مشاكل الحب والزواج

احبه ولكنه ليس من طائفتي

مرحبا، بالمختصر انا بنت عمري 18 سنة بحب شخص صرلي 9 اشهر، اتعرفت عليه عن طريق النت وهو من لبنان كمان بس انا بمنطقة جبلية وهو عالساحل، وانا شفتو مرة وحدة لما رجع علبنان من بعد ما كان صرلنا شهرين سوا. المهم انو هو عم يدرس بايطاليا صرلو سنتين وانا بعد شهرين كمان رح سافر عنفس المنطقة لادرس طب،
عندي مشكلتين، الاولى انو انا بنت شيعية وهو سنة، صح نحنا مسلمين بس اهلي مستحيل يوافقو انو يكون من غير طائفة، وانا والله صدقوني اني بنت كتير مرباية وبخاف الله وبصلي وكل شي و ما بحياتي كذبت ع اهلي وانا هلأ ضميري عم يعذبني لان بحبو بالسر، وكمان من ميلة تانية ما بقدر صارحن لان رح يحوموني اني ادرس بايطاليا يعني مستقبلي حيروح، بيي مش متعصب بس بحاول يبيعدني عن اي حدا دينو غير ديني بس اوقات بقول يمكن بعدين يتقبلوا فكرت لنو هيدا قراري وانو ما عم ساوي شي مش شرع الله، قولولي شو ساوي صح اني كفي؟

المشكلة الثانية انو انا رايحة هلى نفس المنطقة يلي هوي فيها و بتوقع كون قريبة منو هونيك، و هو قلي منصير كل يوم منروح سوا عالمكتبة لحتى ندرس وبس نخلص منرجع عل بيت، واوقات ممكن نطلع نشم هوا، هو بخاف الله و بصلي كمان و محافظ ومثقف دينيا وهو عمرو 23 ، انا حكيتو ولمحتلو انو مش حابة، بركي صار شي غلط بيناتنا، هو انزعج من الموضوع بس ما حكي وقالي لانو انا بحبك يعني بحافظ عليكي و قالي انو اكتر شي ممكن يصير بيني وبينك اني ضمك، وقلي هيدا بكون نابع من حبي قلك مش ك نية تانية، وهوو عرفنتي عاخواتو و عامو و بيو بس كلو عالتلفون، وكل يوم بحكي اهلو وهو بقلي خليكي هيك اهلي كتير بحبوكي، المهم انو انا واثقة من نفسي وواثقة من تربية اهلي ومستحيل شي نهار يندموا على الحرية يلي عطوني ياها بس بنفس الوقت حاسة هيدا الشعور انو بركي انا غلطت للحظة وعملت شي غلط، و خصوصا او انا و هو لوحدنا منكون، صدقوني اهلي كتير محافظين وربوني احشن ترباية ولاني واعية وعارفة هالاشيا وين ممكن توصل كرمال هيك بدي حدا ينصحني، ما بقدر لسأل حدا بعرفو لان بحبو بالسر ….. وصدقوني من ناحية الشب كتير كتير واعي و عم يدرس وكتير بحبني والله، ساعدوني بترجاكم

مشاكل وحلول ذات صلة

اضيف بتاريخ: Tuesday, July 16th, 2019 في 15:13

كلمات مشاكل وحلول: , , ,

2 رد to “احبه ولكنه ليس من طائفتي”

  1. ابوالبتول
    17/07/2019 at 00:17

    انت تقول انك مرباية وتخافي الله عزوجل وتحافظ على صلاتك وتصرفاتك عكس كلهذا شو هالمسخرة وقلة الحياء تبعك عماله تلاحقي الشاب وتتكلم معو بالسر بدون علم اهلك وبدك يانا نضرب لك تعظيم سلام ونقولك برافو عليك انت مليون مرة صح وتصرفاتك كلها كويسة لايابنت الناس هيك غلط وحرام وعيب في حقك وحق اهلك وسمعتهم وكرامتهم ابعدي عن الشاب واقطع صلتك به نهايا هذا هو الصح والمفروض تعمليه وتهتم بدراستك ومستقبلك وانت لسعاك صغيرة وبعز شبابك وتلاقي نصيبك مع ابن الحلال اللي يستاهلك ويسعدك صدقيني اهلك ماهيوافقو عليه لانهم شيعة والشاب سني

  2. موظوعك كبير
    16/07/2019 at 17:32

    اسمعي يا اخت انا سني وكان ممكن اقول لك اقبليه ، لكن نصيحتي لك تطيعي والديك واخوانك وتتزوجي من طائفتك، وبالنسبة للدين موجود بالكتب وبوسائل الاعلام جميعها اي مذهب او دين تقدري تبحثي عنه والذي تؤمني به هو دينك وعقيدتك ولا يقبل منك غيره ولا يعنيك أي شيء اخر ولن تحاسبي الا على ما تعتقديه پايمانك ، صلي وادعي الله اذا كان فيه خير لك او لا قبل اي قرار تتخذيه

اترك رداً أو حلاً لهذه المشكلة