان علاقتكو لازم ترجع قوية زى مكانت صارحيه انكو لازم تبدأو من جديد وان حياتكو تتحسن تموت الفلوس وتموت العيشة الحلوة طول مالعيلة الواحدة مش مع بعض
تحبى ان جوزك يعمل كده؟؟؟؟؟؟؟؟؟
لو موافقة اعملى كدة انتى كمان لو مش موافقة صلى وادعى ان ربنا يهديكى
اسالى حبيبك ده هل يرضى تن اخته تعمل كدة لو سالك ليه قوليله ان ليكى اخ عاوز يتعرف عليها لو مش رضى وزعل قوليله وانت اختك مش احسن منى ولا انت احسن من جوزى
للاسف مشكلتك اصبحت مكرره بشكل كبير عند الزوجات في الاونه الاخيره .الزوجه وبمجرد ان يسافر زوجها لظروف قاهره خارجه عن ارادته ويهملها بعض الشي تبدا اصابع يدها الشيطانيه في البحث عن البديل .ماهذا ايها الزوجات التافهات ما هذه الحماقه وقله الادب اين ذهبت تربيه الاهل لكن .اين الوفاء اين الاخلاص اين الصبر .كلن تقعون في نفس الحماقه ونفس الاخطاء
تبدان بتعارف بسيط ثم يتطورالي حب عميق ثم ندم وشكوي بعدم القدره علي نسيان حبيب القلب المزعوم
وهل تعتقدون ايها الزوجات المغفلات ان هولاء الرجال صادقون في حبهم لكن صدقوني انهم يبالغون جدا ويمثلون دور الحب من اجل الايقاع بكن فانا رجل واعرف هذه الالاعيب الشيطانيه
وكيف تغالطي نفسك وتطلبي منا ان نقول لكي صح واكملي ..انتي غلطانه وستين غلطانه ..استيقظي من غفلتك وارمي هذا الحبيب الوقح النذل في اقرب حاويه زباله وتكلمي مع زوجك في ضروره ان يكون معاكي او ان تسافري له
اختى العزيزةهذه مراهقة حقيقية نتيجة الفراغ اللى انتى فيه اوعى تنخدعى انا مش عارف اللى انتى بتكلميه ده مممكن تلاقيه عجوز متصابى وممكن تلاقيه مش راجل وممكن تلاقيه شاذ وممكن تلاقيه نصاب او تاجر مخدرات او تاجر رقيق او حاجات كتير عمرها ماتيجى على بالك ساعتها حتعرفى اد ايه كنتى عبيطة
سيبك من الكلام ده وغرقى جوزك بمشاعرك
لا مش هقولك انتى صح كملى … مش هكذب عليكي وانتي عارفة انى كذاب وهتقولي كده في سرك … أحلي حاجة في الموضوع انك فاهما نفسك كويس جدا جدا جدا … أساس معيشتك وبناء بيتك انتي وجوزك وولادك فيه حاجة غلط… مينفعش الواحدة تتجوز او الراجل يتجوز ويدوء طعم الجواز والحب والاهتمام ويلاقى روحه وأنفاسه ويطلع بمشاعره الكامنة وبعدين فجأة تسيبوا بعض … ليه علشان الفلوس … قطيعة … والله لو عشته علي حصيرة وكلته زيت وخل … بس بالحب والقناعة بالمكتوب وبرزق ربنا لينا … هتتغير نظرتك للحياة بشكل كبير جداً جداً … الله يسامح جوزك ويسامحك انك وافقتي علي سفره بعيد عنك ولفترة طويلة … ومازالت مستمرة ولا يوجد ظهور لنهاية هذا النفق المظلم… وكمان الله يسامحك انتي كمان لأنك رميتي نفسك في موطن الشبهات … ألحقي نفسك قبل ما تغوص رجلك في الوحل … التزمي ب باب الله … ادعيله انه يخرجك من محنتك … بس لازم تكوني انتي صادقة مع الله ,,هتشوفي اد ايه ربنا هيكون رحيم بيكي … بس لازم ربنا يشوف من الصدق والأخلاص … انتي انسانة ذكية جداً وشاطرة جداً وده واضح ليا أنا … بس للأسف ضعيفة جداً… وده ممكن يكون موجود في شخص واحد بس ذكائه المفروض يغلب ضعفه لأنه عارف مداخل الشيطان كويس جداً بس هوا الواحد والبنات خاصةً بيحبوا اللي ييعيشهم في الوهم … بس طبعاً هما مش فاهميين أنه وهم … لأ هما مصدقين أنها الجنة … بس بتصدموا بعد فوات الأوان … وصدقيني ممكن جوزك يقدملك أكتر من الشخص الغريب ده ويكون فيه صفات أحلي منه بكتير … الحرام يا عزيزتي بيكون حلو في الأول … ولازم يكون حلو في الأول علشان يكون فتنة…وربنا يشوف من عبده هيعمل ايه…الحرام يا عزيزتي بيطمس البصصيرة وزيدي كمان علي كده أنك ممكن لا قدر تسقطي من عين الله ويتخلي الله عنك …خلاصة القول… خافي حقيقة من المصير السئ اللي ممكن تحسي بيه الدنيا … هتلاقيها بلا طعم ,,, آآآآنسسييي وحدتك بالله … وفي نفس الوقت حطي خطة عملية لأنهاء المشكلة وده الجزء الأسهل في الموضوع كله …تجيببي جوزك جنبك …وتحبي فيه كل حاجة حلوة وخليه يحب فيكي كل حاجة حلوة …ذوقى عسيلته ويذوق عسيلتك
الحلال أجمل الحلال أجمل الحلال أجمل ….
اللهم أرحم ضعف عبدتك الضعيفة تلك و احمها من شر نفسها وشر شياطين الأنس والجن
وارحم ضعفي معها وصبرني علي بلائي يا رب العالمين
تمنياتي ليكي بكل خير