أنا انسان طيب ورومانسي و عاطفي بس مش قوي يعني .. كنت بحب بنت لدرجه كبيرة جدا واكتشفت انها بتحب واحد تاني و الواحد التاني دا صديقي ولما حبته حصل بينهم مشاكل وسابوا بعض وقررت في نفسها انها مش تكلمه تاني ودا ال شجعني اني أقولها على ال ف قلبي كله وفعلا قولتلها وهيا وافقت من غير تردد وكلمنا بعض عادي وحبينا بعض برده عادي وكل حاجه عادي بس ف الفترة الاخيرة حسيت انها وافقت عليا عشان تنسي حبها الاول مش أكتر وال بيعرفني كدا كذا موقف عملته معايا … ومش عارف أعمل ايه ؟ وأنا مش قادر أسيبها و ف نفس الوقت عايزها تحبني زي ما انا بحبها
أحيانا الواحد بيسأل اسئله لو كان عنده مروءه ونخوه أكيد مكنش هيسألها..ياراجل دا انا مكسوف ليك والله…طب افرض انك إتجوزتها وبعدها هى اتصالحت مع حبيبها الأولانى تبقى كوبرى بينها وبين صاحبك مهو يا إما هتبقى كوبرى بينهم يا إما هى هترميك وتروحله…ترضى على نفسك انك تعيش بقرون عشان بتحبها وياترى هى من جواها هتحترمك لما تلاقيك كده…إتقى الله فى نفسك
يا اخي قبل كل شيء يجب أن تفتخر بنفسك لانك صادق في مشاعرك و لا تنوي الشر لها الا تعلم. أن هذا الخلق قد اختفى تماما في هذا الزمن . انت كل ما عليك فعله هو سؤالها اسألها بأدب و لطف و هي بتأكيد أن كانت لا تحبك فسوف تعتذر اليك و انت تقبل اعتذارها و انتهى . صحيح انه من الصعب ان تترك من تحب . و لكنها بتأكيد لن تكون الحب الوحيد و غيابها عنك سيكون في تلك الحالة افضل لك . و في حال كانت تحبك تمسك بها و تقدم لها و تزوجها و عش حياتك بسعادة
يااخي دام ان البنت سابت الشخص الاول مثلما قلت وانت صارحتها بحبك ومشاعرك نحوها والبنت وافقت صرتم كويسين مع بعض ليه اساءة الظن دي منك للفتاة وايه هي المواقف التي تقول انها عملتها معك علشان تظن انها مازالت تحب ذلك الشخص الاول هل مازالت تتكلم معه اوتخرج معاه ام مجرد اوهام في دماغك انت ولااساس لها من الحقيقة بلاش تظلم البنت وتقسو عليها اذا كنت شاك فيها وفعلا شكوك في محلها وتاكدت انها مستمرة في علاقتها مع الشاب الاول فمن الافضل انك تتركها فورا وتحافظ على كرامتك ومشاعرك وان كان لا البنت كويسة معك وتبادلك نفس المشاعر والعواطف وصادقة معك في كل شي فاستمرمعها واترك عنك مثل هالظنون التي تدمرحياتك
كل الاستبن كده هو عارف انه استبن اذا هو عاجبه كده واللى مش عاجبه ان يكون استبن ينخلع ولا يلومن الا نفسه والاستبنات كتير يا بنى الكرامه فوق الشهامه حلوى دى؟؟؟؟؟