السلام عليكم انا شاب ٢٢ سنة و خطيبتي ١٦ سنة و بنحب بعض مكنتش بفوت و لا مناسبة
و لا زيارة و لا خروجة
و يوم ما اخويا عمل عملية
و روحت معاها شبكة ابن خالها
من غير ما احلق دقنى و لا البس بدلة زعلت منى هى و حماتى
و بعد الشبكة سبقونى على ستها و قالولى احصلهم
و انا محصلتهمش و روحت على البيت علشان اقعد مع اخويا
و اتصلت بيها اعتذر لها انى
مجتش عند ستها لقيتها زعلت
و قالتلى انا كنت مستنياك نتصور انا و انت بس ماشي
قولتلها معلشي مرة تانية
دا انا جيت الشبكة و اخويا عيان عشان ابقى معاكى
المهم زعلت هى و حماتى
و انا لما لقيتهم زعلانين مزورتهمش تاني يوم و اتصلوا بيا انت مجتش ليه قولتلهم معلشي مش هقدر اجى عشان
قاعد مع اخويا ليحتاج حاجة
زعلوا برضو و من هنا بدأت المشكلة..
المشكلة هى انها كانت بتمتحن
امتحانات الدبلوم و لقيتها بتقولى انا هجيب مذكرات الثانوى العام و رايحة الدرس بكرة و هدخل امتحانات الثانوى العام بعد ما امتحن الدبلوم
و انا رفضت دا بشدة و والدها برضو رفض و سبب رفضنا انا و هو اننا بنخاف عليها جدا و بنغير عليها جدا بالرغم من رفضى انا و والدها الا انا راحت
الامتحان و دا بسبب تشجيع حماتى ليها و زنها على ودان خطيبتى ان دا مستقبلها و ان الدبلوم وحش و ان الجامعة المفتوحة صدر قانون انها من الثانوى العام فقط مينفعش بالدبلوم مع انى لما خطبتها كان ينفع من الدبلوم .و كلام كتير جه على هوى خطيبتى خصوصا ان حماتى في نفس المشكلة لانها دبلوم و دخلت جامعة مفتوحة بالرغم من رفض حمايا!!
و دا مخوف حماتى منى
انى مدخلش خطيبتي كلية
و انها تبقى في نفس مصيرها
بالرغم انى وعدتها انى هدخلها
فالقصة كلها مش مع خطيبتى
لان خطيبتى انا اقنعتها بالدبلوم من الاول و اقتنعت على اساس اننا هنتجوز بعد سنة تانية لكن في الثانوي العام لازم نتجوز بعد الثانوية يعنى الجواز هيتاخر سنة كاملة و دا مش في صالحى لان المشاكل بدأت تزيد بينى و بينها و اهلى و اهلها و زعل و خصام
فانا عاوز الحل بالتفصيل
و بلاش فكرة اسيبها دي
لانها مش حل ..
لانى انا ليا عيوب و هى
و اي انسانة في الدنيا
فانا عاوز احل مش اعقد .و شكراً
مشاكل الشباب مع البنات
خطيبتي عنيدة وعلطول زعل وخصام
اضيف بتاريخ: Tuesday, May 17th, 2016 في 09:50
كلمات مشاكل وحلول: الحب, الخطوبة, بنت, شاب
اخي العزيز الجواب مبين من عنوانه كمايقولون ومش محتاج احد يشرح لك دام انهاتمشي وراء امها في كل حاجة ورفضت تسمع كلام ابوها وكلامك انها ماتدخلش امتحانات الدبلوم وتختلق المشاكل معك ومش مقدرة وقوفك مع اخوكي المريض ولامهتمة بظروفك ومشاعرك فصدقينى لاتصلح ان تكون زوجة لك وتبنى عليها احلامك في المستقبل دعنا من المشاعروالعواطف انت تحبها ومتعلق بيها وده واضح من كلامك عنها لكن الواقع يقول انها غير مناسبة لك ولاتستاهل ان تكون زوجة مخلصة ووفية لك ولامقدرة لاعباء الحياة الزوجية من زوج واولاد اتركها فورا وربنا بيكرمك ويعوضك بخيرمنه الف مرة هتلاقي بنت الحلال الصالحة اللي تعزك وتقدرك وتصونك وتسعدك في هذي الحياة
انتا شكلك شاب جدع وبتفهم في الأصول طبعا اخوك أهم وهي لو بتحبك وبتحب أهلك من نفسها كانت قالتلك خليك جنب اخوك دي اول حاجه..تاني حاجه خطيبتك لسه صغيره وما تقلش لأ دي عقلها كبير والكلام ده لأن المراحل العمريه دي شيء معروف فهي عايزه تحقق هدف لكن برضاك وبالاتفاق مع بعضكم وطبعا اللي انا شايفه أنها بتعاند معاك ووالدتها مشجعاها.أحب اقولك بحكم خبرتي هتتعب في حياتك جدا طالما والدتها بتتدخل في حياتها..(الحل الوحيد إنك تبعد شويه عنها وتغير من أسلوب التعامل معاها وتحسسها إنك متغير ولو بتحبك بجد اتأكد إنها هتضحي بأي حاجه في سبيلك ).