السلام عليكم ورحمه الله وبركاته
انا متزوجه من ٨ سنين ومعايا ٣ بنات
مشاكلي مع زوجي زاي اي مشاكل بتحصل بين الازواج بسبب المصاريف والاكل والشرب وسعات بحس منه بالبخل
انا كنت مطلقه منه بسبب بخله واسلوبه معايا وكان معايا بنتين وابويا شايف جوزي انه مش الزوج المناسب ليا وكان رافض رجوعي له تاني بس انا ماكنتش مرتاحه بعد الطلاق وكنت عاوزه ارجع باي طريقه علشان بناتي وعلشان كنت خايفه علي نفسي من الفتنه
وكنت بدعي ربنا ان يعجل في رجوعي لزوجي وفعلا ربنا استجاب وحاولت بكل الطرق اقناع ابويا
وفعلا رجعت بس المشكله ان والدي كل شويا يلومني علي رجوعي ويقولي انه كاره جوزي وانه مش عاوزني اكمل معاه حياتي وان اي مشكله بيبني وبين جوزي ده بسبب غضب ربنا عليا
انا مش عارفه اعمل ايه انا مش عاوزه ابهدل بناتي معايا وانا عاوزه الاستقرار وفي نفس الوقت خايف اعمل حاجه تغضب ربنا
ارجوكم تفدوني وتقولولي اعمل ايه علشان ارتاح
مشاكل الازواج
ابويا عايزني اتطلق وانا مش عاوزة ابهدل بناتي
اضيف بتاريخ: Wednesday, January 5th, 2022 في 00:08
كلمات مشاكل وحلول: الازواج, الطلاق, بنات, بنت, متزوجة, مصاريف, مطلقة
متاكدة ان دة ابوكى مش جوز امك
حافظى على بيتك واصلحى ما بينك وبين الله يصلح ما بينك وبين زوجك
طالما دى رغبتك الحياة مع زوجك وبناتك انسى كلام ابوكى
انتي بتعملي الصح انك تحافظي علي بيتك واولادك
ابوكي اكيد رئيه صائب ولكن خلاص لم يعد ينفع
رئيي استمري مع زوجك طالما يعاملك بما يرضي الله
الفقر عمرة ما كان عيب والرجل بخيل ليه خايف عليكم من بكرة ولا نصرف اول باول ومع اي موقف منلاقيش اي حاجة نصرف منها ولا نعرف نعيش