مشاكل الاصدقاء

ارجع لصاحبتي ولا اسمع كلام اهلي واطنشها

انا عندي مشكله ان اتعرفت ع صديقه في الجامعه واستمرت صداقتنا حتي من فتره قصيره وانا من طبيعتي مش بتعرف علي حد الا لما هو يتعرف عليا الاول واتخذلت من كتير صحاب .. صديقتي اللي اتعرفت عليها من سنتين كانت مقربه ليا جدا وكنت بروحلها البيت وهي بتيجي لحد اما اهلنا اتعرفوا علي بعض و ف يوم من الايام قالتلي انها بتحب اخويا وانا فرحت عشان قولت هتيجي وتبقي معايا علي طول ومش هنفترق .. حصلت الخطبه ومن اليوم ده اتغيرت معايا جدا كنا بنقعد بالايام والاسابيع مبنكلمش بعض وكانت دايما بتعتقد ان انا اللي اتغيرت معاها رغم ان كنت معاها علي طول واتخطبت قبلها ومكنتش بسيبها ابدا لكن هي اول ما اتخطبت لاخويا اتغيرت معايا .. كانت بتحصل مشاكل كتير بيني وبين اخويا بسبب ان مبكلمهاش واسمع عنها انها بتقول عليا اتغيرت واهلها كمان كانوا بيقولوا عليا كده رغم ان مأذتهومش في حاجه ابدا .. وكدبوا علينا في حاجه معينه في الاخر المهم مكملتش خطوبتها من اخويا واهلها فسخوا الخطوبه .. ف انا محبتش اكون ليا علاقه بالموضوع واعمل بحسن نيتي خصوصا ان مبحبش اسيب حد في ظروف صعبه .. وروحتلها وكنت جمبها وكنت بكلمها الفتره ما بعد الفسخ .. ومن 5 شهور والدي تعب جدا ملقتهاش جمبي الا ايام قليله بس علي الرغم ان كنت معاها كتير بس هي كانت تتصل قليل بس وكنا نتكلم نت قليل برضه باعتبار انها قالتلي تعبانه وانا كنت مشغوله مع ابي وتعبه ف محطتش في بالي حاجه .. لحد اما من 3 شهور ابي توفي وكانوا صحابي جمبي حتي اللي معرفهمش جولي وعزوني ووقفوا جمبي ف الشده دي وهي ملقتهاش جمبي خالص وملقتش ناس من قرايبي جمبي برضه وزعلت جدا ان كنت بقف جمبهم وهما موقفوش جمبي .. هي اتصلت بيا عاشر يوم الوفاه وكان ف كلامها ندم واسف بس عرفت ان صاحبه ليا قالتلها اتصلي عزي وان فسخ الخطوبه ملهوش دعوه بالموقف الانساني ده ولازم تكوني جمبها مع العلم ان كنت بفتح نت قبل اتصالها الاقيها بترفع صورها وتهزر مع صحابها لحد اما من فتره قصيره ليا صاحبه مقربه تانيه قالتلي ان فلانه دي عاوزه ترجع وبتسال عليا فضلت امنعها كتير واقول بعد ايه عاوزه ترجع ووكلام كتير جدا لحد اما لقيتها دخلت تكلمني شات وكان فيه رجاء في كلامها ان اسامحها وبررت كلامها بانها كانت غصب عنها وظروفها مسعدتهاش انها تيجي وطلبت ان اسامحها بس مردتش عليها وصاحبتي التانيه قالتلي هي اتكسرت وعرفت غلطها وعاوزه تصلح وجايه مذلوله انك تسامحيها ف رديت عليها بس كلامي كله يعرفها انها طلعت ندله ومش جدعه معايا وان مش عاوزاها ترجع دلوقتي لان ملقتهاش وقت شدتي وملهاش لزمه انها ترجع .. بعدها اتصلت بيا وشوفت رقمها ورديت عليها مع ان كنت ممانعه اكلمها واتصلت مؤخرا ورديت برضه مع ان اهلي عرفوا ورفضوا ان اكلمها بس مشكلتي ان مش بعرف مردش ع حد وقولت انا سامحت كل اللي اذوني نفسيا وسابوني وان سبتهم لله وهسامح كل الناس واللي هيكلمني هكلمه بس مش هرجع معاه زي الاول عشان مفيش حاجه بتتكسر وترجع زي الاول .. مع العلم ان صحبتي التاتيه شايفه انها راجعه مذلوله وعاوزه تصلح بس انا للاسف مش مصدقاها وبتكلم معاها بحدود حتي هي حست باني بصدها ومش مديها فرصه للكلام ومع ذلك بتتكلم وتحكيلي ع يومها وتفكرني بالايام اللي فاتت ايام ما كنا اصدقاء مقربين لكن المشكله دلوقتي في اهلي وانهم رافضين اكلمها وقالولي مواقفها حاجه والموقف الاخير اللي موقفتش فيه جمبك ف وفاه والدك ده حاجه تانيه خصوصا ان اهلها كانوا مقربين جدا مننا برضه ومع ذلك معملوش موقف انساني واتصلوا حتي بالتيلفون وعزوا والدتي وعزوني .. واهلي بيقولولي رجوعها ملهوش لزمه دلوقتي وابعدي عنها عشان هي سابتك ف شدتك ومحدش من اهلها جه وعمل الواجب و ارفضيها انها ترجع واقفلي الابواب كلها لامك كده مديها فرصه انها ترجع وتكلمك تاني .. بس انا قولت هسامح عشان ربنا وهعامل الناس بحدود مش زي الاول لاني مش بعرف اذي حد اذاني ولو لقيتهم بيكلموني بكلمهم وحاليا ف مشاكل في بيتنا لانهم عرفوا انهر بتكلمني لدرجه ان اتخنقت من الكلام ف الموضوع ده ومش عارفه اسمع كلامهم وابعد عنها ولا اعاملها بحدود عشان مش بحب حد يجي ويترجاني اسامحه بحس ان انا ظالمه وربنا هيعاقبني دنيا واخره .. وهي بتبعت رسائل بس مبردش عليها وقولت لو اتصلت تيليفون تاني مش هرد عليها … ف انا مش عارفه احل المشكله دي ازاي ؟ اخلي معاملتها سطحيه وعاديه زيها زي اي حد غريب ولا اعمل بكلام اهلي واقفل الباب خالص ومخليهاش تكلمني تاني ؟ وجزاكم الله خيرآ ..

مشاكل وحلول ذات صلة

اضيف بتاريخ: Wednesday, March 6th, 2019 في 17:51

كلمات مشاكل وحلول: , , , , ,

اترك رداً أو حلاً لهذه المشكلة