بسم الله الرحمن الرحيم
انا شاب اعمل بالخليج نزلت اجازه عشان اخطب بعد ما وصل عمري 27 سنه وفعلا خطبت واحده الناس شكرت فيها وف ادبها واهلها ناس محترمين جدا
بعد 3 شهور من الخطوبه اكتشفت ان خطبتي تعرف كام شباب معها ف الكليه وكانت بتحب واحد منهم وبتكلمه ع الفيس بوك وبيسال ويطمن عليها ع انهم بقوا اصحاب بعد ما كانت بتحبه وانا عرفت بالصدفه عن طريق الفيس فوجتها اعدت تعيط وتقولي غلطه ومكنتش عارف حاجه ف اول الكليه كدا بتكلم اي حد فخدت منها الفيس والبسورد بعد ضعط مني لقيت الرسايل بتعتها مع الشاب هزار وكلام عادي وانها راضيه ابالنصيب بس الشت بتاعها مع البنات ف منتهي قله الادب وكله شتيمه وكلام خارج ف منتهي قله الدب فضلت تعيط وانا كنت خلاص هافسخ معها بس اهلها ناس كويسه جدا وبتوع ربنا وامها منقابه قولت اديها فرصه تانيه هي بتسمع الكلام دلوقتي وبتصلي ومبقتيش تكلم البنات دي زي الاول وبتقول انها متقدرش تستغني عني بس انا مش قادر اسمحها ولا انسي الي حصل دا كل يوم ف دماغي وافتكر الكلام ده والنفسيه بتسوق خالص لانها مش مقدره الغربه الي انا فيها وعملت كدا مع اني مش مخليها عاوز اي حاحه خالص وكنت بعمالها بما يرضي الله بس كل اما اشوف اي حاجه عن الخيانه او عن الغدر اوي شي متعلق بالقصه بتعتي دي بدمر بصراحه مش عارف اعمل ايه اسيبها ولا اصبر عليها مع اني صليت استخاره كام مره بس مش بحس بحاجه ان اسيبها ولا لا وشكرا اسف للاطاله
مشاكل الشباب قبل الزواج
خطبيتي والمشاكل وكيف اتركها او استمر معها
اضيف بتاريخ: Monday, December 28th, 2015 في 02:13
كلمات مشاكل وحلول: الخطوبة, الفيس, بنات, بنت, شاب
ياابنى العزيز ماحدش منا معصوم من الغلط كلنا بشر نخطئ ونصيب وطالما ان خطيبتك اعترفت لك بغلطها ونادمة على ماحصل منها فصدقها وسامحها واصفح عنها فالله عزوجل يغفر ويسامح عباده افلا نسامح نحن واعطها فرصة اخيرة لاجل تثبت لك انها تغيرت للاحسن وربنا يتمم لكم بالخير ويؤفقكم ويسعدكم في مستقبل حياتكم الجاية
نصيحتى لك لا تكمل معها ولا تنخدع بتدين أهلها الظاهرى….هذه قنبله موقوته فى بيتك
شوف يااخي انت انسان محترم وبن ناس كويسين وعارف مرحلة المراهقة وايام الجامعة والبنات وشلتهم ودي حقيقة الكل يعرفها اناارى انك تعطي البنت خطيبتك فرصة اخيرة لكي تغير من سلوكها وخصوصا وانك تقول ان اهلهاناس كويسة ومحترمين واكيد البنت ندمانةعلى كل ماحصل منها وتاكدت من توبتها والتزامها ايه المانع انك تسامحها وتعطيهاالفرصة كي تتغير ويكون صلاحها على يديك ماحدش منامعصوم من الخطايا كلنابنخطئ ونغلط وخيرالخطايين التوابون اسال الله عزوجل ان يهديهاويصلح حالها ويجمع شملكماعلي خير ونفرح بكماعن قريب نشاءالله تعالى وربي يسعدكماويوفقكما