مرحبا عمري 19 سنة … لما كان عمري تقريبا 8 او 9 سنين كنت العب مع ابن خالتي و في يوم هو تقرب مني يعني هو ما اذاني بس يبقى اسمو تحرش وهو أكبر مني ب5 سنين تقريبا .
الحقيقة ما كنت اعرف شو معنى الي سواه معي بس اكيد اعرف انو حرام و رغم هالشي ما منعتو كنا نلعب غميضة و نتخبا مع بعض و هو يقرب مني كتيير.
و بعد مدة هو سافر و ما رجع بسبب مشاكل بين امو و ابوه و انا بقيت فكر فيه و بحبو مع اني لا شوفو و لا اتواصل معو و دايما اجمع صوروا و كل شي يخصو لدرجة ما بحب ارتبط او حب اي حدا… لما صار عمري 16 سمحولي اهلي افتح انستاغرام لهيك قررت حاكيه. بعثتلو رسالة بس ما رد و اصلا ما فتحها و لا شي..
مرت سنة و امو قررت تجي و تجيبوا معاها… الكلب اجا و عمرو 22 و و انا 17 … لما اجا انا كنت متحمسة لشوفو و يومها كنت ادرس و رجعت للمدرسة بسرعة و هيك رحت انا و امي و لما سلمت عليه حسيت حالي بدي أصرخ من الفرحة و بعدها رحتلو عالغرفة و عطيطو اسوارة و انا كنت لابسة نفسها و هو باسني من وشي و قلي انها حلوة و كمان لبستو ياها … و حكينا شوي بس الغبي ما فتحلي الموضوع و انا كمان خجلانة و ما قلتلو شي….
رجعت على بيتي و كنت عم اسمع اختي بتحكي لامي انو خالتي حكتلا عن ابنها و قالتها انو في عندو بنت بحبها و دايما تجيهم عالبيت و تساعدها…. اوووف حسيت انو سكينة و فاتت ع قلبي و دخلت عالحمام و حطيت ايدي و فمي و صرت ابكي…… و بعد 4 أيام رجع سافر….
نسيت خيركم انو بعثلي طلب صداقة على انستاغرام… و هيك بعد ما رجع صرنا نحكي بس شوي يعني مرة كل شهرين أو 3 و في يوم سألتو امتا رح يجي و هو قلي انو انو بسبب الفايروس لا…. و انا قلتلو اني بكره الفايروس و هو قلي ” و انا” و انا مثل الغبية فكرتو عم يسأل اذا بكرهو أو لا فقلتو انا بحبك … و هو قلي من اي ناحية و انا قلت لحالي ما بضيع والفرصة و حكيتلو كل شي و هو قلي ما يتفكر اي شي و انو نسا “””بس انا حاسستو يكذب”””
و بصراحة انا كتير اهنت كرامتي لاني كنت دايما احكيلو اني بحبو و قلتلو اني اعرف انو مرتبط و تخانقنا و بعد رجعنا نحكي و انا متل العادة احكيلو اني احبو و رح موت مشانو و اخر مرة قلتلو بسببك انا بعاني و ما اقدر اركز على دراستي و قلتلو انت منحرف و متحرش…… و هو زعل وما عاد يرد علي و اليوم انا اعتذرت مع اني احس اني مو غلطانة…
و هو دايما يطلع مع البنت الي اصلا يهودية و مو مسلمة … و انا بحبو و عن جد كتير أتألم لانو هي كأنها مرتو بقصد بتخليه يساوي كل شي و انا عرفت هاذ من حسابها… على كل بدي نصيحة منكم اهم شي دعاء لحتى كون معو و كمان انجح بدراستي و بلييييز لا حدا يقلي انسيه و كملي طريقك والله جربت و ما قدرت….:)
