فى البدايه اتقدمت لخطبتى ولم اكون اعرف شئ غير من كلام الناس انها مهذبه وهكذا ومع مرور الايام بدات اتعرف على مشاكل كثيره انها كانت تحب قبلى شاب لمدة 5 سنوات وانتظرته ولكن الظروف الماديه كانت العائق واعترفت لى بذلك وحصل مشاكل كثيره مع الشاب التى كانت تحبه وخناق وهكذا ومع مرور الوقت تداركت هذا ومنذ ايام قليله اخذت صفحه الفيس بوك بتاعتها وشوفت انها دخلت على صفحات جنسيه من المشهوره على الفيس ولما واجهتها اعترفت وجلست تبكى وهكذا ورغم انها تصلى وكل شئ بجانب مشاكل كثيره اخرى وانا احبها وانا متاكد من حبها لى ونسيانها للماضى انا حاسس بخنقه
والله العظيم انا فعلا بشكر حضراتكم جدا لانكم قولتم الكلام اللى ديما بقوله لنفسى ربنا يطمن قلبكم انا سعيد جدا بكلامكم وانا فعلا بدات حياة جديده معاها وهى نسيت كل شئ والماضى المزعج بتاعها وديما بطمن قلبى من جانبها لانى احبها حب صادق
كل انسان سواء رجل او امراه له ماضي سواء جيد او سيء يااخي العبره بالتوبه النصوح وهي اعترفت لك بنفسها عن كل شء وده اكبر دليل على انها بنت كويسه انها ناويه تفتح معاك صفحه جديده وبعدين ياعم متزعلش نفسك قوي بموضوع الصفحات اياها ماانت كمان كنت بتدخل عليها انت فاكرها مش بني ادمه ولا ايه ليها مشاعر واحاسيس وياعم احمد ربنا ان شاء الله هتسعدك لما تتجوزها
ربنا يتمم عليكم بخير
موضوع صعب جدا على اى شاب يبدو عليه الاحترام زاى حضرتك ان يكون فى خنقة وكلام كتتير كدا دى وسوسة شيطان مش اكتر طول ما هى خلاص نسيت الماضى انسى انت كمان وحاول تعوضها عن الماضى وتصلح من الاخطاء لان مافيش حد كامل الكمال لله وحده ااقفل باب ابليس وبلاش تفكر فى الماضى عشان ربنا يكرمك
ياأخي انا عايزاك تقف دقيقه مع نفسك هيا أعترفتلك بأنها كانت بتحب واحد قبلك وده دليل على انها عايزه تفتح صفحه جديده .
بص ياأبن الحلال لو نويت تتجوزها يبقى متشكش فيها عشان كانت تعرف واحد قبلك ومش كل مشكله والتانيه بينكم تعايرها بأنها كانت بتحب واحد قبلك وياريت تنساه.
اما بالنسبه للصفحات الجنسيه فهيا اعترفت بغلطها خليك معاها ومتسيبهاش واتأكد انها مش هتدخل عليها تاني.