مشاكل العمل

ابويا وامى مش مستحملنى وانا مش لاقي شغل

اضيف بتاريخ: Tuesday, January 4th, 2011 في 08:56

كلمات مشاكل وحلول: الجيش, تركي, شغل, لغات, مشاكل العمل

11 رد to “ابويا وامى مش مستحملنى وانا مش لاقي شغل”

1. نورهان هشام احمد حسن

   

   08/02/2011 at 06:35

   أنا مع فيلسوف الصعيد لازم تطور نفسك وحاول ان تحصل على دورات كمبيوتر و انجليزي وعلشان تصرف على الكورسات دي لازم تشتغل اي حاجة مثلا مندوب مبيعات وده حيفيدك كتير لما تخلص الجيش تقدر تلتحق باي عمل محترم يعني استغل أوقات فراغك فيما هو مفيد والله الموفق
2. حبيبة الرحمن

   

   07/01/2011 at 16:41

   وهو لازم تشتغل بموهلك اخي اشتغل في سوبر ماركت او مراكز الكمبيوتر مامكترها اهو منك تصرف علي نفسك ومنك تبعد عن الحاج والحاجه الشغل في اي حاجه عمره مكان عيب العيب اعدتك اكده
3. sad girl

   

   06/01/2011 at 12:20

   براحة يا جماعة علية طب لية ميصبروش علية لهاية ما يخلص التجنيد دة و بعديها يشتغل اي حاجة انشالة في سوبر ماركت انا من رايي يكلم اهلة براحة يصبروا علية اة اكيد مخنوق من قاعدتة وهما بيزودوها علية
4. sad girl

   

   06/01/2011 at 12:18

   علي فكرة ينفع اطلب منك طلب انا محتاجة اخد في الغة التركية اي رايك تديني؟؟؟؟؟؟؟
5. جبل هم و مشاكل

   

   05/01/2011 at 21:35

   والله انت كلامك غريب اوى يا مودى يتسمع كلامى وبس ده كلام تقولوا برضوا يابنى انا اب وعارف ايه معنى الابوه وعندى اولادى فى هذا السن انا مش صرفت عليه علشان يتربى ويدرس وكمل دراسته ويقعدلى فى البيت لا انا حتى لو مش محتاج منه فلوس ولكن انا عايز اجمع ثمره مازرعته بمعنى اخر انا بفرح لما اشوف ابنى رايح الشغل وراجع من الشغل انا مش محتاج منه فلوس لكن محتاج كاأب انى احس هذا الاحساس ان ابنى بقا راجل يعتمد عليه والحمد لله ربى العالمين ربنا مايحرمنى من اولادى وخاصه ابنى الكبير واقف جنبى وقفه رجاله مرتبه كله بيجى على حسابه فى البنك وكارت البنك معى انا اديله انا فلوس علشان يخليها معاه يقولى انا مش بحتاج فلوس كتير معى ولكن انا ايضا ولله الحمد عملت لهم مستقبل لابأس به اتمنى منك يا بنى ان تكون فى عين والدك مثل ما ابنى انا اراه وهذه اجمل فرحه واجمل احساس بالنسبه للوالدتجاه ابنه اسعى يا بنى واسأل على اى شغل هذا ليس عيب انا اولادى كانوا فى الاجازات الدراسيه يعملون فى شركه بناء معمار هنا فى اوربا وده شغل مش سهل وحتى فى نهايه الاسبوع ايضا كانوا يشتغلوا ومن جد وجد يابنى
6. المهاجر

   

   05/01/2011 at 16:33

   واضح ان الناس مش فاهمه سوالى كويس
   انا مش رافض شغل بره مجالى بس الشغل بيطلب موقف من التجنيد وبيرفض لما بيعرف انك هتسيبه بعد 3 شهور
7. حمو

   

   04/01/2011 at 21:58

   يا اخي
   كلنا عدي علينا الفتره دي
   انا مهندس
   ولما خلصت الكليه وملقتش شغل وكنت مستني الجيش
   اشتغلت في عيادة دكتور لحد ما خلصت جيش مش علشان اهلي بيقولوي اشتغل بس انا محبتش اخلي حد يشيل همي بعد الكليه كمان كتر خيرهم علموني ووقفو جنبي
   طبعا الكلام منطبق عليك انت كمان
   والله يا اخي كان معايا واحد زميلي كان معيد في السن ايطالي كان شغال في محل سمك
   الشغل مش عيب القعده في البيت هيا اللي عيب
8. yuyo

   

   04/01/2011 at 21:29

   مش لازم تشتغل ف مجالك اشتغل اى حاجة تكون حاببها حتى لو ف غير مجالك مؤقتا لحد ما تخلص جيش واهو منها حاجة تقضى وقت فراغك وتاخد خبرات وكمان تجيب مصروفك دور ف اعلانات ف الوسيط او ف مواقع توظيف ع النت وربنا يوفقك
9. فيلسوف الصعيد

   

   04/01/2011 at 20:16

   المواقف هي التي تصنع الرجال كن رجل وابحث لك عن شغل ليس بالضرورة في مجال تخصصك حاول واسعي وسف يوفقك الله انشاء الله فأنت تبحث عن الحلال خد دورات كمبيوتر وادرس لغة انجليزية جيدا وان شاء الله الخير قادم من عند الله تعالى
10. نادو

    

    04/01/2011 at 17:05

    بص مافيش ام و اب بيكره ابنة بس احتمال يكون عندهم ظروف مضغطين شوية وحاول متخليش الاحساس دا مسيطر عليك لانة غلط وحاول تنزل تخرج مع اصحابك وكلم اصحابك يشوفولك شغل ف اي مكان وعلي فكرة الشغل مش عيب حتة لو اشتغلت ف مطعم يعني وعلي فكرة ممكن تنزل تدريب ف اي فندق دا لو انت عايز شغل اعمل سي في وروح اي فندق وقولهم انك عايز تنزل تدريب وبرضو بيكون ليك مرتب علي فكرة وربنا يكرمك
11. مودى يتسمع كلامى وبس

    

    04/01/2011 at 15:49

    بجد مش عارف اقولك اية بس لو انت بتاخد منهم حاجة ماديات او كدة حاول انك تشيل نفسك ولو حد منهم كلمك قولهم انك مش بتتطلب منهم حاجة واوعى تزل نفسك فى شغل او كدة مش اد مقامك وفى حاجات بتكون لذيذة بغض النظر بعيدة عن مجالك وفى الاول وفى الاخر حاول مش تطلب حاجة اتحمل مسؤلية نفسك واعتمد على ربنا م على نفسك يعنى من الاخر شغل دماغك فهمت